બિહાર ચૂંટણી 2025 / પ્રશાંત કિશોર કિંગ મેકર હોઇ શકે પરંતુ કિંગ નહી, એક્ઝિટ પોલમાં પાર્ટીના હાલ બેહાલ

બિહાર વિધાનસભા ચૂંટણી 2025 માટે મતદાન પૂર્ણ થતાં જ વિવિધ સર્વે એજન્સીઓએ એગ્ઝિટ પોલ જાહેર કર્યા છે. આ પોલ્સમાં સૌથી વધુ ચર્ચામાં રહેલી પાર્ટી પ્રશાંત કિશોરની જન સુરાજ પાર્ટીને મોટો ઝટકો લાગી શકે છે. લાંબા સમય સુધી બિહારનો સીધો પ્રવાસ, પદયાત્રા અને વોટરો સાથે સીધો સંપર્ક સ્થાપિત કર્યા બાદ પીકેએ ઊંચી અપેક્ષાઓ સાથે પોલિટિકલ એન્ટ્રી કરી હતી. પરંતુ પ્રાથમિક અંદાજમાં સીટનું પ્રદર્શન નબળું રહેવાની શક્યતા બતાવવામાં આવી રહી છે.

10 ગણતરીની મુખ્ય સર્વે એજન્સીઓમાં એકેયે પણ જન સુરાજને 10 સીટો આપેલી નથી.

• મેટ્રિજ-IANS → 0–2 સીટ
• પીપલ્સ પલ્સ → 0–5 સીટ
• JVC પોલ → 0–1 સીટ
• પીપલ્સ ઈન્સાઈટ → 0–2 સીટ
• P-MARK → 1–4 સીટ

અહીં 5 સીટનું અંદાજ રાખનાર પલ્સ પલ્સ સર્વે સૌથી વધુ ગણાય છે.છતાં પણ આ આંકડો પાર્ટીની આશાઓથી ઘણો ઓછો છે. 243 બેઠકોવાળી વિધાનસભામાં બહુમતીનો આંકડો 122 છે.

બિહાર વિધાનસભામાં કુલ 243 બેઠકો છે, અને સરકાર બનાવવા માટે કોઈપણ પક્ષ અથવા ગઠબંધનને 122 નો જાદુઈ આંકડો પ્રાપ્ત કરવો આવશ્યક છે. હાલમાં રાજ્યમાં JDU અને BJP ની આગેવાની હેઠળની NDA સરકાર શાસન કરે છે, જેમાં RJD નેતા તેજસ્વી યાદવ વિપક્ષના નેતાનું પદ સંભાળે છે.

વધુ વાંચો; સાધુનાં વેશમાં ડ્રગ્સ સપ્લાય કરતો વોન્ટેડ આરોપી ઝડપાયો, ફિલ્મી ઢબે ધરપકડ

બિહારમાં હાલમાં કોના કેટલા ધારાસભ્યો છે?

હાલમાં, બિહાર વિધાનસભામાં BJP પાસે 80 ધારાસભ્યો છે, RJD પાસે 77, JDU પાસે 45 અને કોંગ્રેસ પાસે 19 ધારાસભ્યો છે. વધુમાં, CPI(ML) પાસે 11, HAM પાસે 4, CPI(M) પાસે 2, CPI(M) પાસે 2, AIMIM પાસે 1 અને બે અપક્ષ ધારાસભ્યો હાજર છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ