Heat forecast / ગરમ ગુજરાત! 9 શહેરમાં 37 ડિગ્રીથી વધુ તાપમાન, હવામાન વિભાગે જાહેર કર્યું મોટું એલર્ટ

ફેબ્રુઆરી આવવાની સાથે રાજ્યમાં સવારે ઠંડી અને બપોરે બફારો-ગરમીની શરુઆત થઇ ગઇ છે. આ વર્ષે ગુજરાતમાં ગરમીના પ્રમાણમાં વધારે લાગી રહી છે. આગામી 2 દિવસમાં તાપમાનમાં હજુ 3 ડિગ્રીનો વધારો થઈ શકે છે અને જેના પગલે હવામાન વિભાગ દ્વારા આગામી 3 દિવસ માટે યલો એલર્ટ જાહેર કરવામાં આવ્યું છે. હવે તબક્કાવાર રાત્રિના તાપમાનમાં પણ વધારો થઈ શકે છે. 9 શહેરમાં સરેરાશ મહત્તમ તાપમાનનો પારો 37 ડિગ્રીથી વધારે નોંધાયો હતો.

હવામાન વિભાગ અનુસાર, દરિયાકાંઠાના વિસ્તારોમાં ગરમી વધુ જોવા મળશે, તેથી દરિયાની આસપાસના વિસ્તારોમાં એલર્ટ જાહેર કર્યું છે. 4 માર્ચ થી 6 માર્ચ દરમિયાન ગુજરાત અને સૌરાષ્ટ્ર-કચ્છના દરિયાકાંઠાના છૂટાછવાયા વિસ્તારોમાં ગરમ અને ભેજવાળું વાતાવરણ રહેશે તેવી માહિતી મળી છે. જેના કારણે લોકોને ગરમી સાથેબફારાનો સામનો કરવો પડી શકે છે.

pic.twitter.com/WoiIBo4k8W

— IMD Ahmedbad (@IMDAHMEDABAD) March 3, 2026

ડીસા એટલે ગુજરાતમાં સૌથી વધારે ગરમી પડતુ શહેર. તાજેતરમાં જ ડીસામાં 38.4 ડિગ્રી સાથે સૌથી વધુ તાપમાન નોંધાયું હતું. અમદાવાદનું તાપમાન આગામી ત્રણ દિવસ 38 ડિગ્રીથી વધુ રહેવાની હવામાન વિભાગની આગાહી છે. બીજી તરફ હવામાન નિષ્ણાતોના મતે અમદાવાદમાં આગામી 3 દિવસમાં તાપમાન 39 ડિગ્રીએ પહોંચી શકે છે. અમદાવાદમાં ગત રાત્રિના 20.9 ડિગ્રી સાથે સરેરાશ લઘુત્તમ તાપમાનમાં સામાન્ય કરતાં 3.4 ડિગ્રીનો વધારો થયો હતો.

આ પણ વાંચોઃ ગુજરાત યુનિવર્સિટી ભરતી વિવાદ: ઓછી અરજીઓ માન્ય ગણાતા ગોઠવણના આક્ષેપ, સત્તાધીશોનો ઈનકાર

શહેર- તાપમાન (ડિગ્રીમાં)

• ડીસા- 38.4
• અમરેલી- 37.1
• અમદાવાદ- 38.0
• ભુજ- 37.0
• રાજકોટ- 38.0
• કંડલા- 37.0
• વડોદરા- 37.4
• સુરત- 36.4
• ગાંધીનગર- 37.4
• નલિયા- 36.0
• ભાવનગર- 35.0

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ