દુખદ / ગંભીરા બ્રિજની ગોઝારી ઘટનાથી અનેક પરિવારના માળા વિખાયા, ઈજાગ્રસ્તોની અને મૃતકોની યાદી આવી સામે

9 જુલાઈ 2025ની વહેલી સવારે ગુજરાત માટે એક ભયાનક સમાચાર છે. આણંદ જિલ્લાના પાદરા તાલુકાના મુજપુર નજીક મહીસાગર નદી પર આવેલો 45 વર્ષ જૂનો ગંભીરા બ્રિજ તૂટી પડતાં ભારે હાહાકાર મચી ગયો છે. આ બ્રિજ મધ્ય ગુજરાતને સૌરાષ્ટ્ર સાથે જોડતો મહત્વપૂર્ણ માર્ગ હતો. બ્રિજના તૂટી પડતાં સમયે તેના ઉપરથી પસાર થઈ રહેલા અનેક વાહનો સીધા નદીમાં ખાબક્યા હતા, જેમાં બે ટ્રક, બે પિકઅપ અને એક રિક્ષાનો સમાવેશ થાય છે.

ઘટનાની જાણ થતાં તરત જ સ્થળ પર વહીવટીતંત્ર, પોલીસ અને રેસ્ક્યૂ ટીમો પહોંચી હતી અને બચાવ કામગીરી શરૂ કરી હતી. હજી પણ વહેતી નદીમાંથી વાહનો તથા મૃતદેહોને શોધવાનું કામ સતત ચાલુ છે. અત્યાર સુધીમાં 8 મૃતદેહો બહાર કાઢવામાં આવ્યા છે, જયારે અનેક લોકો ઈજાગ્રસ્ત બન્યા છે.

દુર્ઘટનામાં ઈજાગ્રસ્ત થયેલા લોકોની યાદી નીચે મુજબ છે

ગંભીરા બ્રિજ દુર્ઘટનામાં અનેક લોકોને ગંભીર ઈજા પહોંચી છે. સવારે બ્રિજ તૂટી પડતાં પુલ પરથી પસાર થઈ રહેલા અનેક વાહનો મહીસાગર નદીમાં ખાબક્યા હતા, જેમાંથી કેટલાક લોકોને બચાવી લેવાયા છે અને તેઓને સારવાર માટે હોસ્પિટલમાં ખસેડવામાં આવ્યા છે. હાલ મળેલી માહિતી મુજબ ઈજાગ્રસ્ત થયેલા લોકોને ઓળખવામાં આવી ગયા છે.

1. સોનલબેન રમેશભાઈ પઢિયાર, ઉંમર: 45, ગામ: દરિયાપુરા
2. નરેન્દ્રસિંહ રતનસિંહ પરમાર, ઉંમર: 45, ગામ: દહેવાણ
3. ગણપતસિંહ ખાનસિંહ રાજુલા, ઉંમર: 40, ગામ: રાજસ્થાન
4. દિલીપભાઈ રામસિંહ પઢિયાર, ઉંમર: 35, ગામ: નાની શેરડી
5. રાજુભાઈ ડુડાભાઈ, ઉંમર: 30, ગામ: દ્વારકા
6. રાજેશભાઈ ઈશ્વરભાઈ ચાવડા, ઉંમર: 45, ગામ: દેવાપુરા

મૃતક લોકોની યાદી નીચે મુજબ છે

દુર્ઘટનામાં અત્યાર સુધી 8 લોકોના દુર્ભાગ્યપૂર્ણ મોત થયા છે. મૃતકોમાં વિશાળ દુખદ સમાચાર એ છે કે એક જ પરિવારના અનેક સભ્યોને જીવ ગુમાવવો પડ્યો છે. મૃતકની યાદી મુજબ

1. વૈદિકા રમેશભાઈ પઢીયાર, ગામ: દરિયાપુરા
2. નૈતિક રમેશભાઈ પઢીયાર, ગામ: દરિયાપુરા
3. હસમુખભાઈ મહીજીભાઈ પરમાર, ગામ: મજાતણ
4. રમેશભાઈ દલપતભાઈ પઢીયાર, ઉંમર: 32, ગામ: દરિયાપુરા
5. વખતસિંહ મનુસિંહ જાદવ, ગામ: કાન્હવા
6. પ્રવિણભાઈ રાવજીભાઈ જાદવ, ઉંમર: 26, ગામ: ઉંડેલ
7. અજાણ્યો ઇસમ
8. અજાણ્યો ઇસમ

આ પણ વાંચો : VIDEO : વાહનો પડતા જોયા, ધરતીકંપ જેવી ફિલિંગ આવી, પ્રત્યક્ષદર્શીએ ગંભીરા બ્રિજની ઘટના અંગે જુઓ શું કહ્યું?

આ દુર્ઘટનાએ સમગ્ર રાજ્યને કંપાવી મૂક્યું છે. હાલ સ્થળ પર બચાવ કામગીરી યથાવત છે. NDRF, SDRF, ફાયર બ્રિગેડ અને સ્થાનિક તંત્ર દ્વારા મળીને બચાવ કામ ચાલી રહ્યું છે. આ દુર્ઘટના પછી જુના પુલોની હાલત અંગે પણ રાજ્યભરમાં ચર્ચા શરૂ થઈ છે. આજે જે ઘટના બની, તે ભવિષ્યમાં ન બને તે માટે તાત્કાલિક પગલાં લેવા અને બધા જૂના પુલોની સમીક્ષા કરવાની જરૂરિયાત ઉભી થઈ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ