11 ફોટો ગેલેરી

ગુજરાત / ગુજરાતમાં આજે હળવા વરસાદી ઝાપટાં, 7 સપ્ટેમ્બર સુધી વરસાદની આગાહી; ગરમી પણ અકળાવશે!

Last Updated: 07:37 AM, 2 September 2026

FOLLOW ON

શેર કરો

ગુજરાતમાં સપ્ટેમ્બર મહિનાની શરૂઆત વરસાદી માહોલ સાથે થઈ છે. આજે રાજ્યના કેટલાક વિસ્તારોમાં હળવાથી મધ્યમ વરસાદી ઝાપટાં પડવાની શક્યતા છે.

1/11

1. ગુજરાતમાં આજે હળવા વરસાદી ઝાપટાં

હવામાન વિભાગની આગાહી મુજબ આગામી 7 સપ્ટેમ્બર સુધી રાજ્યમાં છૂટાછવાયા સ્થળોએ વરસાદ થઈ શકે છે. બીજી તરફ વિવિધ હવામાન મોડલ્સ અનુસાર 11 સપ્ટેમ્બર સુધી પણ કેટલાક વિસ્તારોમાં વાદળછાયું વાતાવરણ અને હળવાથી મધ્યમ વરસાદ જોવા મળી શકે છે. જોકે વરસાદની સાથે ગરમી અને બફારાનો અનુભવ પણ થઈ શકે છે.

આ તસવીર શેર કરો

2/11

2. આજે ગુજરાતમાં ક્યાં પડશે વરસાદ?

2 સપ્ટેમ્બર 2026ના રોજ વલસાડ, ડાંગ, નવસારી, તાપી અને સુરત ઉપરાંત છોટા ઉદેપુર તથા નર્મદા જિલ્લામાં કેટલાક સ્થળોએ વરસાદની શક્યતા છે. આ વિસ્તારોમાં હળવાથી મધ્યમ વરસાદી ઝાપટાં પડી શકે છે.આ ઉપરાંત મોરબી, સુરેન્દ્રનગર, રાજકોટ, જામનગર, દેવભૂમિ દ્વારકા, પોરબંદર, જૂનાગઢ, ગીર સોમનાથ, અમરેલી, ભાવનગર અને બોટાદમાં છૂટાછવાયા સ્થળોએ હળવોથી મધ્યમ વરસાદ થઈ શકે છે. અમદાવાદ, ખેડા, આણંદ, ભરૂચ, વડોદરા, પંચમહાલ, દાહોદ, મહીસાગર, અરવલ્લી, સાબરકાંઠા, ગાંધીનગર, મહેસાણા, પાટણ, બનાસકાંઠા અને વાવ-થરાદમાં પણ કેટલાક સ્થળોએ હળવાથી મધ્યમ વરસાદની શક્યતા છે.

આ તસવીર શેર કરો

3/11

3. 3થી 7 સપ્ટેમ્બર સુધી કેવો રહેશે વરસાદ?

3થી 7 સપ્ટેમ્બર 2026 દરમિયાન ગુજરાતના અનેક જિલ્લાઓમાં હળવો વરસાદ પડી શકે છે. વાવ-થરાદ, પાટણ, બનાસકાંઠા, મહેસાણા, સાબરકાંઠા, અરવલ્લી, ગાંધીનગર અને અમદાવાદમાં કેટલાક સ્થળોએ વરસાદ થવાની શક્યતા છે.આ ઉપરાંત આણંદ, ખેડા, મહીસાગર, પંચમહાલ, દાહોદ, છોટા ઉદેપુર, વડોદરા, ભરૂચ, નર્મદા, સુરત, તાપી, નવસારી, ડાંગ અને વલસાડમાં પણ કેટલાક સ્થળોએ વરસાદ પડી શકે છે. જ્યારે કચ્છ, મોરબી, સુરેન્દ્રનગર, જામનગર, રાજકોટ, બોટાદ, અમરેલી, ભાવનગર, ગીર સોમનાથ, પોરબંદર, જૂનાગઢ અને દેવભૂમિ દ્વારકામાં છૂટાછવાયા સ્થળોએ હળવોથી મધ્યમ વરસાદ થઈ શકે છે.

આ તસવીર શેર કરો

4/11

4. 8થી 11 સપ્ટેમ્બર દરમિયાન કેવો રહેશે વરસાદી માહોલ?

નેશનલ સેન્ટર ફોર મીડિયમ રેન્જ વેધર ફોરકાસ્ટિંગના વિવિધ મોડલ્સ અનુસાર 8થી 11 સપ્ટેમ્બર દરમિયાન ગુજરાતના અનેક વિસ્તારોમાં વાદળછાયું વાતાવરણ જોવા મળી શકે છે. કેટલાક વિસ્તારોમાં છૂટાછવાયા સ્થળોએ હળવોથી મધ્યમ વરસાદ પણ થઈ શકે છે.વલસાડ, નવસારી, ડાંગ, તાપી, ગીર સોમનાથ, અમરેલી, સુરત, ભરૂચ, નર્મદા, ભાવનગર, બોટાદ અને રાજકોટમાં વરસાદી ઝાપટાંની શક્યતા છે. આ ઉપરાંત અમદાવાદ, વડોદરા, ખેડા, આણંદ, પંચમહાલ, દાહોદ, મહીસાગર, સાબરકાંઠા, અરવલ્લી, કચ્છ, બનાસકાંઠા, પાટણ અને મહેસાણા સહિતના વિસ્તારોમાં પણ વાદળછાયું વાતાવરણ રહી શકે છે.

આ તસવીર શેર કરો

5/11

5. વરસાદની સાથે ગરમી અને બફારો પણ અકળાવશે

રાજ્યમાં વરસાદની શક્યતા હોવા છતાં આગામી દિવસોમાં ગરમી અને બફારાથી સંપૂર્ણ રાહત મળવાની શક્યતા ઓછી છે. વિવિધ હવામાન મોડલ્સ અનુસાર 11 સપ્ટેમ્બર સુધી ગુજરાતમાં તાપમાનનો પારો ઊંચો રહી શકે છે.રાજ્યના મોટાભાગના શહેરોમાં મહત્તમ તાપમાન 30થી 36 ડિગ્રી અથવા તેનાથી વધુ રહી શકે છે. જ્યારે લઘુત્તમ તાપમાન 24થી 26 ડિગ્રી અથવા તેનાથી વધુ નોંધાઈ શકે છે. વરસાદી માહોલ વચ્ચે ભેજનું પ્રમાણ વધતા બફારો પણ લોકોને પરેશાન કરી શકે છે.

આ તસવીર શેર કરો

6/11

6. અમદાવાદમાં આજે કેવું રહેશે હવામાન?

અમદાવાદમાં આજે સામાન્ય રીતે આકાશ વાદળછાયું રહેવાની શક્યતા છે. શહેરમાં છૂટાછવાયા સ્થળોએ હળવા વરસાદી ઝાપટાં પડી શકે છે. અમદાવાદમાં મહત્તમ તાપમાન 34 ડિગ્રીની આસપાસ રહેવાની શક્યતા છે જ્યારે લઘુત્તમ તાપમાન 27 ડિગ્રી સુધી રહી શકે છે.

આ તસવીર શેર કરો

7/11

7. રાજકોટમાં આજે કેવું રહેશે હવામાન?

રાજકોટમાં આજે વાદળછાયું વાતાવરણ જોવા મળી શકે છે. શહેરમાં છૂટાછવાયા સ્થળોએ હળવા વરસાદી ઝાપટાં પડી શકે છે. રાજકોટમાં મહત્તમ તાપમાન 34 ડિગ્રીની આસપાસ અને લઘુત્તમ તાપમાન 25 ડિગ્રી સુધી રહેવાની શક્યતા છે.

આ તસવીર શેર કરો

8/11

8. સુરતમાં આજે કેવું રહેશે હવામાન?

સુરતમાં આજે વાદળછાયા વાતાવરણ વચ્ચે છૂટાછવાયા સ્થળોએ હળવાથી મધ્યમ વરસાદી ઝાપટાં પડી શકે છે. શહેરમાં મહત્તમ તાપમાન 32 ડિગ્રીની આસપાસ રહેવાની શક્યતા છે જ્યારે લઘુત્તમ તાપમાન 26 ડિગ્રી સુધી રહી શકે છે.

આ તસવીર શેર કરો

9/11

9. વડોદરામાં આજે કેવું રહેશે હવામાન?

વડોદરામાં આજે મુખ્યત્વે વાદળછાયું વાતાવરણ જોવા મળી શકે છે. શહેરમાં છૂટાછવાયા સ્થળોએ હળવા વરસાદી ઝાપટાં પડવાની શક્યતા છે. વડોદરામાં મહત્તમ તાપમાન 34 ડિગ્રીની આસપાસ અને લઘુત્તમ તાપમાન 25 ડિગ્રી સુધી રહેવાની શક્યતા છે.

આ તસવીર શેર કરો

10/11

10. ગઇકાલે ગુજરાતના શહેરોમાં કેટલું તાપમાન નોંધાયું?

ગઇકાલે અમદાવાદમાં મહત્તમ 35 ડિગ્રી અને લઘુત્તમ 26.3 ડિગ્રી તાપમાન નોંધાયું હતું. ડીસામાં મહત્તમ 33.5 અને લઘુત્તમ 25.5 ડિગ્રી જ્યારે ગાંધીનગરમાં મહત્તમ 32.2 અને લઘુત્તમ 26 ડિગ્રી તાપમાન નોંધાયું હતું. વી.વી. નગરમાં મહત્તમ 33.7 અને લઘુત્તમ 25.2 ડિગ્રી જ્યારે વડોદરામાં 34.6 અને 25.6 ડિગ્રી તાપમાન નોંધાયું હતું.સુરતમાં મહત્તમ 32 અને લઘુત્તમ 24.5 ડિગ્રી તાપમાન નોંધાયું હતું. ભુજમાં 34 અને 26.6 ડિગ્રી જ્યારે નલિયામાં 32.6 અને 26.8 ડિગ્રી તાપમાન નોંધાયું હતું. કંડલા પોર્ટમાં મહત્તમ 33.5 અને લઘુત્તમ 26.6 ડિગ્રી તાપમાન નોંધાયું હતું.અમરેલીમાં મહત્તમ 33.9 અને લઘુત્તમ 24 ડિગ્રી જ્યારે ભાવનગરમાં રાજ્યનું સૌથી વધુ મહત્તમ 36.2 ડિગ્રી અને લઘુત્તમ 25.8 ડિગ્રી તાપમાન નોંધાયું હતું. દ્વારકામાં મહત્તમ 30.2 અને લઘુત્તમ 25.5 ડિગ્રી જ્યારે ઓખામાં 31.9 અને 25.4 ડિગ્રી તાપમાન નોંધાયું હતું.પોરબંદરમાં મહત્તમ 32.5 અને લઘુત્તમ 26.5 ડિગ્રી જ્યારે રાજકોટમાં 34.3 અને 25.2 ડિગ્રી તાપમાન નોંધાયું હતું. વેરાવળમાં મહત્તમ 31.3 અને લઘુત્તમ 26.6 ડિગ્રી જ્યારે સુરેન્દ્રનગરમાં 33.3 અને 26.2 ડિગ્રી તાપમાન નોંધાયું હતું. મહુવામાં 33.2 અને 25.3 ડિગ્રી જ્યારે કેશોદમાં મહત્તમ 33 અને લઘુત્તમ 26.5 ડિગ્રી તાપમાન નોંધાયું હતું.

આ તસવીર શેર કરો

11/11

11. સપ્ટેમ્બરમાં સામાન્ય કરતાં ઓછો વરસાદ રહેવાની શક્યતા

હવામાન વિભાગે સપ્ટેમ્બર મહિનામાં ગુજરાત સહિત દેશમાં સામાન્ય કરતાં ઓછો વરસાદ રહેવાની શક્યતા વ્યક્ત કરી છે. ઓગસ્ટ દરમિયાન પણ અપેક્ષા પ્રમાણે વરસાદ ન થતાં હવે સપ્ટેમ્બરમાં પણ સારા વરસાદની આશા ઓછી જોવા મળી રહી છે. જોકે આગામી દિવસોમાં કેટલાક વિસ્તારોમાં હળવાથી મધ્યમ વરસાદી ઝાપટાં પડવાની આગાહી છે.ખેડૂતો માટે આગામી દિવસોમાં વરસાદનું વિતરણ મહત્વનું રહેશે. રાજ્યના કેટલાક વિસ્તારોમાં વરસાદ થાય તો રાહત મળી શકે છે પરંતુ સમગ્ર ગુજરાતમાં એકસમાન સારો વરસાદ થાય તેવી સ્થિતિ હાલમાં દેખાઈ રહી નથી.

આ તસવીર શેર કરો

સંકળાયેલા મુદ્દાઓ

Gujarat Rain Rain Alert Gujarat Gujarat Weather Forecast