આપવતી / VIDEO : વાહનો પડતા જોયા, ધરતીકંપ જેવી ફિલિંગ આવી, પ્રત્યક્ષદર્શીએ ગંભીરા બ્રિજની ઘટના અંગે જુઓ શું કહ્યું?

Gambhira Bridge News: આજે વહેલી સવારે ગંભીરા બ્રિજની દુર્ઘટનાના જે લોકો સાક્ષી હતા તેમણે જોયેલી ઘટના તેમણે વર્ણવી છે. આ ઘટના તેમના માટે ખૂબ જ આઘાતજનક હતી. તેમને બ્રિજ ઉપર જ ધરતીકંપનો અહેસાસ થયો હતો તો બીજી તરફ તેમની નજર સામે જ તેમણે એક પછી એક ગાડીઓને બ્રિજમાં ખાબકતાં જોઈ હતી.

બ્રિજ તૂટવાની ઘટના સમયે જાણે ધરતીકંપ આવ્યો હોય તેવો ભાસ થયો હતો. જેમાં વાહનોને પુલમાં પડતાં જોઈને અમુક લોકો થથરીને ભાગી ગયા હતા. બાઈક પરથી કૂદીને આબાદ બચનાર યુવાનો અને ગાડી સાથે બ્રિજ નીચે પાણીમાં ખાબક્તા પ્રત્યક્ષદર્શીઓએ ઘટના સમયના દ્રશ્યો વર્ણવ્યા હતા.

'પોપડો ગબડ્યો ને પડ્યો તો અમે બાઇક છોડી નાઠા' - મુકેશ શર્મા

આ બ્રિજ દુર્ઘટનાને આંખે જોનાર મુકેશ શર્માએ જણાવ્યું કે અમે એક પોપડો ઊખડીને ગબડતા જોયો અને પછી તે પોપડો નીચે પડતાં અમે બાઇક મૂકીને ભાગી ગયા. અન્ય એક પ્રત્યક્ષદર્શીએ જણાવ્યું કે વાહનો વધી જવાને કારણે આ ઘટના થઈ. તેણે પોતાની સામે એક પીક અપ, ઇકો અને ટ્રક પડતાં જોઈને અમે થથરી ગયા તે ખૂબ ડેન્જર હતું.

ઘટનાને આંખે જોનાર અને રેસ્ક્યૂ કરનાર વ્યક્તિએ જણાવ્યું કે એક પોપડો નીચે પડ્યો અને ધબાધબ ગાડીઓ નીચે પડી. પુલના બીજા છેડેથી પણ ત્રણ ગાડીઓ નીચે પટકાઇ. આ જેવુ અમે જોયું કે તરત જ અમે બચાવ કામગીરીએ લાગી ગયા. સવારના સાત વાગ્યાથી સતત બચાવ કામગીરીમાં જોડાયેલા છીએ. તેઓએ બે ટ્રક, એક ઇકો, એક પિકઅપ, એક સીએનજી અને બે બાઈક સવારોને નીચે પટકાતા જોયા હતા.

સ્થાનિકો રેસ્ક્યૂ કામગીરી પર અકળાયા, કહ્યું 3 કલાક થયા પણ કોઈ રેસ્ક્યૂ નથી કરતું

તો લોકો તંત્રની કામગીરીને પગલે પણ રોષે ભરાયા હતા. એક વયક્તિનો આખો 7 લોકોનો પરિવાર બ્રિજમાં ડૂબ્યો હતો અને સમયસર તેમણે રેસ્ક્યૂ કરવાવાળું કોઈ મળ્યું નહોતું.

જાણે ધરતીકંપ થયો હોય તેવો અનુભવ

આ દુર્ઘટનાના પ્રત્યક્ષદર્શીએ જણાવ્યું કે તેઓ બાઈક લઈને જઈ રહ્યા હતા ત્યારે અચાનક બ્રેક મારવી પડી કારણ કે પુલ એકદમ તૂટી પડ્યો હતો. તેમણે કહ્યું કે 'પાંચ-છ વાહનો પડી ગયા, અમે બ્રેક મારી એટલે બચી ગયા. પુલના બે ભાગ તૂટ્યા. અમે બાઈક પરથી કૂદી ગયા. તે સમયે લાગ્યું કે જાણે ધરતીકંપ થઈ રહ્યો હોય તેવો માહોલ હતો. આ દુર્ઘટનામાં એક રિક્ષા, બાઈક અને ગાડી પુલ પરથી નીચે પડ્યા હતા. પરંતુ બાઇક પર સવાર તેમના ત્રણ મિત્રોનો આબાદ બચાવ થયો હતો.

આ પણ વાંચો: ગંભીરા બ્રિજ દુર્ઘટના બાદ વૈકલ્પિક રૂટ ડાયવર્ટ કરાયા, વાહનચાલકોએ 40 કિ.મી. ફરીને જવું પડશે

અન્ય એક આ ઘટનાને નજરે જોનાર રવીન્દ્ર જણાવે છે કે તેઓ અમદાવાદથી જઈ રહ્યા હતા. દુર્ઘટના અંગે વધુમાં તેમણે જણાવ્યું કે ટ્રાફિક જયાં હતો અને બ્રિજ પર તેમણે હળવા આંચકાનો અનુભવ થઈ રહ્યો હતો. હું ટ્રાફિકમાં હતો ઘ્યાને દૂર પણ છતાં મે જોયું કે કમસે કમ 20-25 માણસો આ બ્રિજમાં પડ્યા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ