ટેક ન્યુઝ / 16 વર્ષથી ઓછી ઉંમરના બાળકો નહીં કરી શકે કોમેન્ટ-પોસ્ટ, આવી રહ્યાં છે નવા નિયમ

સોશિયલ મીડિયાનો ઉપયોગ કરતા બાળકો પર લગામ લગાવવામાં આવનાર છે. વિયેતનામ સોશિયલ મીડિયાના ઉપયોગ અંગેના તેના નિયમોમાં સુધારો કરવાની તૈયારી કરી રહ્યું છે. રોઇટર્સના અહેવાલ મુજબ, સરકાર સોશિયલ મીડિયા પ્લેટફોર્મનો ઉપયોગ કરતા બાળકો અને કિશોરો માટે કડક નિયમો દાખલ કરવાની તૈયારી કરી રહી છે.

અહેવાલો અનુસાર, વિયેતનામની સરકાર 16 વર્ષથી ઓછી ઉંમરના બાળકોની સોશિયલ મીડિયા પરની અનિયંત્રિત પ્રવૃત્તિઓ પર રોક લગાવવા માટે એક આદેશ તૈયાર કરી રહી છે. નવા નિયમો હેઠળ, 16 વર્ષથી ઓછી ઉંમરના બાળકો કન્ટેન્ટ પોસ્ટ કરી શકશે નહીં અથવા અન્યની પોસ્ટ પર 'લાઈક' અને 'કોમેન્ટ' કરી શકશે નહીં.

વિયેતનામ આ નિયમની તૈયારીઓ સાથે એવા દેશોની યાદીમાં સામેલ થઈ ગયું છે જેઓ 16 વર્ષથી ઓછી ઉંમરના બાળકો પર સોશિયલ મીડિયાનો ઉપયોગ કરવા અંગે પ્રતિબંધ મૂકવાના નિર્ણયો પર કામ કરી રહ્યા છે. દરમિયાન, ઓસ્ટ્રેલિયાએ બાળકો દ્વારા સોશિયલ મીડિયાના ઉપયોગ પર પહેલેથી જ પ્રતિબંધ મૂકી દીધો છે.

માતા-પિતાની પરમિશન બાદ મળશે સોશિયલ મીડિયા

વિયેતનામ દ્વારા પ્રસ્તાવિત નિયમો હેઠળ, 16 વર્ષથી ઓછી ઉંમરના કિશોરો તેમના માતા-પિતા અથવા વાલીઓ દ્વારા પૂરી પાડવામાં આવેલી માહિતીના આધારે સોશિયલ મીડિયા એકાઉન્ટ્સ રજીસ્ટર કરાવી શકશે.

માતા-પિતાની જવાબદારી હશે

પોતાના બાળકો સોશિયલ મીડિયા પર કઈ સામગ્રી જુએ છે અને કેટલો સમય વિતાવે છે તેના પર દેખરેખ રાખવાની જવાબદારી માતા-પિતાની રહેશે.

સોશિયલ મીડિયા કંપનીઓની પણ જવાબદારી રહેશે

વિયેતનામ દ્વારા તૈયાર કરાયેલા ડ્રાફ્ટ મુજબ, સોશિયલ મીડિયા કંપનીઓની પણ જવાબદારીઓ રહેશે. કંપનીઓએ બાળકોની ઓળખ કરવા અને તેમને બતાવવામાં આવતી સામગ્રી તેમની ઉંમરને અનુરૂપ હોય તે સુનિશ્ચિત કરવા માટે અદ્યતન ટેકનોલોજીનો ઉપયોગ કરવો પડશે.

બાળકોની પ્રાઇવસીનું રાખવુ પડશે ધ્યાન

વિયેતનામમાં એક ડ્રાફ્ટમાં કહેવાય છે કે, સોશિયલ મીડિયા પ્લેટફોર્મ બાળકોના એકાઉન્ટ્સ માટે ઉચ્ચ સ્તરની પ્રાઇવેસી અને સિક્યોરી પૂરી પાડવી જોઈએ.

આ પણ વાંચોઃ વરસાદમાં ફોન ભીનો થઈ જાય તો તરત શું કરવું? આ ભૂલો કરશો તો ફોન થઈ શકે છે ખરાબ

આ ઉપરાંત, હિંસા, અશ્લીલતા, જુગાર, આત્મહત્યા અને અન્ય હાનિકારક સામગ્રીને ઓળખવા અને તેને રોકવા માટે તેમણે પગલાં લેવા જરૂરી છે. ઓસ્ટ્રેલિયા અને ફ્રાન્સે 16 વર્ષથી ઓછી ઉંમરના બાળકો માટે સોશિયલ મીડિયાના ઉપયોગ પર પ્રતિબંધ મૂક્યો છે. ઓસ્ટ્રેલિયા આવો પ્રતિબંધ લાગુ કરનાર પ્રથમ દેશ હતો અને હવે અન્ય ઘણા દેશો પણ તે જ દિશામાં આગળ વધી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ