શેરબજાર બ્લડબાથ / કાશ ! આ શેર લીધો હોત તો? એક શેરના મળ્યાં 1.50 લાખ, રોકાણકારો રાતોરાત બની ગયા કરોડપતિ

• શેરબજારના બ્લડબાથમાં MRFના શેરની આકાશી છલાંગ 
• MRFના શેરે ઈતિહાસ રચ્યો 
• એક શેરની કિંમત થઈ 1.50 લાખ રુપિયા
• છેલ્લે 1.34 લાખ પર બંધ થયો 

બુધવારે શેરબજાર મોટા ઘટાડા સાથે બંધ થયું હતું. સેન્સેક્સમાં 1600 અને નિફ્ટીમાં 460 પોઈન્ટનો કડાડો જોવા મળ્યો હતો. સૌથી મોટો ઘટાડો તો બેન્ક નિફ્ટીમાં થયો હતો, જે 2000 પોઈન્ટ જેટલો તૂટ્યો હતો. શેરબજારના બ્લડબાથની વચ્ચે એક શેર તો ઈતિહાસ રચી દીધો અને તેના રોકાણકારોને ખિસ્સા છલકાઈ ગયા હતા. 

MRFનો શેર 1.50 લાખને પાર કરી ગયો 
ટાયર બનાવતી દેશની મોટી કંપની MRFનો શેર 1.50 લાખ પ્રતિ શેરને પણ પાર કરી ગયો. ભારતીય શેરબજારમાં સૌથી મોંઘો સ્ટોક એમઆરએફએ આજે ઇતિહાસ રચ્યો હતો. ઈન્ટ્રાડે દરમિયાન કંપનીના શેરનો ભાવ 10 ટકા એટલે કે 13520.7 રુપિયા વધીને 1.50 લાખની કિંમતે પહોંચ્યો હતો. એક શેરનો આ સૌથી વધારે કિંમત છે. 

ચઢ્યાં બાદ કેટલો નીચે આવ્યો MRFનો શેર 
દોઢ લાખને પાર કર્યાં બાદ એમઆરએફના શેર પ્રતિ શેર દીઠ 1,34,600 રુપિયા પર બંધ રહ્યો હતો. 

MRFનું માર્કેટ કેપ ) 57 હજાર કરોડ રૂપિયા થયું 
કંપનીનું માર્કેટ કેપ (એમઆરએફ માર્કેટ કેપિટલાઇઝેશન) 57 હજાર કરોડ રૂપિયા થયું છે. 

HDFCના શેર 8 ટકા કરતા વધારે તૂટ્યાં
શેરબજારના આજના સૌથી મોટા કડાકામાં HDFCના શેરમાં પણ 8 ટકાનો તગડો કડાકો જોવા મળ્યો હતો.