5 ફોટો ગેલેરી

કામની વાત / ખાંડ બાદ હવે ઈંડું પણ મોંઘું! ઈથેનોલ માટે મકાઈની વધતી માંગથી ફીડ મોંઘું પડતાં ભાવ વધ્યાનો દાવો

Last Updated: 04:39 PM, 26 August 2026

FOLLOW ON

શેર કરો

ઇથેનોલ માટે મકાઈની માંગ વધવાથી પોલ્ટ્રી ફીડ મોંઘું થયું છે અને છેલ્લા એક વર્ષમાં ઈંડાના ભાવમાં 35-40 ટકાનો વધારો થયો છે. શિયાળામાં માંગ વધે તો ભાવ પર વધુ દબાણ આવી શકે છે.

1/5

1. ઈંડાના ભાવ

ઇથેનોલની વધતી માંગને કારણે હવે ઈંડાના ભાવ પણ આકાશે ચઢ્યા છે. ખાંડ અને અન્ય રોજિંદી વસ્તુઓ બાદ ઈંડા પર પણ મોંઘવારીનો ભારે અસર જોવા મળી રહી છે. છેલ્લા એક વર્ષમાં ઈંડાના ભાવમાં આશરે 35થી 40 ટકાનો વધારો થયો છે. નેશનલ એગ કો-ઓર્ડિનેશન કમિટી (NECC) અનુસાર ફાર્મ પરથી નીકળતા એક ઈંડાનો ભાવ આશરે 7 રૂપિયા સુધી પહોંચી ગયો છે જ્યારે રિટેલ બજારમાં તે 8.50 થી 9 રૂપિયા સુધી વેચાઈ રહ્યું છે.

આ તસવીર શેર કરો

2/5

2. મુખ્ય કારણ

આ વધારાનું મુખ્ય કારણ પોલ્ટ્રી ફીડની વધતી કિંમત છે. મરઘીઓના ખોરાકમાં મકાઈ મહત્વનું કાચો માલ છે. સરકારની પેટ્રોલમાં ઇથેનોલ મિક્સ કરવાની નીતિને કારણે ઇથેનોલ ઉત્પાદન માટે મકાઈનો ઉપયોગ ઝડપથી વધી રહ્યો છે. ESY 2025-26માં ઇથેનોલ માટે આશરે 125.78 લાખ ટન મકાઈ વપરાશે એવો અંદાજ છે. આથી મકાઈની માંગમાં ભારે વધારો થયો છે અને તેની કિંમત પર દબાણ આવ્યું છે, જેની સીધી અસર ઈંડાના ભાવ પર પડી રહ્યો છે.

આ તસવીર શેર કરો

3/5

3. ઇથેનોલની કિંમત

આર્થિક સર્વે 2024-25માં પણ આ બાબતનો ઉલ્લેખ છે. FY22થી FY25 વચ્ચે મકાઈ આધારિત ઇથેનોલની કિંમતમાં વાર્ષિક સરેરાશ 11.7 ટકાનો વધારો થયો જેનાથી ખેડૂતો માટે મકાઈની ખેતી વધુ આકર્ષક બની. પોલ્ટ્રી ઉદ્યોગમાં ફીડ સૌથી મોટો ખર્ચ છે અને મકાઈ તેમાં મહત્વની ભૂમિકા ભજવે છે. જ્યારે ઇથેનોલ અને પોલ્ટ્રી બંને ક્ષેત્રોમાંથી મકાઈની માંગ વધે છે ત્યારે ભાવમાં વધારો સ્વાભાવિક છે. જોકે આ વધારો માત્ર ઇથેનોલને કારણે જ નથી. પોલ્ટ્રી ફીડની માંગ, હવામાન અને બીજા ફીડ ઘટકોની કિંમત પણ તેમાં ભૂમિકા ભજવે છે.

આ તસવીર શેર કરો

4/5

4. ઘરેલું માંગ

ઘરેલું માંગ વધવાથી ભારતને મકાઈ આયાત પણ કરવી પડી છે. 2024માં આશરે 8.9 લાખ ટન મકાઈ મ્યાનમાર અને યુક્રેનથી આયાત કરવામાં આવી હતી. 2024-25માં પણ આયાતમાં વધારો જોવા મળ્યો. જોકે દેશમાં મકાઈનું ઉત્પાદન પણ વધી રહ્યું છે. 2024-25માં તે આશરે 4.34 કરોડ ટન રહ્યું છે. સરકાર ઇથેનોલ અને ફીડ ક્ષેત્રની વધતી માંગને ધ્યાનમાં રાખીને મકાઈનું ઉત્પાદન અને ઉત્પાદકતા વધારવા પર ભાર આપી રહી છે.

આ તસવીર શેર કરો

5/5

5. પોલ્ટ્રી ફીડ

શિયાળામાં ઈંડાની માંગ સામાન્ય રીતે વધે છે. જો મકાઈ અને પોલ્ટ્રી ફીડની કિંમત ઊંચી રહેશે તો ભાવ પર વધુ દબાણ આવી શકે છે. જોકે, ભાવ કેટલો વધશે તે માત્ર મકાઈ પર જ આધારિત નથી. મરઘીઓની ઉત્પાદકતા, હવામાન, બીજા ખર્ચ અને બજારમાં પુરવઠો પણ મહત્વની ભૂમિકા ભજવશે. ઇથેનોલ બ્લેન્ડિંગથી તેલની આયાત પરની નિર્ભરતા ઘટે છે, પણ મકાઈ જેવા કૃષિ ઉત્પાદનોની વધતી માંગનો અસર ફીડ અને ઈંડાના ભાવ પર પણ સ્પષ્ટ દેખાઈ રહ્યો છે.

આ તસવીર શેર કરો

સંકળાયેલા મુદ્દાઓ

NECC egg prices inflation