મનોરંજન / 'હનુમાન અંશ' જોવા ગુરુકુળના બ્રહ્મચારી પહોંચ્યા PVR, Video વાયરલ

જ્યારે કોઈ ફિલ્મ શરૂઆતમાં બહુ ચર્ચામાં ન હોય પરંતુ રિલીઝ થયા પછી દર્શકોનો પ્રેમ મેળવવાનું શરૂ કરે, ત્યારે તેની કહાની એક અલગ વળાંક લે છે. 'હનુમાન અંશ' હાલમાં આ જ કારણોસર ખૂબ ચર્ચામાં છે. દર્શકો આ ફિલ્મ જોવા માટે થિયેટરોમાં ઉમટી રહ્યા છે અને હવે તેના સંબંધિત એક વીડિયો સામે આવ્યો છે, જેણે લોકોનું ધ્યાન ખેંચ્યું છે.

આ વીડિયોમાં એક ગુરુકુળના કેટલાક બ્રહ્મચારીઓ PVR થિયેટરની બહાર અને અંદર જોવા મળે છે. તેઓ પરંપરાગત વસ્ત્રો પહેરીને ફિલ્મ જોવા માટે ત્યાં પહોંચ્યા હતા. થિયેટર પહોંચ્યા બાદ, આખા સમૂહે પોતાની સીટ પર બેસીને સાથે મળીને 'હનુમાન અંશ' ફિલ્મ જોઇ.

સોશિયલ મીડિયા પર આ ગુરુકુળના વિદ્યાર્થીઓનો એક વીડિયો સામે આવ્યા બાદ ચર્ચા જાગી છે. આ ફૂટેજમાં પરંપરાગત કપડા પહેરીને યુવા બ્રહ્મચારીઓને સિનેમા હોલમાં પ્રવેશતા અને ફિલ્મ જોતા જોઈ શકાય છે. તેમના દેખાવે ત્યાં હાજર અન્ય દર્શકોનું ધ્યાન ખેંચ્યું હતું.

Hanuman Ansh has literally turned theatres into Mandir ❤️

This scene is from PVR where young brahmacharis of gurukul enjoyed the film Hanuman Ansh.

It is not only through books, but also on screen, that witnessing Lord Hanuman’s unmatched strength, wisdom, devotion and… pic.twitter.com/1Lw7aJsKfS

— Chota Don (@choga_don) September 6, 2026

નીમ કરોલી બાબાની કહાની પર બની છે આ ફિલ્મ

બ્રહ્મચારી જે ફિલ્મ જોવા ગયા હતા તેનું નામ 'હનુમાન અંશ' છે. આ ફિલ્મનો મુખ્ય વિષય આધ્યાત્મિક ગુરુ નીમ કરોલી બાબાના જીવન અને તેમના ઉપદેશો પર આધારિત છે. આ જ કારણ છે કે ગુરુકુળના વિદ્યાર્થીઓનું આ ફિલ્મ જોવા માટે આવવું એ ખાસ દેખાઇ રહ્યું છે.

7 ઓગષ્ટે સિનેમાઘરોમાં આવી હનુમાન અંશ

વિશાલ ચતુર્વેદી દ્વારા નિર્દેશિત 'હનુમાન અંશ' 7 ઓગસ્ટના રોજ સિનેમાઘરોમાં રિલીઝ થઈ હતી. આ ફિલ્મમાં શોભિનવ સત્યા મુખ્ય ભૂમિકામાં છે. વિહાન શેડગે, ચંદન કે. આનંદ, પૂર્ણિમા તિવારી, અનિલ રસ્તોગી, ગુલશન પાંડે અને ભગવાનદાસ પટેલ પણ મહત્વની ભૂમિકાઓમાં જોવા મળી રહ્યા છે.

આ ફિલ્મની વાર્તા નીમ કરોલી બાબાના જીવન અને આધ્યાત્મિક ઉપદેશો પર આધારિત છે. ફિલ્મ રિલીઝ થયા બાદ દર્શકો તરફથી મળેલા પ્રતિસાદની સાથે સાથે, એક ગુરુકુળના બ્રહ્મચારીઓ સિનેમા હોલ ખાતે આવી રહ્યા હોય તેવો વીડિયો પણ ચર્ચાનો વિષય બન્યો છે.

આ પણ વાંચોઃ વાયરલ ગર્લ રિયા અહીરને બિગ બોસમાં No એન્ટ્રી, સ્ટેજ પરથી જ પરત ફરી

ઉત્તરાખંડમાં ટેક્સ ફ્રી છે ફિલ્મ

ઉત્તરાખંડમાં 'હનુમાન અંશ' ફિલ્મને ટેક્સ-ફ્રી કરવાનો નિર્ણય પણ લેવામાં આવ્યો છે. મુખ્યમંત્રી પુષ્કર સિંહ ધામીએ શુક્રવારે આ જાહેરાત કરી હતી, જેના પગલે રાજ્યમાં આ ફિલ્મને ટેક્સ ફ્રી કરવામાં આવી છે. આ ફિલ્મ હાલમાં સિનેમાઘરોમાં ચાલી રહી છે અને આ દરમિયાન, તેને જોવા માટે આવેલા ગુરુકુળના વિદ્યાર્થીઓ સોશિયલ મીડિયા પર એક અનોખી ચર્ચા જગાવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ