દુઃખદ / ખેતરમાં ભૂંડ ભગાડવા ગયેલી 13 અને 11 વર્ષની બે સગી બહેનો કૂવામાં ખાબકી, કરુણ મો*તથી પરિવારમાં શોક!

દાહોદ: દાહોદ જિલ્લાના સિંગવડ તાલુકાના સુડિયા ગામે એક હૃદયદ્રાવક ઘટના સામે આવી છે. ખેતરમાં પશુ ભગાવવા ગયેલી બે સગી બહેનો અકસ્માતે કૂવામાં ખાબકી જતાં બંનેનાં ડૂબી જવાથી મોત થયા હતા.

બંને બહેનોનું કરુણ મોત થયું

પ્રાપ્ત માહિતી મુજબ, બંને બહેનો ખેતરમાં પશુ ભગાવવા માટે ગઈ હતી. દરમિયાન કોઈ કારણસર તેઓ કૂવામાં પડી ગઈ હતી. કૂવામાં ડૂબી જતાં બંને બહેનોનું કરુણ મોત થયું હતું.

સ્થાનિક લોકો સ્થળ પર પહોંચ્યા

ઘટનાની જાણ થતાં પરિવારજનો સહિત સ્થાનિક લોકો સ્થળ પર પહોંચ્યા હતા. બે સગી બહેનોના અકાળે મોતથી પરિવાર પર દુઃખનો પહાડ તૂટી પડ્યો છે અને સમગ્ર સુડિયા ગામમાં શોકનો માહોલ છવાઈ ગયો છે.

આ પણ વાંચોઃ વડોદરામાં "હીરા બાના લાલ મારા ભારતના લાલ" ગીતથી PM મોદીનું સ્વાગત

તંત્ર દ્વારા તપાસ હાથ ધરવામાં આવી

ઘટના અંગે સંબંધિત તંત્ર દ્વારા વધુ તપાસ હાથ ધરવામાં આવી હોવાનું જાણવા મળે છે. કૂવામાં બંને બહેનો કેવી રીતે પડી તે અંગેની ચોક્કસ વિગતો તપાસ બાદ સામે આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ