જાણવું જરૂરી / આ રીતે H-1B વિઝા ફીથી મેળવો છૂટકારો, બસ જોઇશે આ ડોક્યૂમેન્ટસ, કરો ઇમેઇલ

H 1B visa: અમેરિકા જવાનું સ્વપ્ન જોતા કામદારો માટે H-1B વિઝામાં મોટો ફેરફાર થયો છે. યુએસ સરકારે હવે એક ભારે નવી ફી લાદી છે, જે ટાળવી મુશ્કેલ હશે. જોકે ચોક્કસ કિસ્સાઓમાં છૂટછાટો મળી શકે છે.

અમેરિકાએ 31 સપ્ટેબર 2025થી H-1B વિઝા માટે અરજી કરનારા ઘણા વિદેશી કામદારો માટે એક મોટો બદલાવ આવ્યો છે. યુએસની બહારથી દાખલ કરાયેલી નવી H-1B અરજીઓ પર હવે 100,000 ડોલરની એક વખતની વધારાની ફી લાગશે. આ ફી માત્ર ભારે જ નથી પણ અરજી નકારવામાં આવે તો પણ તે પરત કરવામાં આવશે નહિં. જોકે સારી વાત એ છે કે ચોક્કસ સંજોગોમાં આમા છૂટ મળી શકે છે.

આ 100,000 ડોલર ફી શા માટે ?

યુએસ સરકાર માને છે કે કેટલીક કંપનીઓ H-1B વિઝાનો દુરુપયોગ કરી રહી છે. આ ખાસ કરીને અમેરિકામા નહી પણ વિદેશોમાં બેઠેલા લોકો માટે આ વીઝા માટે અરજી કરે છે જેઓ યુએસમાં નથી પરંતુ વિદેશમાં રહે છે, જેથી તેમને ઓછા વેતન પર નોકરી પર રાખી શકાય. આ વધારાની ફીનો હેતુ આવા દુરુપયોગને રોકવા અને અમેરિકન કામદારોના હિતોનું રક્ષણ કરવાનો છે.

આ ફી કોને ચૂકવવાની રહેશે?

આ ફી યુએસની બહારથી દાખલ કરાયેલી H-1B અરજીઓ પર લાગુ પડે છે અને જ્યાં વ્યક્તિ તે સમયે યુએસમાં નથી. આનો અર્થ એ છે કે જો કોઈ ભારતીય વ્યાવસાયિક ભારતમાં રહેતી વખતે H-1B માટે અરજી કરે છે, તો તેમના એમ્પ્લોયરને આ 100,000 ડોલર ફી ચૂકવવી પડશે.

આ ફીમાંથી કોને મુક્તિ મળી શકે છે?

અરજદાર પહેલાથી જ F-1 (વિદ્યાર્થી વિઝા) જેવા માન્ય વિઝા પર યુએસમાં છે, અથવા પહેલાથી જ H-1B વિઝા પર કામ કરી રહ્યો છે અને ફક્ત નોકરીદાતાઓ બદલી રહ્યો છે અથવા વિઝા એક્સ્ટેંશન મેળવી રહ્યો છે, તો તેમને આ ફી ચૂકવવાની જરૂર રહેશે નહીં.

છૂટછાટ માટે કયા દસ્તાવેજોની જરૂર છે?

નોકરીદાતાએ તેમની અરજી સાથે ચોક્કસ દસ્તાવેજો સબમિટ કરવા પડશે, જેમ કે યુનાઇટેડ સ્ટેટ્સમાં વ્યક્તિની ભૂમિકાનું મહત્વ સમજાવતો ઔપચારિક પત્ર, તેમજ કોઈ અમેરિકન નાગરિક આ પદ માટે ઉપલબ્ધ નથી તે પુરાવા સાથે. ભરતી રેકોર્ડ, જાહેર આરોગ્ય અથવા વૈજ્ઞાનિક સંશોધનનો પુરાવો, અને કર્મચારીની લાયકાત અને અનુભવનો પુરાવો જેવા વધારાના દસ્તાવેજો પણ પ્રદાન કરવા પડશે.

આ પણ વાંચોઃ NRI News / સામેથી 3થી 5 વર્ષના વર્ક વિઝા આપી રહ્યો છે આ દેશ, ભારતીયો રહી ના જાઓ!

છૂટછાટ માટે ક્યાં અને કેવી રીતે અરજી કરવી?

અરજી ફાઇલ કરતી વખતે USCIS ઓનલાઈન પોર્ટલ દ્વારા છૂટછાટની વિનંતી કરી શકાય છે. જો મામલો ખાસ અને તાત્કાલિક હોય તો નોકરીદાતા તેમની અરજી અને ખાસ અપવાદની વિનંતી કરતા બધા દસ્તાવેજો [email protected] પર ઇમેઇલ કરી શકે છે

છૂટ મેળવવી કેટલી સરળ ?

છૂટ મેળવવી સરળ નથી. USCIS દરેક અરજીની મામલા-દર મામલા તપાસ કરે છે. છૂટ ત્યારે જ આપવામાં આવશે જો તેઓ નક્કી કરે કે અરજી ખરેખર અમેરિકાના હિતમાં છે અને અન્ય કોઈ વિકલ્પો નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ