સાયન્સ / જંગલમાંથી મળી આવ્યા 7 રહસ્યમય માટીના કળશ, અંદર જોતાં જ વૈજ્ઞાનિકો રાડ ફાટી ગઈ

બ્રાઝિલના એમેઝોન જંગલોમાં અવાર નવાર નવી નવી શોધ થતી હોય છે. તાજેતરમાં આવી જ એક ખૂબ મહત્વની શોધ થઈ છે. જ્યાં સંશોધકોને એક પડી ગયેલા ઝાડના મૂળ નીચેથી 7 મોટા કળશ મળ્યા છે. તેમાં માણસ, માછલીઓ અને કાચબાના હાડકાં મળી આવ્યા છે. મમિરૌઆ ઇન્સ્ટિટ્યૂટ ફોર સસ્ટેનેબલ ડેવલપમેન્ટની ટીમે આ કળશ શોધી કાઢ્યું છે. આ સંશોધનથી એમેઝોનના જૂના સમાજ અને તેમના રિવાજો વિશે નવી માહિતી મળી શકે છે. શોધાયેલા આ 3 ફૂટ પહોળા કળશોનું વજન લગભગ 350 કિલો હતું અને તે જમીનથી 16 ફૂટ નીચે દટાયેલા હતા. જેને મમિરૌઆ ઇન્સ્ટિટ્યૂટના પુરાતત્વવિદ્ માર્સિઓ અમરલની ટીમે શોધી કાઢ્યા છે.

આ ટીમની એક સંશોધક જ્યોર્જિયા લૈલા હોલેન્ડાએ જણાવ્યું કે આ કળશો ખૂબ મોટા છે, તેની પર કોઈ પણ પ્રકારનું ઢાંકણુ નથી મળ્યુ. તેમનું માનવું છે કે આ કળશોને કદાચ કોઈ જૈવિક પદાર્થથી બંધ કરાયા હશે જે અત્યારે ખરાબ થઈ ગયુ છે. આ જગ્યાએ પહેલા લોકો રહેતા હતા, મતલબ કે, લોકો આ કળશોને અલગ જગ્યાએ દફનાવવાને બદલે તેમના ઘરના ફર્શ નીચે જ નીચે રાખતા હતા.

• કેટલી ઉંડાઈએ મળી આવ્યા કળશ?
  

પુરાતત્વવિદો મુજબ, એમેઝોનમાં રહેતા લોકો તેમના વાતાવરણને ખૂબ સારી રીતે સમજતા હતા. આ કળશ એ સાબિત કરે છે કે એમેઝોન કોઈ ખાલી જગ્યા નહોતી પણ ત્યાં લોકો રહેતા હતા અને તે જગ્યાની સારી રીતે સંભાળ પણ રાખતા હતા. હોલેન્ડાએ જણાવ્યું કે, આ કળશ 40 સેન્ટિમીટરની ઊંડાઈએ મળી આવ્યા હતા, જે કદાચ જૂના ઘરોની ભૂમિ હતી.

વધુ વાંચો : જોઇ, વિશ્વની સૌ પ્રથમ મહિલા AI મિનિસ્ટર? જે ભ્રષ્ટાચાર પર લગાવશે લગામ

• કળશની અંદર શું હતું?
  કળશમાંથી મળી આવેલા માનવ અવશેષો માછલીઓ અને કાચબાના હાડકા એમેઝોનમાં રહેતા જૂના લોકોના અંતિમ સંસ્કારની રીત વિશે માહિતી પૂરી પાડે છે. પ્રાણીઓના હાડકાં કદાચ ભોજન કે અંતિમ સંસ્કાર સમયે કરવામાં આવતી કોઈ પ્રકારની ધાર્મિક વિધિ હતી. દક્ષિણ અમેરિકાના ઘણા જૂના સમાજોમાં એવું માનવામાં આવતું કે આ ભોજન મૃતકને તેની આગળની યાત્રામાં મદદ કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ