5 ફોટો ગેલેરી

વૈજ્ઞાનિકોનો દાવો / 12માંથી 10 ભૂકંપ પહેલાં મળ્યા સંકેત, જાણો વિશ્વ માટે કેમ છે મહત્ત્વપૂર્ણ

Last Updated: 03:50 PM, 16 October 2026

FOLLOW ON

શેર કરો

ભૂકંપને કારણે દરેક વર્ષે વિશ્વભરમાં 40 હજાર લોકો મૃત્યુ પામે છે. આ મૃત્યુ પાછળનું એક મુખ્ય કારણ ભૂકંપની સચોટ આગાહી કરવામાં અસમર્થતા છે. જો સચોટ આગાહી કરી શકાય, તો લોકોને સમયસર બચાવી શકાય.

1/5

1. ભૂકંપની આગાહીઓ અને જોખમ

એક સંશોધન અહેવાલ મુજબ, ચીનના નેતૃત્વ હેઠળના ભૂ-વૈજ્ઞાનિકોની આંતરરાષ્ટ્રીય ટીમે ઓછામાં ઓછા 83 ટકા કિસ્સાઓમાં સચોટ આગાહીઓ કરી છે. અહેવાલમાં જણાવ્યા અનુસાર, 2022 અને 2024ની વચ્ચે ચીની વૈજ્ઞાનિકોએ 12 સ્થળો માટે ભૂકંપની આગાહીઓ અને જોખમ અંગેની ચેતવણીઓ જારી કરી હતી. આમાંથી 10 કિસ્સાઓમાં, આગાહી કર્યાના ત્રણ મહિનાની અંદર ભૂકંપ આવ્યો હતો.

આ તસવીર શેર કરો

2/5

2. ભૂકંપનું કેન્દ્રબિંદુની આગાહી

'સાઉથ ચાઇના મોર્નિંગ પોસ્ટ'ના જણાવ્યા અનુસાર, લગભગ 83 ટકા આગાહીઓ સચોટ સાબિત થઈ હતી. મોટાભાગના કિસ્સાઓમાં, ભૂકંપનું કેન્દ્રબિંદુ તે જ સ્થળે હતું જ્યાં આગાહી કરવામાં આવી હતી. આ એક પ્રશ્ન ઊભો કરે છે: શું ભૂકંપની આગાહી કરવી શક્ય છે?

આ તસવીર શેર કરો

3/5

3. ભવિષ્યવાણી માટે ડેટા કેવી રીતે જોડાઇ ગયુ?

એક પીઅર-રિવ્યુડ જર્નલ અનુસાર, ચીન, તાઈવાન અને બ્રાઝિલના વૈજ્ઞાનિકોની એક ટીમે ભૂકંપની આગાહી કરવાના હેતુથી સિસ્મોમીટર્સ, મેગ્નેટોમીટર્સ અને જમીન-આધારિત ગ્લોબલ નેવિગેશન સેટેલાઇટ સિસ્ટમ (GNSS) રિસીવર્સ પાસેથી ડેટા એકત્રિત કર્યો હતો. આ માહિતીના આધારે, વૈજ્ઞાનિકો જણાવે છે કે, ભૂકંપ એ કોઈ અણધારી ઘટના નથી. તેના વિશે અગાઉથી માહિતી મેળવી શકાય છે અને લોકોને સાવચેત કરી શકાય છે.

આ તસવીર શેર કરો

4/5

4. ભૂકંપની આગાહી કરવી શક્ય?

વૈજ્ઞાનિકોએ ચીન પર આધારિત તેમનો તમામ સંશોધન ડેટા એકત્રિત કર્યો. ચેંગડુ યુનિવર્સિટીના પ્રોફેસર ચેન ચિહ-હુંગ, જેમણે આ ટીમનું નેતૃત્વ કર્યું હતું, તેઓ જણાવે છે કે વિશ્વના એક તૃતીયાંશ ભૂકંપ ચીનમાં આવે છે. ચેનના જણાવ્યા અનુસાર, ચોકસાઈ સુધારવા માટે હજુ વધુ કામ કરવાની જરૂર છે. હાલમાં, આપણે માત્ર એવા સ્થળોની ઓળખ કરી શકીએ છીએ જ્યાં ભૂકંપ આવી શકે છે. ટૂંકમાં કહીએ તો, ભૂકંપની આગાહી કરવી શક્ય છે.

આ તસવીર શેર કરો

5/5

5. આ શોધ દુનિયા માટે કેમ મહત્વની?

દુનિયાભરમાં દર વર્ષે 40 હજાર લોકો ભૂકંપને કારણે મૃત્યુ પામે છે. આ મૃત્યુ પાછળનું એક મુખ્ય કારણ એ છે કે ભૂકંપની સચોટ આગાહી કરવી શક્ય નથી. જો સચોટ આગાહી કરી શકાય, તો લોકોને સમયસર બચાવી શકાય. વિશ્વભરના વૈજ્ઞાનિકો લાંબા સમયથી આ વિષય પર સંશોધન કરી રહ્યા છે. એક નવા અહેવાલે હવે એવી આશાઓ જગાવી છે કે, ભૂકંપની આગાહી કરવી શક્ય છે. જોકે, સચોટ આગાહી વાસ્તવિકતા બને તે પહેલાં હજુ થોડો સમય લાગી શકે છે.

આ તસવીર શેર કરો

સંકળાયેલા મુદ્દાઓ

Geologist predicted 12 earthquakes 10 proved accurate significant world