ટેક્નોલોજી / OpenAIએ લૉન્ચ કર્યું ન્યૂ ટૂલ, હવે ઓફિસના તમામ કામ ક્ષણભરમાં કરી નાખશે ChatGPT!

આર્ટિફિશિયલ ઇન્ટેલિજન્સનો ઉપયોગ વિશ્વભરમાં ઝડપથી વધ્યો છે. ભારત પણ તેમાં અપવાદ નથી. દેશમાં એઆઇ ટૂલ્સ ખૂબ લોકપ્રિય બન્યા છે. લોકો હવે એઆઇની મદદથી ઘણા કાર્યો કરી રહ્યા છે. OpenAI નું ChatGPT દેશમાં એક લોકપ્રિય AI ટૂલ છે, જે કામને સરળ બનાવે છે. આ સંદર્ભમાં કંપનીએ ChatGPT માં એક નવું ટૂલ લોન્ચ કર્યું છે, જેનાથી હવે ચેટજીપીટી લોકોની ઓફિસના બધા કામ કરી શકશે. ચાલો જાણીએ કે આ નવું ટૂલ શું છે.

આ નવું ટૂલ છે

મીડિયા રિપોર્ટ્સ અનુસાર કંપની એક ડેસ્કટોપ એપ પર કામ કરી રહી હતી જેનાથી યૂજર્સને ચેટ જીપીટી અને કોડેક્સ કોડિંગ આસિસ્ટન્ટ બધુ એક જ જગ્યા પર મળી શકે. તેને જોતા કંપનીએ હવે ChatGPT Work રજૂ કર્યું છે, જેનાથી વપરાશકર્તાઓને આ બધા ટૂલ્સ એક જ જગ્યાએ મળી રહેશે. આ નવી ડિઝાઇનમાં વપરાશકર્તાઓને એક જ ઇન્ટરફેસમાં ChatGPT, Codex અને નવા વર્ક એજન્ટ જોવા મળી રહેશે જેનાથી યૂજર્સએ અલગ અલગ એપ અથવા ટૂલ્સ બદલવાની જરૂર નહી પડે.

દૈનિક કાર્યો સરળ બનશે

તમારી માહિતી માટે જણાવી દઇએ કે ChatGPT Work તમારા રોજના કાર્યોને પણ સરળ બનાવશે. ઉદાહરણ તરીકે આ ટૂલ આખા અઠવાડિયાના Slack મેસેજનો સારાંશ તૈયાર શકે છે. જો કે OpenAI નું કહેવું છે કે વપરાશકર્તાઓનો આ ટૂલ પર સંપૂર્ણ નિયંત્રણ રહેશે. AI કઈ માહિતીને ઍક્સેસ કરશે, ક્યારે પરવાનગી લેશે અને ક્યારે કાર્યવાહી કરશે તે અંગેના નિર્ણયો સંપૂર્ણપણે વપરાશકર્તાના હાથમાં રહેશે.

આ પણ વાંચોઃ ટેક્નોલોજી / હવે નહીં બને તમારી AI તસવીર! Metaએ ઉઠાવ્યું ચોંકાવનારું પગલું, જાણો કેમ

યૂજર્સને આ નવું ટૂલ ક્યારે મળશે?

OpenAI એ ChatGPT Workનું રોલઆઉટ શરૂ કરી દીધું છે. આ અપડેટ ટૂંક સમયમાં લોકો સુધી પહોંચશે, જેનાથી તમે આ નવા ટૂલનો સરળતાથી ઉપયોગ કરી શકશો. તમારી માહિતી માટે જો તમે ફ્રી એકાઉન્ટ યુઝર છો તો તમે Mac અને Windows માટે ઉપલબ્ધ ChatGPT ડેસ્કટોપ એપ દ્વારા આ અપડેટને ઍક્સેસ કરી શકો છો. એ નોંધવું યોગ્ય છે કે આ નવું ટૂલ વપરાશકર્તાઓને તેમના ઓફિસના કામમાં નોંધપાત્ર રીતે મદદ કરશે. તે તમારા કાર્યને પણ નોંધપાત્ર રીતે સરળ બનાવશે. જો કે ફક્ત AI ટૂલ્સ પર આધાર રાખવો યોગ્ય માનવામાં આવતું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ