6 ફોટો ગેલેરી

તમારા કામનું / Viનો પ્રીપેડ ફેમિલી પ્લાન લોન્ચ, ડેટા ખૂટી જાય તો બીજા સભ્યને મોકલી શકશો, જાણો કેવી રીતે કામ કરશે

Last Updated: 03:11 PM, 16 October 2026

FOLLOW ON

શેર કરો

Viએ પ્રીપેડ યુઝર્સ માટે નવો ફેમિલી પ્લાન રજૂ કર્યો છે, જેમાં પરિવારના સભ્યો એકબીજા સાથે મોબાઇલ ડેટા શેર કરી શકશે. આ સુવિધા સાથે રિચાર્જ પર 10 ટકા સુધીનું ડિસ્કાઉન્ટ પણ મળશે.

1/6

1. Viએ રજૂ કરી નવી ફેમિલી ડેટા શેરિંગ સુવિધા

ટેલિકોમ કંપની Viએ ‘Vi પે સબ હૈં VIP’ ટેગલાઇન સાથે પ્રીપેડ યુઝર્સ માટે ફેમિલી ડેટા શેરિંગ સુવિધા શરૂ કરી છે. આ સુવિધા હેઠળ પરિવારના સભ્યો પોતાનો મોબાઇલ ડેટા એકબીજાને મોકલી શકશે. પરિવારના સભ્યો દેશના અલગ-અલગ શહેરોમાં રહેતા હોય તો પણ તેઓ આ સુવિધાનો લાભ લઈ શકશે. કંપનીનો ઉદ્દેશ પ્રીપેડ યુઝર્સને એક જ ફેમિલી ગ્રુપમાં જોડીને ડેટા શેર કરવાની સુવિધા આપવાનો છે.

આ તસવીર શેર કરો

2/6

2. Vi App પર બનાવવું પડશે ફેમિલી ડેશબોર્ડ

આ સુવિધાનો ઉપયોગ કરવા માટે યુઝર્સે સૌથી પહેલાં Vi Appમાં ફેમિલી ડેશબોર્ડ બનાવવાનું રહેશે. ડેશબોર્ડ તૈયાર થયા પછી તેમાં પરિવારના અન્ય સભ્યોને સામેલ કરી શકાશે. આ રીતે એક ફેમિલી ગ્રુપ તૈયાર થશે, જેના સભ્યો એકબીજાને મોબાઇલ ડેટા મોકલી શકશે. કંપનીએ આ સુવિધા કેવી રીતે કામ કરે છે તે સમજાવવા માટે વીડિયો પણ શેર કર્યો છે.

આ તસવીર શેર કરો

3/6

3. માત્ર એક ક્લિકથી મોકલી શકાશે 500MB ડેટા

ફેમિલી ડેશબોર્ડ બની ગયા પછી ડેટા શેર કરવાની પ્રક્રિયા સરળ રહેશે. જો કોઈ સભ્યનો મોબાઇલ ડેટા ખૂટી જાય તો ગ્રુપના અન્ય સભ્યને Vi Appમાં ફેમિલી ડેશબોર્ડ ખોલીને ‘Send’ વિકલ્પ પર ક્લિક કરવાનું રહેશે. ત્યારબાદ સંબંધિત સભ્યને 500MB ડેટા મોકલી શકાશે. આ સુવિધા એવા સમયે ઉપયોગી થઈ શકે છે જ્યારે પરિવારના કોઈ સભ્યને રિચાર્જની મુદત પૂરી થાય તે પહેલાં વધારાના ડેટાની જરૂર પડે.

આ તસવીર શેર કરો

4/6

4. એક દિવસમાં 500MB ડેટા શેર કરવાની મર્યાદા

Viની આ સુવિધા હેઠળ એક દિવસમાં વધુમાં વધુ 500MB ડેટા મોકલી શકાશે. મોકલવામાં આવેલા ડેટાની વેલિડિટી તે જ રાત સુધી રહેશે. એટલે કે યુઝર્સે મળેલા ડેટાનો ઉપયોગ નિર્ધારિત સમયમર્યાદામાં કરવો પડશે. આ ઉપરાંત એક યુઝર અઠવાડિયામાં માત્ર બે વખત અને મહિનામાં વધુમાં વધુ ચાર વખત ડેટા શેર કરી શકશે. તેથી ડેટા મોકલતી વખતે આ મર્યાદાઓનું ધ્યાન રાખવું જરૂરી છે.

આ તસવીર શેર કરો

5/6

5. એક ફેમિલી ગ્રુપમાં ચાર સભ્યો જોડાઈ શકશે

Viના પ્રીપેડ ફેમિલી ગ્રુપમાં વધુમાં વધુ ચાર સભ્યોને સામેલ કરી શકાશે. તેમાં એક પ્રાઇમરી મેમ્બર હશે, જ્યારે બાકીના સભ્યો સેકન્ડરી મેમ્બર તરીકે જોડાશે. પરિવારના સભ્યો ભારતના અલગ-અલગ ટેલિકોમ સર્કલના હોય તો પણ તેમને ગ્રુપમાં સામેલ કરી શકાશે. જોકે, આ સુવિધા મેળવવા માટે દરેક સભ્ય પાસે એક્ટિવ પ્રીપેડ પ્લાન હોવો જરૂરી છે.

આ તસવીર શેર કરો

6/6

6. રિચાર્જ પર મળશે 10 ટકા સુધીનું ડિસ્કાઉન્ટ

ડેટા શેરિંગ ઉપરાંત Viના ફેમિલી પ્લાનમાં પ્રીપેડ રિચાર્જ પર 10 ટકા સુધીનું ડિસ્કાઉન્ટ મળવાનો પણ ફાયદો છે. આથી પરિવારના સભ્યો એકબીજાને ડેટા મોકલી શકશે અને રિચાર્જ પર બચત પણ કરી શકશે. જોકે, ડિસ્કાઉન્ટ કયા પ્લાન પર અને કઈ શરતો હેઠળ મળશે તેની વિગતો Vi Appમાં તપાસવી યોગ્ય રહેશે.

આ તસવીર શેર કરો

સંકળાયેલા મુદ્દાઓ

Vi Family Plan Vi Prepaid Recharge Vi Data Sharing