ગાંધીનગર / વિધાનસભામાં ચાલુ વંદે માતરમે કોંગ્રેસના MLA ખેડાવાલા બેસી જતા વિવાદ, ઋષિકેશ પટેલે કહ્યું- કોંગ્રેસ વલણ સ્પસ્ટ કરે

ગુજરાત વિધાનસભાના ત્રણ દિવસીય ચોમાસુ સત્રની શરૂઆત થઈ છે જેના પહેલા જ દિવસે વિવાદ ઊભો થયો હતો. હકીકતમાં ગૃહ શરુ થાય ત્યારે વંદે માતરમ ગાવાની પરંપરા છે પરંતુ ગૃહમાં જ્યારે વંદે માતરમ શરુ થયું ત્યારે કોંગ્રેસના ધારાસભ્ય ઇમરાન ખેડાવાલા આખા ગીત દરમિયાન બેસી રહ્યાં હતા.

અમે અધ્યક્ષને રજૂઆત કરી-ઋષિકેશ પટેલ

વંદે માતરમ્ વિવાદ અંગે સંસદીય મંત્રી ઋષિકેશ પટેલનું એક નિવેદન સામે આવ્યું હતું. ઋષિકેશ પટેલે કહ્યું કે આ ગીત વખતે કૉંગ્રેસના ધારાસભ્ય ઈમરાન ખેડાવાલા સમગ્ર ગીત દરમિયાન બેસી રહ્યા હતા. આ રીતે તેમણે ગીતનું અપમાન કર્યું હતું, અમે અધ્યક્ષને આ અંગે રજૂઆત કરી હતી. કોંગ્રેસે નક્કી કરવું પડશે કે વંદે માતરમ્ તેઓ ગાવા નથી માગતા? ગાંધી ની ભૂમિ પર વંદે માતરમનું અપમાન કરાયું છે.

ગુજરાતની જનતાનું અપમાન: મહેશ કસવાલા

ધારાસભ્ય મહેશ કસવાલાએ કહ્યું કે વિધાનસભા લોકશાહીમાં આસ્થાનું પ્રતીક છે અને વંદે માતરમનું અપમાન ગુજરાતની જનતાનું અપમાન છે. ભાજપના ધારાસભ્યો અધ્યક્ષને મળી રજૂઆત કરશે અને કોંગ્રેસે આ મામલે પોતાનું સ્ટેન્ડ સ્પષ્ટ કરવું જોઈએ.

વધુ વાંચો : વહુએ 6 લાખમાં સોપારી આપીને કરોડપતિ સસરાની હત્યા કરાવી, ડુપ્લીકેટ ચાવી બનાવવા નોકરને 1200 આપ્યા

10 સપ્ટેમ્બર સુધી ગૃહ મુલતવી

શોક પ્રસ્તાવ રજૂ થયા બાદ સંસદીય મંત્રી ઋષિકેશ પટેલે ગૃહને મોકૂફ રાખવાનો પ્રસ્તાવ રજૂ કર્યો હતો જે પછી અધ્યક્ષ શંકર ચૌધરીએ ગૃહ મોકૂફીની જાહેરાત કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ