ટેક્નોલોજી / Fast Chargingથી મોબાઇલને માત્ર નુકસાન જ નહીં, ફાયદા પણ થાય છે!

દરેક વ્યક્તિને ફાસ્ટ ચાર્જિંગ ગમે છે કારણ કે તે ફોનને ઝડપથી ચાર્જ કરે છે, પરંતુ જેમ કહેવાય છે કે દરેક વસ્તુના ફાયદા સાથે તેના ગેરફાયદા પણ હોય છે.

ફાસ્ટ ચાર્જિંગ સમય તો બચાવે છે પણ તે ફોનની બેટરી પર વધુ દબાણ કરે છે જેથી બેટરી ગરમ થાય છે અને તેની લાઈફ પર અસર થાય છે. આજકાલના સ્માર્ટફોન્સમાં 18 વોટથી લઈને 120 વોટ સુધીના ફાસ્ટ ચાર્જિંગની સુવિધા મળે છે, પરંતુ લાંબા સમય સુધી તેનો વધુ ઉપયોગ કરવાથી ફોનની બેટરીની લાઈફ ઘટવા લાગે છે.

ફાસ્ટ ચાર્જિંગનો સૌથી મોટો ફાયદો

ફાસ્ટ ચાર્જિંગનો સૌથી મોટો ફાયદો એ છે કે હવે ફોનને કલાકો સુધી ચાર્જ પર રાખવાની જરૂર નથી. ફક્ત પ્લગ ઇન કરો અને થોડા જ સમયમાં ફોન ફુલ ચાર્જ થઈ જાય છે. પરંતુ શું તમે જાણો છો કે આ સુપરફાસ્ટ ચાર્જિંગ તમારી ફોન પર કેવી અસર કરે છે? આજે તો તમને તેની ઝડપથી ફાયદા મળે છે, પરંતુ લાંબા સમય બાદ તેના ગેરફાયદા પણ જોવા મળી શકે છે.

ફાસ્ટ ચાર્જિંગનો લાંબા સમય સુધી ઉપયોગ કરવાથી તે તમારા ફોનની બેટરી માટે નુકસાનકારક બની શકે છે. સમય જતાં બેટરી લાઇફ ઘટી શકે છે. સાથે જ, જેટલી ઝડપી ચાર્જિંગ થાય છે, એટલી વધુ ગરમી (હીટ) પણ પેદા કરશે.

દરેક ફોન થોડો ગરમ થાય જ છે, પરંતુ જો તમે સતત સુપર-ફાસ્ટ ચાર્જિંગ કરો છો, તો ફોન ઓવરહિટ થઈ શકે છે, અને ક્યારેક તે વિસ્ફોટનું જોખમ પણ ઊભું કરી શકે છે. નવા ફોનમાં ચાર્જિંગ ઝડપથી થાય છે, પણ સમય જતાં તમે જોશો કે ફોન ધીમે ધીમે વધુ સમય લેતો જાય છે જેનું કારણ બેટરીની ક્ષમતા ઘટી રહી છે.

આ પણ વાંચોઃ શું ફાસ્ટ ચાર્જર સ્માર્ટફોનને નુકસાન પહોંચાડે?, અહીં જાણો સત્ય

બેટરી સાયકલ્સ ઘટશે

વારંવાર ફાસ્ટ ચાર્જિંગથી બેટરીના ચાર્જ અને ડિસ્ચાર્જ થવાના સાયકલ્સ ઓછા થઈ જાય છે, જેના કારણે બેટરી ઝડપથી ખરાબ થઈ શકે છે અને તેને બદલવાવાની જરૂર પડી શકે છે. એટલે કે, જો કોઈ બેટરી ફાસ્ટ ચાર્જિંગ વિના 50,000 વખત ચાર્જ-ડિસ્ચાર્જ કરી શકે છે, તો તે ફાસ્ટ ચાર્જિંગ વાળી બેટરીની તુલનામાં ઓછા સમયે આ સાયકલ પૂરી કરશે

ફાસ્ટ ચાર્જિંગના બે મુખ્ય ફાયદા છે.

પહેલો ફાયદો: હવે તમને તમારા ફોનને કલાકો સુધી ચાર્જિંગ પર રાખવાની જરૂર નથી.

બીજો ફાયદો: ઈમર્જન્સી જેવી પરિસ્થિતિમાં તમારો ફોન ઝડપથી ચાર્જ થઈ જાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ