ગુજરાત / અમદાવાદ એરપોર્ટ પરથી 83 લાખનું સોનું ઝડપાયું, ભાવનગરની મહિલા ડોક્ટરની અનેક વિદેશી ટ્રિપથી કસ્ટમ્સને શંકા

અમદાવાદ એરપોર્ટ પરથી 83.14 લાખ રૂપિયાથી વધુનું સોનું ઝડપાયા બાદ હવે કસ્ટમ્સની તપાસમાં દાણચોરી પાછળના હેતુને લઈને નવો એંગલ સામે આવ્યો છે. શારજાહથી આવેલી ભાવનગરની ૩૧ વર્ષીય મહિલા ડોક્ટર : હાઈ-નેક સ્વેટરની અંદર 499.450 ગ્રામ 24 કેરેટ સોનાની ચેઈન છુપાવી લાવી હતી.

કસ્ટમ્સની એર ઇન્ટેલિજન્સ ચુનિટે શંકાસ્પદ હિલચાલના આધારે તેને અટકાવી તપાસ કરતાં સોનાનો જથ્થો મળી આવ્યો હતો. કસ્ટમ્સ વિભાગના સૂત્રોના જણાવ્યા મુજબ મહિલા ડોક્ટર અગાઉ પણ વિદેશની અનેક ટ્રિપ કરી ચૂકી હોવાનું પ્રાથમિક તપાસમાં સામે આવ્યું છે. જેના કારણે આ માત્ર એક વખતની દાણચોરી હતી કે પછી અગાઉ પણ સોનું લાવવામાં આવ્યું હતું.

રોકાણના હેતુથી ભારતમાં લાવતી હોવાની શક્યતા અંગે પણ તપાસ

તે દિશામાં તપાસ કરવામાં આવી રહી છે. પ્રાથમિક રીતે મહિલા સોનાને રોકાણના હેતુથી ભારતમાં લાવતી હોવાની શક્યતા અંગે પણ તપાસ ચાલી રહી છે. વિદેશમાંથી સોનું લાવી ભારતમાં તેની કિંમત વધે ત્યારે નફો મેળવવાના હેતુથી આ પ્રકારની દાણચોરી કરવામાં આવી હતી કે પછી કોઈ મોટા નેટવર્ક સાથે તેનો સંબંધ છે તે જાણવા કસ્ટમ્સ દ્વારા પૂછપરછ કરવામાં આવી રહી છે.

આ પણ વાંચો : ગોવિંદ ધોળકિયાની કંપનીને ધમકી, ફોન કરી કહ્યું 25 લાખ આપ, આવી રીતે પોલીસે આરોપીને પકડ્યો

જમ સોનાની કિંમત 83,14,843 રૂપિયા આંકવામાં આવી છે. હવે તેની અગાઉની વિદેશી મુસાફરી, મુસાફરી દરમિયાનની ગતિવિધિઓ અને સોનું કોની પાસેથી મેળવ્યું તથા કોને પહોંચાડવાનું હતું તેની વિગતો મેળવવા તપાસ તેજ કરવામાં આવી છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ