બિઝનેસ / શેરબજારમાં ઓછા રિસ્કમાં બમ્પર કમાણી! આવતા સપ્તાહે ખુલશે બે કંપનીના IPO

ભારતના શેરબજારમાં આવતા અઠવાડિયે ફરી એક વખત રોનક છવાવાની છે. માર્કેટમાં સતત ઊછાળો અને ઉતાર–ચઢાવ વચ્ચે રોકાણકારોની નજર નવા ઇશ્યૂઝ અને લિસ્ટિંગ્સ પર ટકી ગઈ છે. 19 થી 21 નવેમ્બર વચ્ચે બે નવા IPO ખુલવાના છે, જ્યારે PhysicsWallah સહિત કુલ સાત કંપનીઓ આવનારા દિવસોમાં શેરબજારમાં લિસ્ટ થશે. રોકાણકારો માટે આ અઠવાડિયું અનેક નવી તકો લઈને આવી રહ્યું છે.

આવનારા અઠવાડિયે ખુલનારા નવા ઇશ્યૂઝમાં પ્રથમ IPO એક્સેલસોફ્ટ ટેક્નોલોજીઝ નું છે. SaaS આધારિત આ કંપની શિક્ષણ અને પરીક્ષાઓ સંબંધિત ટેક્નોલોજીકલ સોલ્યુશન્સ પૂરા પાડે છે. 19 નવેમ્બરે IPO ખુલશે અને 21 નવેમ્બરે બંધ થશે. 114 થી 120 રૂપિયાના પ્રાઇસ બેન્ડ સાથે લગભગ 500 કરોડ રૂપિયાનો આ ઇશ્યૂ બજારમાં ઉતરશે. તેમાં 180 કરોડના નવા શેર અને 320 કરોડના OFSનો સમાવેશ થાય છે. કંપની નવી જમીન, બિલ્ડિંગ ડેવલપમેન્ટ અને IT ઇન્ફ્રાસ્ટ્રક્ચર મજબૂત કરવાની દિશામાં આ મૂડીનો ઉપયોગ કરશે. 19 દેશોમાં 76 ક્લાયન્ટ સાથે કંપનીનું વૈશ્વિક નેટવર્ક મજબૂત છે, જેમાં Pearson Education અને AQA Education જેવા મોટા નામો પણ સામેલ છે.

બીજો ઇશ્યૂ ગલાર્ડ સ્ટીલ નો SME IPO છે, જે એન્જિનિયર્ડ સ્ટીલ કાસ્ટિંગ્સના ઉત્પાદનમાં કાર્યરત છે. કંપનીના ગ્રાહકોમાં રેલવે, ડિફેન્સ, પાવર અને અનેક ઈન્ડસ્ટ્રીયલ સેક્ટર્સનો સમાવેશ થાય છે. 19 થી 21 નવેમ્બર સુધી ખુલનારા આ નાના કદના IPOનું કુલ મૂલ્ય 37.50 કરોડ રૂપિયા છે અને આ સમગ્ર ઇશ્યૂ ફ્રેશ ઇશ્યૂના રૂપમાં આવશે. 142 થી 150 રૂપિયાના પ્રાઇસ બેન્ડ સાથે અને 2000 શેરના લોટ સાઇઝ સાથે SME સેગમેન્ટનું આ ઇશ્યૂ ઊંચી સંભાવનાઓ સાથે વધુ જોખમ પણ રજૂ કરે છે. કંપની મેન્યુફેક્ચરિંગ યુનિટના એક્સપાન્શન, ઓફિસ બિલ્ડિંગ અને કેટલાક દેવા ચુકવવામાં આ રકમ વાપરશે.

લિસ્ટિંગની વાત કરીએ તો 18 થી 21 નવેમ્બર વચ્ચે શેરબજારમાં કુલ સાત કંપનીઓ પ્રવેશ કરશે. 18 નવેમ્બર રોજ PhysicsWallah, MV Photovoltaic, મહામાયા લાઇફસાઈન્સ અને વર્કમેટ્સ Core2Cloudની લિસ્ટિંગ થશે. 19 નવેમ્બર પર Tenneco Clean Air, 20 નવેમ્બરે Fujiyama Power Systems અને 21 નવેમ્બરે Capillary Technologies લિસ્ટ થશે. એડટેક, ફાર્મા, ગ્રીન એનર્જી, ઓટો કોમ્પોનેન્ટ્સ અને SaaS જેવા જુદાં–જુદાં ક્ષેત્રોની હાજરી બજારમાં વૈવિધ્ય અને નવી દિશા ઉમેરશે.

આ પણ વાંચોઃ અચાનક શું થયું? સોનાના ભાવમાં 3,351 રૂપિયાનો ઘટાડો, જાણો લેટેસ્ટ ગોલ્ડ રેટ

રોકાણકારો માટે આ અઠવાડિયું ખૂબ ખાસ ગણાવી શકાય. નવા IPOમાં ભાગ લેવાનું આયોજન હોય કે લિસ્ટિંગ ગેન્સ અંગે આશા રાખતા રોકાણકારો હોય, શેરબજારમાં આવતા દિવસો મોટા નિર્ણયો અને નવી હિલચાલ લાવવાના છે. માર્કેટની તેજ ગતિ વચ્ચે નવી કંપનીઓની એન્ટ્રી રોકાણકારોના વિશ્વાસ અને બજારની ઊર્જા બન્નેને પ્રોત્સાહિત કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ