મનોરંજન / પ્રેગનન્સી જાહેર થયા બાદ પહેલી વાર દેખાઈ પરિણીતી ચોપરા, છુપાવ્યો બેબી બંપ

બોલીવુડ અભિનેત્રી પરિણીતી ચોપરા હાલ તેના જીવનના સૌથી સુંદર તબક્કામાંથી પસાર થઈ રહી છે. પરિણીતી ચોપરા પ્રેગ્નન્ટ છે. તે ટૂંક સમયમાં જ માતા બનવા જઈ રહી છે.

પરિણીતી ચોપરાએ 25 ઓગસ્ટે સોશિયલ મીડિયા પર પોસ્ટ કરીને પોતાની પ્રેગ્નન્સી જાહેર કરી હતી. એ અનાઉન્સમેન્ટ પછી પહેલી વાર અભિનેત્રી એક ઇવેન્ટમાં જોવા મળી છે.

પરિણીતી ચોપરાનો પ્રેગ્નન્સી ગ્લો

સોશિયલ મીડિયા પ્લેટફોર્મ ઈન્સ્ટાગ્રામ પર આ ઇવેન્ટમાંથી પરિણીતી ચોપરાના વીડિયોઝ અને ફોટોઝ શેર કરવામાં આવ્યા છે. આ ઇવેન્ટમાં અભિનેત્રી બ્લેક અનારકલી સૂટમાં દેખાઈ હતી. તેમના સૂટ પર ગોલ્ડન એમ્બ્રોઇડરી કરવામાં આવી હતી.

અનારકલી સૂટ સાથે પરિણીતીએ કાનમાં હેવી ઝુમકા પહેર્યા હતા. મેકઅપ પણ એકદમ મિનિમલ રાખ્યો હતો. ખુલ્લા વાળમાં પરિણીતી ખૂબ જ સુંદર લાગી રહી હતી.

લૂઝ અનારકલી સૂટમાં પરિણીતી પોતાનો બેબી બંપ છુપાવતી જોવા મળી હતી. તે હાથથી પણ પોતાના બેબી બંપને ઢાંકી રહી હતી. અભિનેત્રી બેબી બંપ પર હાથ રાખીને ચાલતી પણ જોવા મળી હતી.

તેમ છતાં, તેમના ચહેરા પર પ્રેગ્નન્સીનો ગ્લો સ્પષ્ટપણે દેખાય રહ્યો હતો. તે ખૂબ જ ક્યૂટ લાગી રહી હતી. ફેન્સ પરિણીતીની સુંદરતાની ખૂબ પ્રશંસા કરી રહ્યા છે.

અહી જુઓ પરિણીતીનો વાયરલ વીડિયો

View this post on Instagram

A post shared by Dinky Nirh (@dinky_nirh)

જણાવી દઈએ કે પરિણીતી ચોપરાએ સપ્ટેમ્બર 2023માં ઉદયપુરમાં રાઘવ ચઢ્ઢા સાથે ગ્રાન્ડ લગ્ન કર્યા હતા. તેમના લગ્નનો જશ્ન ઘણા દિવસો સુધી ચાલ્યો હતો.

વધુ વાંચો : VIDEO: વિજય દેવરકોંડા સાથે અફેરની ચર્ચા વચ્ચે રશ્મિકાએ કરી ગુપચુપ સગાઈ, વીડિયો વાયરલ

લગ્નના બે વર્ષ બાદ હવે આ કપલ પેરન્ટ ક્લબ માં જોડાવા જઈ રહ્યું છે. પોતાના આવનારા નાનકડા મહેમાન માટે પરિણીતી અને રાઘવ બંને ખુબ જ ઉત્સાહિત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ