ટેક્નોલોજી / Airtel યુઝર્સને રિચાર્જ હવે મોંઘુ પડશે! બંધ કરી દીધો આ જોરદાર પ્લાન, જાણો કેમ

Airtel tariff hike 2025: એરટેલનો નવો એન્ટ્રી-લેવલ અનલિમિટેડ પ્લાન હવે રૂપિયા 199 થી શરૂ થશે. આ પ્લાન એવા લોકો માટે છે જેઓ અનલિમિટેડ વોઇસ કોલિંગ, એસએમએસ અને બેઝિક ડેટા સુવિધા ઇચ્છે છે.

દેશની ટેલિકોમ કંપની ભારતી એરટેલે તેના ટ્રુલી અનલિમિટેડ પ્લાનમાં મોટો ફેરફાર કર્યો છે. કંપનીએ હવે તેના પ્રીપેડ યૂજર્સ માટે બેઝિક અનલિમિટેડ પ્લાનની શરૂઆતની કિંમતમાં વધારો કર્યો છે. જ્યારે આ પ્લાન પહેલા રૂપિયા 189 થી શરૂ થતો હતો, ત્યારે એરટેલનો નવો એન્ટ્રી-લેવલ અનલિમિટેડ પ્લાન હવે રૂપિયા 199 થી શરૂ થશે. કંપનીએ આ પ્લાન વિવિધ કેટેગરીમાં રજૂ કર્યા છે - જેમ કે ડેટા-સેન્ટ્રિક, વોઇસ-સેન્ટ્રિક અને વોઇસ અને એસએમએસ-ઓન્લી વેરિઅન્ટ્સ.

રૂપિયા 199નો એરટેલ ટ્રુલી અનલિમિટેડ પ્લાન - તેમાં શું મળશે?

એરટેલનો નવો રૂપિયા 199 વાળો પ્લાન હવે કંપનીનો સૌથી સસ્તો ટ્રુલી અનલિમિટેડ પ્લાન બની ગયો છે. આ પ્લાનમાં યુજર્સને ઘણા ફાયદા મળે છે. આ પ્લાન અનલિમિટેડ વોઇસ કોલિંગ ઓફર કરે છે, જે દેશભરમાં કોઈપણ સ્થાન પર મફત કોલ કરી શકાય છે. દરરોજ 100 SMS પણ મળે છે. આ પ્લાન 28 દિવસની માન્યતા સાથે 2GB ડેટા આપે છે.

એરટેલનો જૂનો પ્લાન બંધ

એરટેલે તેનો જૂનો રૂપિયા 189 ટ્રુલી અનલિમિટેડ પ્લાન સંપૂર્ણપણે બંધ કરી દીધો છે. આ પ્લાન તાજેતરમાં સુધી કંપનીની વેબસાઇટ અને મોબાઇલ એપ્લિકેશન પર ઉપલબ્ધ હતો, પરંતુ હવે તેને રિચાર્જ વિકલ્પોમાંથી દૂર કરવામાં આવ્યો છે. ₹189 નો પ્લાન ખાસ કરીને એવા વપરાશકર્તાઓ માટે હતો જેઓ મોટે ભાગે વોઇસ સેવાઓનો ઉપયોગ કરતા હતા અને મર્યાદિત ડેટા જરૂરિયાતો ધરાવતા હતા.

આ પણ વાંચોઃ ડેબિટ કાર્ડ વગર આધારથી ઉપાડી શકશો રૂપિયા, નોટ કરી લો સ્ટેપ બાય સ્ટેપ પ્રોસેસ

એરટેલે બદલી દીધો પ્લાન

એરટેલ કહે છે કે નવો રૂપિયા 199 ટ્રુલી અનલિમિટેડ પ્લાન યૂજર્સને માત્ર કોલિંગ જ નહીં પરંતુ ડિજિટલ રિવોર્ડ્સ અને સ્માર્ટ સેવાઓ પણ પ્રદાન કરવા માટે રચાયેલ છે. કંપની હવે તેની બધી પ્રીપેડ ઓફરોને માળખાગત અને મૂલ્ય-આધારિત બનાવી રહી છે. આનો અર્થ એ થયો કે યૂજર્સને હવે દરેક રિચાર્જ સાથે વધારાના ડિજિટલ લાભો મળશે - જેમ કે એઆઇ ટૂલ્સ, OTT એક્સેસ અથવા સંગીત સુવિધાઓ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ