5 ફોટો ગેલેરી

બિઝનેસ / 8માં પગાર પંચને લઈ મોટી અપડેટ, આજે મહત્વની બેઠક; ફિટમેન્ટ ફેક્ટર પર થશે સીધી ચર્ચા!

Last Updated: 11:17 AM, 8 September 2026

FOLLOW ON

શેર કરો

કેન્દ્રના સરકારી કર્મચારીઓ અને પેન્શનધારકો માટે 8મા પગાર પંચને લઈને મહત્વની અપડેટ સામે આવી છે. ચેન્નાઈમાં આજે અને આવતીકાલે યોજાનારી બેઠકમાં ફિટમેન્ટ ફેક્ટર સહિત પગાર અને પેન્શન સાથે જોડાયેલા મુદ્દાઓ પર ચર્ચા થશે.

1/5

1. સરકારી કર્મચારીઓનો પગાર વધવાની તૈયારી!

8મું પગાર પંચ કેન્દ્ર સરકારના કર્મચારીઓના પગાર અને પેન્શન સુધારાની દિશામાં મહત્વપૂર્ણ કામગીરી કરી રહ્યું છે. કેન્દ્ર સરકારે 3 નવેમ્બર 2025ના રોજ 8મા પગાર પંચની રચના કરી હતી. પંચને પોતાની અંતિમ રિપોર્ટ તૈયાર કરવા માટે 18 મહિનાનો સમય આપવામાં આવ્યો છે. આ સમયગાળામાંથી અત્યાર સુધીમાં લગભગ 10 મહિના પૂર્ણ થઈ ચૂક્યા છે.પંચની ટીમ દેશના અલગ-અલગ વિસ્તારોમાં જઈને કર્મચારીઓ અને અન્ય હિતધારકો સાથે ચર્ચા કરી રહી છે. આ જ કડીમાં 7 અને 8 સપ્ટેમ્બરના રોજ ચેન્નાઈમાં મહત્વની બેઠક યોજાઈ રહી છે. આ બેઠકમાં કર્મચારી સંગઠનો સાથે સીધી વાતચીત કરીને તેમની માંગણીઓ અને સૂચનો લેવામાં આવી રહ્યા છે.

આ તસવીર શેર કરો

2/5

2. ચેન્નાઈની બેઠકમાં ફિટમેન્ટ ફેક્ટર પર ચર્ચા

ચેન્નાઈમાં યોજાઈ રહેલી બેઠકમાં કર્મચારીઓના પગાર સાથે જોડાયેલા અનેક મહત્વના મુદ્દાઓ પર ચર્ચા થઈ રહી છે. તેમાં સૌથી મહત્વનો મુદ્દો ફિટમેન્ટ ફેક્ટરનો છે. ફિટમેન્ટ ફેક્ટરના આધારે કર્મચારીઓના નવા બેઝિક પગારની ગણતરી કરવામાં આવે છે.આ ઉપરાંત સેવામાં રહેલા કર્મચારીઓના પગાર સુધારાનો રોડમેપ તૈયાર કરવા અંગે પણ ચર્ચા થઈ રહી છે. નિવૃત્ત કર્મચારીઓની પેન્શન સુધારવા માટેના સૂચનો પણ લેવામાં આવી રહ્યા છે. મોંઘવારી ભથ્થું એટલે કે DA વધારવા અંગેના વિકલ્પો અને કર્મચારીઓની કામ કરવાની સ્થિતિ સુધારવા જેવા મુદ્દાઓ પર પણ ચર્ચા થશે.

આ તસવીર શેર કરો

3/5

3. ફિટમેન્ટ ફેક્ટર અંગે હજુ કોઈ સત્તાવાર આંકડો નથી

હાલમાં સોશિયલ મીડિયા પર 2.15, 2.28 અને 2.57 જેવા અલગ-અલગ ફિટમેન્ટ ફેક્ટરને લઈને અનેક દાવા કરવામાં આવી રહ્યા છે. કેટલાક અહેવાલોમાં આ આંકડાના આધારે કર્મચારીઓના નવા પગારની ગણતરી પણ બતાવવામાં આવી રહી છે. જોકે કર્મચારીઓ માટે એ સમજવું જરૂરી છે કે 8મા પગાર પંચે હજુ સુધી કોઈ ચોક્કસ ફિટમેન્ટ ફેક્ટરની સત્તાવાર જાહેરાત કરી નથી. 7મા પગાર પંચમાં ફિટમેન્ટ ફેક્ટર 2.57 રાખવામાં આવ્યો હતો જ્યારે 6મા પગાર પંચમાં તે 1.86 હતો. હવે 8મું પગાર પંચ કયા આંકડાની ભલામણ કરે છે તેના પર સૌની નજર છે. પંચ માત્ર ભલામણ કરી શકે છે અને અંતિમ નિર્ણય સરકારની મંજૂરી બાદ જ અમલમાં આવશે.

આ તસવીર શેર કરો

4/5

4. દેશભરમાં બેઠકો યોજી રહ્યું છે 8મું પગાર પંચ

પંચની ટીમ અત્યાર સુધીમાં દિલ્હી ઉપરાંત લદ્દાખ, ઉત્તર પ્રદેશ, પશ્ચિમ બંગાળ અને ઓડિશા સહિતના વિસ્તારોની મુલાકાત લઈ ચૂકી છે. આ મુલાકાતો દરમિયાન કર્મચારીઓ અને અન્ય સંબંધિત હિતધારકોની સમસ્યાઓ અને માંગણીઓ સાંભળવામાં આવી છે. પંચ દ્વારા આગામી મહિનાઓમાં યોજાનારી બેઠકોનું શેડ્યૂલ પણ જાહેર કરવામાં આવ્યું છે. તેનો હેતુ અલગ-અલગ વિભાગો અને કર્મચારી સંગઠનો પાસેથી વધુમાં વધુ સૂચનો મેળવવાનો છે જેથી અંતિમ રિપોર્ટ તૈયાર કરતી વખતે તમામ મહત્વના મુદ્દાઓને ધ્યાનમાં લઈ શકાય.

આ તસવીર શેર કરો

5/5

5. ચેન્નાઈ બાદ પુડુચેરી અને ચંડીગઢમાં બેઠક

ચેન્નાઈની બે દિવસની બેઠક પૂર્ણ થયા બાદ 9 સપ્ટેમ્બર 2026ના રોજ પંચની ટીમ પુડુચેરી જશે. ત્યારબાદ 16થી 18 સપ્ટેમ્બર 2026 દરમિયાન ચંડીગઢમાં મહત્વની બેઠકો યોજાશે. આ ઉપરાંત 7 અને 8 ઓક્ટોબર 2026ના રોજ બેંગલુરુમાં પણ મોટા સ્તરે ચર્ચા કરવામાં આવશે. દેશભરમાં યોજાઈ રહેલી આ બેઠકો દ્વારા કર્મચારીઓ અને પેન્શનધારકોની માંગણીઓ સમજવાનો પ્રયાસ થઈ રહ્યો છે. આ તમામ સૂચનોના આધારે પંચ પોતાની અંતિમ રિપોર્ટ તૈયાર કરશે અને નિર્ધારિત સમયમર્યાદામાં સરકારને રિપોર્ટ સોંપવાની દિશામાં આગળ વધશે.

આ તસવીર શેર કરો

સંકળાયેલા મુદ્દાઓ

Fitment Factor Government Employees Salary 8th Pay Commission