5 ફોટો ગેલેરી

તમારા કામનું / મુંબઈ-અમદાવાદ બુલેટ ટ્રેનનું કામ તેજ, દેશની પહેલી બુલેટ ટ્રેનનો ટેસ્ટ રન મે 2027માં, પહેલો ટેસ્ટિંગ કોચ તૈયાર!

Last Updated: 04:02 PM, 8 September 2026

FOLLOW ON

શેર કરો

India’s first Bullet Train: દેશનું બુલેટ ટ્રેનનું સ્વપ્ન ટૂંક સમયમાં સાકાર થવા જઈ રહ્યું છે. 508 કિલોમીટર લાંબા મુંબઈ-અમદાવાદ કોરિડોર પરનું કામ ઝડપથી આગળ વધી રહ્યું છે. મે 2027માં ટ્રાયલ રનનું આયોજન કરવામાં આવ્યું છે.

1/5

1. આતુરતાનો અંત, બુલેટ ટ્રેન ટેસ્ટ માટે તૈયાર

ભારતીય રેલ્વેના ઇતિહાસમાં એક નવો અધ્યાય જોડાવા જઈ રહ્યો છે. હાઈ-સ્પીડ ટ્રેનમાં મુસાફરી કરવા માટે નાગરિકોની લાંબી પ્રતીક્ષા હવે પૂરી થવાને આરે છે. મુંબઈ-અમદાવાદ બુલેટ ટ્રેન પ્રોજેક્ટ એક મહત્વપૂર્ણ તબક્કે પહોંચ્યો છે. કેન્દ્રીય રેલ્વે મંત્રી અશ્વિની વૈષ્ણવે સોમવારે જણાવ્યું હતું કે આ પ્રોજેક્ટનું કામ ઝડપથી આગળ વધી રહ્યું છે. સૌથી મોટા સારા સમાચાર એ છે કે ટેસ્ટિંગ માટે બુલેટ ટ્રેનનો પ્રથમ કોચ સંપૂર્ણપણે તૈયાર છે. દેશના પાટા પર બુલેટ ટ્રેનનું પરીક્ષણ આવતા વર્ષે ખાસ કરીને મે 2027માં શરૂ થશે.

આ તસવીર શેર કરો

2/5

2. સ્વેદેશી ટેકનીકનો કમાલ

બુલેટ ટ્રેન માટે ભારત માત્ર વિદેશી ટેક્નોલોજી પર નિર્ભર નથી. દેશ 'મેક ઇન ઇન્ડિયા' પહેલ હેઠળ પોતાની હાઇ-સ્પીડ ટ્રેન પણ વિકસાવી રહ્યો છે. રેલવે મંત્રીએ જણાવ્યું હતું કે, બુલેટ ટ્રેનના કોચનું નિર્માણ જાપાનમાં થઈ રહ્યું હોવા છતાં, તેનું સ્વદેશી સ્વરુપ સંપૂર્ણપણે વિકસાવવામાં આવી રહ્યું છે. ભારત પોતાની પ્રથમ સ્વદેશી હાઇ-સ્પીડ ટ્રેન બનાવી રહ્યું છે, જેને 'B-28' કોડનેમ આપવામાં આવ્યું છે. ચેન્નાઈ સ્થિત ઇન્ટિગ્રલ કોચ ફેક્ટરી (ICF) એ આ પ્રોજેક્ટનો કોન્ટ્રાક્ટ BEML લિમિટેડને સોંપ્યો છે.તેને વધુ તકનીકી વિગતો તૈયાર કરવા માટે પણ મોકલવામાં આવ્યું છે. આમ, ભારતમાં હાઈ-સ્પીડ ટ્રેનોની મેન્યુફેક્ચરિંગની પ્રક્રિયા એક અત્યંત મહત્વપૂર્ણ તબક્કામાં પ્રવેશ કરી ચૂકી છે.

આ તસવીર શેર કરો

3/5

3. સફરમાં બચશે સમય

મુંબઈ અને અમદાવાદ વચ્ચેનું 508 કિલોમીટરનું અંતર કાપવામાં 6 થી 8 કલાકનો સમય લાગે છે. બુલેટ ટ્રેન સેવા શરૂ થયા પછી, આ મુસાફરીનો સમય ઘટીને માત્ર 2 કલાક થઈ જશે. આ ટ્રેન 250 થી 280 કિલોમીટર પ્રતિ કલાકની ઝડપે દોડશે. ભવિષ્યની જરૂરિયાતોને ધ્યાનમાં રાખીને, આ ટ્રેક 350 કિલોમીટર પ્રતિ કલાકની ડિઝાઈન ઝડપ માટે તૈયાર કરવામાં આવી રહ્યો છે. બુલેટ ટ્રેનનું સંચાલન સૌપ્રથમ સુરત-બિલીમોરા વિભાગ પર શરૂ થશે. વાપી-સુરત સેક્શનનું સિવિલ કન્સ્ટ્રક્શન ડિસેમ્બર 2026 સુધીમાં પૂર્ણ કરવાનું લક્ષ્ય છે. એવી પ્રબળ સંભાવના છે કે ઓગસ્ટ 2027 સુધીમાં સમગ્ર કોરિડોર પર જનતા માટે હાઈ-સ્પીડ રેલ સેવાઓ શરૂ કરી દેવામાં આવશે.

આ તસવીર શેર કરો

4/5

4. 12 આધુનિક સ્ટેશનોનું થઇ રહ્યું છે નિર્માણ

મુંબઈ-અમદાવાદ હાઈ-સ્પીડ રેલ કોરિડોર મહારાષ્ટ્ર, ગુજરાત અને દાદરા અને નગર હવેલી કેન્દ્રશાસિત પ્રદેશમાંથી પસાર થશે. આ સમગ્ર માર્ગ પર કુલ 12 આધુનિક સ્ટેશનોનું નિર્માણ કરવામાં આવી રહ્યું છે. તેમાં મુંબઈનું બાંદ્રા-કુર્લા કોમ્પ્લેક્સ (BKC) સૌથી મહત્વપૂર્ણ છે, કારણ કે ત્યાં દેશનું પ્રથમ ભૂગર્ભ બુલેટ ટ્રેન સ્ટેશન બનાવવામાં આવી રહ્યું છે. આ ઉપરાંત, આ ટ્રેન થાણે, વિરાર, બોઈસર, વાપી, બિલીમોરા, સુરત, ભરૂચ, વડોદરા અને આણંદ/નડિયાદ થઈને આખરે સાબરમતી પહોંચશે. દરેક સ્ટેશનની ડિઝાઈન સ્થાનિક સંસ્કૃતિની ઓળખને ધ્યાનમાં રાખીને તૈયાર કરવામાં આવી રહી છે. સ્ટેશનો પર મુસાફરોને આધુનિક સુવિધાઓની સાથે ઉત્તમ મલ્ટી-મોડલ કનેક્ટિવિટીનો લાભ મળશે.

આ તસવીર શેર કરો

5/5

5. 2017 માં રાખ્યો હતો પ્રોજેક્ટનો પાયો

ભારતમાં હાઈ-સ્પીડ રેલ નેટવર્ક શરૂ કરવાના આ મહત્વાકાંક્ષી પ્રોજેક્ટનો શિલાન્યાસ સપ્ટેમ્બર 2017માં કરવામાં આવ્યો હતો. તેનો મુખ્ય ઉદ્દેશ્ય માત્ર મુસાફરીનો સમય ઘટાડવાનો જ નથી, પરંતુ મુસાફરોને વિશ્વસ્તરીય આરામ અને સંપૂર્ણ સુરક્ષા સાથેનો ભરોસાપાત્ર અનુભવ પ્રદાન કરવાનો પણ છે. સરકાર માને છે કે આ પ્રોજેક્ટ પૂર્ણ થવાથી માત્ર બે શહેરો વચ્ચે ઝડપી જોડાણ જ સુનિશ્ચિત નહીં થાય, પરંતુ આસપાસના વિસ્તારોમાં આર્થિક ગતિવિધિઓને પણ નોંધપાત્ર વેગ મળશે. અશ્વિની વૈષ્ણવની તાજેતરની સમીક્ષા બેઠક બાદ એ સ્પષ્ટ થયું છે કે, બાંધકામનું કામ તેના અંતિમ તબક્કા તરફ આગળ વધી રહ્યું છે અને ભારતના લોકો ટૂંક સમયમાં જ તેમની પ્રથમ બુલેટ ટ્રેનની મુસાફરીનો આનંદ માણી શકશે.

આ તસવીર શેર કરો

સંકળાયેલા મુદ્દાઓ

Mumbai Ahmedabad India first bullet train project trial date may 2027