અમદાવાદ / સાબરમતી જેલમાં કેદીઓ હેરાન કરતા હોવાના આક્ષેપ સાથે આતંકીઓની વિચિત્ર ડિમાન્ડ

અમદાવાદ: અમદાવાદની સાબરમતી જેલમાં બંધ ચાર આરોપીઓએ તેમને કાશ્મીરની જેલમાં ટ્રાન્સફર કરવાની માંગ સાથે NIA કોર્ટમાં અરજી કરી હતી. જોકે, કોર્ટે આ ટ્રાન્સફર અરજી ફગાવી દીધી છે.

મળતી માહિતી મુજબ, ઉબેદ નાસીર મીર, હનાન હયાત સવાલ, મહમ્મદ હાજીમ અબ્દુલરશીદ શાહ અને ઝુબેર શૌકત હાલ સાબરમતી જેલમાં બંધ છે. આરોપીઓ તરફથી જેલમાં તેમને માનસિક હેરાનગતિ થતી હોવાનો આક્ષેપ કરવામાં આવ્યો હતો.

અરજદારોની માંગ હતી કે તેમને અમદાવાદની સાબરમતી જેલમાંથી કાશ્મીરની જેલમાં ટ્રાન્સફર કરવામાં આવે. આ અંગે NIA કોર્ટ સમક્ષ અરજી કરવામાં આવી હતી. જોકે, NIA કોર્ટે ટ્રાન્સફરની માંગને મંજૂરી આપી નથી. પરિણામે, હાલના તબક્કે ચારેય આરોપીઓને સાબરમતી જેલમાં જ રાખવામાં આવશે.

આ પણ વાંચોઃ દવાની એક્સપાયરી ડેટ જોઈ પરિવાર ચોંક્યો, દાહોદમાં મેડિકલ સ્ટોર સંચાલક સામે રોષ

આ કેસમાં આરોપીઓ દ્વારા કરવામાં આવેલા જેલ સંબંધિત આક્ષેપો અંગે કોર્ટના નિર્ણયમાં દર્શાવાયેલી વિગતો અને સત્તાવાર રેકોર્ડને આધારે જ વધુ માહિતી સ્પષ્ટ થઈ શકશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ