ટેક્નોલોજી / એપલે ફોલ્ડેબલ ‘iPhone Duo’ ફોન સાથે iPhone 18 Pro સિરીઝ લોન્ચ કરી, જાણો કિંમત અને ફીચર્સ

વિશ્વની અગ્રણી ટેકનોલોજી કંપની એપલે (Apple) તેના વાર્ષિક ઈવેન્ટમાં ઈતિહાસ રચતા પોતાનો સૌપ્રથમ સ્ક્રીન ફોલ્ડ થતો સ્માર્ટફોન 'iPhone Duo' લોન્ચ કરી દીધો છે. આ સાથે જ કંપનીએ પોતાની ફ્લેગશિપ iPhone 18 Pro સિરીઝ, Apple Watch 12, Watch Ultra 4 અને નવીનતમ AirPods 5 સીરિઝ પણ વૈશ્વિક બજારમાં ઉતારી છે. આ ઈવેન્ટમાં એપલના નવા સીઈઓ જોશ ટર્નસે (Josh Ternus) આઈફોનમાં આર્ટિફિશિયલ ઈન્ટેલિજન્સ (AI) અને યુઝર પ્રાઈવસી પર વિશેષ ભાર મૂક્યો હતો.

ભારતમાં iPhone 18 Pro સિરીઝની કિંમત અને ઉપલબ્ધતા

ભારતીય બજારમાં iPhone 18 Pro ના base 256GB વેરિઅન્ટની શરૂઆતી કિંમત રૂ. 1,64,900 રાખવામાં આવી છે. જ્યારે ઉચ્ચ મોડેલ iPhone 18 Pro Max ના 256GB વેરિઅન્ટની કિંમત રૂ. 1,79,900 થી શરૂ થાય છે. ભારતમાં આ નવા આઈફોનનું પ્રી-ઓર્ડર આ શનિવારથી શરૂ થશે, જ્યારે 18 સપ્ટેમ્બરથી તમામ સ્ટોર્સ અને ઓનલાઈન પ્લેટફોર્મ પર તેનું વેચાણ (ઓપન સેલ) શરૂ થઈ જશે. આ નવી સિરીઝ ચાર આકર્ષક કલર ઓપ્શનમાં આવશે, જેમાં નવો 'બર્ગંડી' (Burgundy) કલર ખાસ આકર્ષણનું કેન્દ્ર બન્યો છે.

iPhone Duo: એપલનો પહેલો ફોલ્ડેબલ ફોન અને સ્પ્લિટ સ્ક્રીન

એપલે સ્માર્ટફોનની દુનિયામાં ક્રાંતિ લાવતા સેમસંગ ગેલેક્સી ઝેડ ફોલ્ડને ટક્કર આપવા માટે 'iPhone Duo' રજૂ કર્યો છે. તેની ડિઝાઇન એવી રીતે તૈયાર કરવામાં આવી છે કે વિડિયો જોતી વખતે કે મલ્ટિટાસ્કિંગ કરતી વખતે સ્ક્રીન પર બ્લેક બાર્સ નહિવત દેખાય. આ ફોનમાં એપલે પહેલીવાર 'Split Screen' ફીચર આપ્યું છે, જેનાથી યુઝર્સ એક જ સમયે બે અલગ-અલગ એપ્સ સરળતાથી ચલાવી શકશે.

દમદાર A20 Pro ચિપસેટ અને એડવાન્સ્ડ કૂલિંગ ટેકનોલોજી

iPhone 18 Pro મોડેલ્સમાં અત્યાર સુધીની સૌથી શક્તિશાળી A20 Pro ચિપસેટ આપવામાં આવી છે, જે AI ટાસ્ક માટે અત્યંત ઝડપી છે. ગેમિંગ અને ભારે વપરાશ દરમિયાન ફોન ગરમ ન થાય તે માટે એપલે આ વખતે 3 ગણો મોટો વેપોર ચેમ્બર (Vapor Chamber) આપ્યો છે, જે થર્મલ મેનેજમેન્ટને બહેતર બનાવે છે. આ ઉપરાંત કેમેરામાં પ્રોફેશનલ ફોટોગ્રાફી માટે 'વેરિયેબલ અપર્ચર' (Variable Aperture) ટેકનોલોજી ઉમેરવામાં આવી છે.

વધુ વાંચો : પ્રતિક્ષાનો અંત : આઈફોન 18 પ્રો અને પ્રો-મેક્સ લોન્ચ, આઈફોન ડ્યૂઓ નામનો પહેલો ફોલ્ડેબલ ફોન પણ આવશે

Apple Watch 12, Ultra 4 અને AirPods 5 પણ થયા લોન્ચ

સ્માર્ટવોચ સેગમેન્ટમાં કંપનીએ Apple Watch 12 અને Watch Ultra 4 રજૂ કરી છે, જેમાં હવે દર 5 સેકન્ડે હાર્ટ રેટ માપતી અદ્યતન હેલ્થ સેન્સિંગ સિસ્ટમ છે. આ સિવાય AirPods 5 અને AirPods 5 Pro લોન્ચ કરાયા છે, જેમાં બેઝ મોડેલમાં પણ શ્રેષ્ઠ એક્ટિવ નોઈઝ કેન્સલેશન (ANC) અને 5 કલાકની બેટરી લાઈફ મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ