ઉજવણી / બુમરાહના પ્લેન ક્રેશ સેલિબ્રેશન પર ઇરફાનની પ્રતિક્રિયા, આખા પાકિસ્તાનને મરચા લાગશે

ASIA CUP 2025 ફાઇનલમાં, જસપ્રીત બુમરાહએ હરિસ રૌફને બોલ આઉટ કર્યા પછી પ્લેન ક્રેશનો ઈશારો કર્યો હતો. તેમનો આ ઉજવણી વાયરલ થઈ રહી છે કારણ કે રૌફે પાછલી મેચમાં ભારતીય સમર્થકોને પણ આવો જ ઈશારો કર્યો હતો. હવે, ઇરફાન પઠાણે પણ આ અંગે પ્રતિક્રિયા આપતા કંઈક એવું કહ્યું છે જે આખા પાકિસ્તાનને મરચા લગાડવા માટે પુરતું છે.

ઇરફાન પઠાણે એક્સ પર કરી પોસ્ટ

ઇરફાન પઠાણે તેના X હેન્ડલ પર પોસ્ટ કરીને લખ્યું છે કે, "બુમરાહ ફ્લાઇટ લેન્ડ કરી." એશિયા કપ ફાઇનલમાં, જસપ્રીત બુમરાહએ તેના 3.1 ઓવરમાં 25 રન આપીને 2 વિકેટ લીધી. પાકિસ્તાન 19.1 ઓવરમાં 146 રનમાં ઓલઆઉટ થઈ ગયું હતું.

હરિસ રૌફને આઉટ કર્યા પછી જસપ્રીત બુમરાહે આ ઇશારો કર્યો

ભારત અને પાકિસ્તાન વચ્ચે એશિયા કપ 2025માં ત્રણ મેચ રમાઈ હતી. બીજી મેચ દરમિયાન, હરિસ રૌફે બાઉન્ડ્રી પર પ્લેન પડવાનો ઇશારો કર્યો હતો. સાથે જ "6-0" નો હાવભાવ પણ કર્યો હતો, જેના કારણે ICC તરફથી તેને ઠપકો મળ્યો હતો. રૌફને બોલ્ડ આઉટ કર્યા પછી બુમરાહે પણ આવી જ ઉજવણી કરી હતી, જેનો એક વીડિયો વાયરલ થઇ રહ્યો છે.

આ પણ વાંચો: Asia Cup Final: ભારતની જીત માટે હવન પૂજન, ચાહકો દ્વારા ઠેર -ઠેર પ્રાર્થના શરુ

પાકિસ્તાને 32 રનમાં 8 વિકેટ ગુમાવી દીધી!

સાહિબજાદા ફરહાન અને ફખર ઝમાને પાકિસ્તાનને મજબૂત શરૂઆત અપાવી, પ્રથમ વિકેટ માટે 84 રનની ભાગીદારી કરી હતી. સાહિબજાદાએ 57 અને ફખરે 46 રન બનાવ્યા, પરંતુ અન્ય કોઈ પાકિસ્તાની બેટ્સમેન પ્રદર્શન કરી શક્યા નહીં. પાકિસ્તાને 12મી ઓવરમાં 100 રનનો આંકડો પાર કર્યો, અને એવું લાગતું હતું કે ટીમ 180-190 સુધી પહોંચી જશે, પરંતુ ત્યારબાદ ભારતીય સ્પિનરોએ જોરદાર વાપસી કરી.

સ્પિનરોએ સંભાળ્યો મોરચો

કુલદીપ યાદવે તેના 4 ઓવરના સ્પેલમાં 30 રન આપીને 4 વિકેટ લીધી. જસપ્રીત બુમરાહ, વરુણ ચક્રવર્તી અને અક્ષર પટેલે 2-2 વિકેટ લીધી. પાકિસ્તાને 2 વિકેટે 114 રન બનાવ્યા હતા, પરંતુ પછી 32 રનમાં પોતાની બધી વિકેટ ગુમાવી દીધી હતી. એશિયા કપ 2025 ફાઇનલમાં પ્રથમ બેટિંગ કરતા પાકિસ્તાને 146 રન બનાવ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ