Skin Care / ચોખાના આ નુસ્ખાથી મેળવો ગ્લોઇંગ સ્કિન, આ રીતે કરો ઉપયોગ

ચહેરાને ચમકતો રાખવા માટે લોકો વિવિધ ઘરેલું નુસ્ખા અજમાવે છે, પરંતુ શું તમે જાણો છો કે તમારા રસોડામાં કંઈક એવું છે જે તમારી ત્વચાને ચમકદાર બનાવવામાં ખૂબ મદદરૂપ સાબિત થઈ શકે છે? અહીં, ટામેટાં કે બટાકા વિશે વાત નથી થઇ રહી, તો તે શું છે? તે ચોખા ન ખાવાના મજાને બમણી કરશે, અને તે ત્વચા માટે વરદાનથી ઓછુ નથી.

ચોખા કેવી રીતે ફાયદાકારક?

તેમાં વિટામિન ઇ, ફેરુલિક એસિડ, એન્ટીઑકિસડન્ટ અને એમિનો એસિડ હોય છે, જે સ્કિનની વિવિધ સમસ્યાઓમાં રાહત આપવામાં મદદ કરી શકે છે. તમારે ફક્ત તેને કેવી રીતે લાગુ કરવું તે જાણવાની જરૂર છે.

ટોનર તરીકે:

• ટોનર બનાવવા માટે, અડધો કપ ચોખા ધોઈને એક કપ પાણીમાં પલાળી દો.
• 30 મિનિટ પછી, પાણીને ગાળીને બોટલમાં ભરી લો.
• તમે ઇચ્છો તો તેને સ્ટોર પણ કરી શકો છો.
• આ પોર્સને ટાઇટ, ઓઇલ કંટ્રોલ અને ડલનેસ દૂર કરવામાં અસરકારક સાબિત થઇ શકે છે.

ફેસ પેક તરીકે:

• તમે ચોખાના ફેસ પેકથી તમારી સ્કિનને એક્સ્ફોલિયેટ કરી શકો છો.
• તેને તૈયાર કરવા માટે, 2 ચમચી ચોખાનો લોટ, 1 ચમચી દહીં અને થોડું મધ મિક્સ કરીને ચહેરા પર 15 મિનિટ સુધી રહેવા દો.
• પછી હળવા હાથે મસાજ કરો.
• નિયમિત રીતે લગાવવાથી ટેનિંગ, પિગમેન્ટેશન અને ડાઘ-ધબ્બા ઓછા થાય છે.

આ પણ વાંચોઃ કાળા હોંઠ બની જશે પિંક, આ નેચરલ ટિપ્સથી લિપ્સ બનશે સોફ્ટ

રાઇસ આઇસ ક્યૂબ રીતે

• આ ક્યૂબ બનાવવા માટે, ચોખાના પાણીને બરફની ટ્રેમાં ફ્રીઝ કરો
• પછી તેને ફ્રીઝરમાં બરફના ટુકડા બનાવવા માટે મૂકો.
• તેને તમારા ચહેરા પર લગાવવા માટે, આ ટુકડાઓને તમારા ચહેરા પર 1 થી 2 મિનિટ સુધી હળવા હાથે ઘસો.
• આ રીતે ચોખાનો ઉપયોગ કરવાથી પોર્સ ટાઇટ થશે,
• સાથે ચહેરા પર પફિનેસ ઘટશે અને ચહેરા પર નિખાર આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

DISCLAIMER: હેલ્થને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ પણ હોઇ શકે છે. તેથી નિષ્ણાંતની સલાહ લેવી આવશ્યક છે. અન્યથા https://www.vtvgujarati.com/ કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.