5 ફોટો ગેલેરી

તમારા કામનું / ટ્રેનની ટિકિટ બુક કરતી વખતે આ સુવિધા ભૂલશો નહીં, માત્ર 45 પૈસામાં મળશે ₹10 લાખ સુધીનું વીમા કવચ

Last Updated: 02:55 PM, 16 October 2026

FOLLOW ON

શેર કરો

ટ્રેનની ટિકિટ માત્ર મુસાફરીનું સાધન જ નથી, પરંતુ તે એક સુરક્ષા કવચ તરીકે પણ કામ કરે છે. માત્ર 45 પૈસા ખર્ચીને, મુસાફર 10 લાખ રુપિયા સુધીનું વીમા કવચ મેળવી શકે છે. ભારતીય રેલવે દ્વારા આપવામાં આવતી આ સુવિધા મુસાફરીને માત્ર અનુકૂળ જ નહીં, પરંતુ સુરક્ષિત પણ બનાવે છે.

1/5

1. મુસાફરીની સુવિધાની સાથે વીમા કવચ

ભારતીય રેલવે માત્ર દેશને જોડવાનું માધ્યમ જ નથી, પરંતુ તે મુસાફરોને સુરક્ષાની ખાતરી પણ આપે છે. ઘણા લોકોને એ વાતની જાણ નથી હોતી કે જ્યારે તેઓ ઓનલાઇન ટ્રેન ટિકિટ બુક કરાવે છે, ત્યારે તેમને મુસાફરીની સુવિધાની સાથે વીમા કવચ પણ મળે છે. કોઈ દુર્ઘટના સર્જાય તેવા સંજોગોમાં, આ વીમો મુસાફર અને તેમના પરિવારને આર્થિક સુરક્ષા પૂરી પાડે છે.

આ તસવીર શેર કરો

2/5

2. ફક્ત 45 પૈસામાં 10 લાખ રુપિયા સુધી કવર

આ રેલવે વીમા યોજના હેઠળ, મુસાફરો માત્ર 45 પૈસામાં 10 લાખ રુપિયા સુધીનું વીમા કવચ મેળવી શકે છે. ટિકિટ બુકિંગ સમયે IRCTC પ્લેટફોર્મ પર આ વિકલ્પ આપવામાં આવે છે; તેને પસંદ કરીને મુસાફરો પોતાની યાત્રાને વધુ સુરક્ષિત બનાવી શકે છે.

આ તસવીર શેર કરો

3/5

3. પરિવારને સંપૂર્ણ રકમ મળશે

જો મુસાફરી દરમિયાન કોઈ દુર્ભાગ્યપૂર્ણ અકસ્માત થાય, તો આ વીમો મુસાફર અથવા તેમના પરિવારને આર્થિક સહાય પૂરી પાડે છે. ગંભીર ઈજાના કિસ્સામાં આંશિક વળતર આપવામાં આવે છે, જ્યારે મૃત્યુના કિસ્સામાં પરિવારને સંપૂર્ણ રકમ ચૂકવવામાં આવે છે.

આ તસવીર શેર કરો

4/5

4. નોમિની વ્યક્તિની જાણકારી જરુરી

આ વીમાનો લાભ મેળવવા માટે, ટિકિટ બુક કરતી વખતે નોમિની વિશે સચોટ માહિતી આપવી અત્યંત આવશ્યક છે. જો આ વિગતો ખોટી કે અધૂરી હોય, તો પરિવારને વળતર મેળવવામાં મુશ્કેલી પડી શકે છે. તેથી, IRCTC ટિકિટ બુક કરતી વખતે આ વિભાગ કાળજીપૂર્વક ભરવો જોઈએ. આ વીમા સુવિધા તમામ કન્ફર્મ ટિકિટો માટે લાગુ પડે છે, પછી ભલે તમે સ્લીપર, AC કે જનરલ ક્લાસમાં મુસાફરી કરતા હોય.

આ તસવીર શેર કરો

5/5

5. યાત્રાથી વધારે છે રેલ્વેનો વિશ્વાસ

ભારતીય રેલવેએ મુસાફરોની સુરક્ષા અને સુવિધાને ધ્યાનમાં રાખીને આ યોજનાને અત્યંત સુલભ બનાવી છે. ખૂબ જ નજીવી રકમમાં લાખો રૂપિયાનું વીમા કવચ મળવું એ મુસાફરો માટે મોટી રાહત સમાન છે. આ પહેલ દર્શાવે છે કે રેલવે માત્ર લોકોને તેમના ગંતવ્ય સ્થાન સુધી પહોંચાડવા પર જ ધ્યાન નથી આપતી, પરંતુ તેમના પરિવારોની સુરક્ષાની પણ ચિંતા કરે છે. હવે પછી જ્યારે તમે ટિકિટ બુક કરો, ત્યારે આ વીમો પસંદ કરવાનું ચૂકશો નહીં કારણ કે મુસાફરી ભલે ગમે તેટલી ટૂંકી હોય, સુરક્ષા હંમેશા પ્રાથમિકતા હોવી જોઈએ.

આ તસવીર શેર કરો

સંકળાયેલા મુદ્દાઓ

up to rs 10 lakh train ticket insurance railways benefits