સંભાળજો.. / ટેટૂથી જીવલેણ બીમારીનો ખતરો, અહીં સામે આવ્યા ઢગલાબંધ કેસ, સાવધાન રહેવામાં જ શાણપણ

ટેટૂ લવરો માટે એક આઘાતજનક સમાચાર સામે આવ્યા છે. જી હાં ઉત્તર પ્રદેશના ગાઝિયાબાદમાંથી એક ચોંકાવનારો કિસ્સો પ્રકાશમાં આવ્યો છે. જ્યાં જિલ્લા મહિલા હોસ્પિટલમાં પ્રિ-ડિલિવરી ટેસ્ટિંગ દરમિયાન છેલ્લા ચાર વર્ષમાં 68 જેટલી મહિલાઓ એચઆઇવી સંક્રમિત મળી આવી છે. કાઉન્સેલિંગ દરમિયાન આમાંથી 20 મહિલાઓએ જણાવ્યું કે તેમને શંકા છે કે તેમના શરીર પર ટેટૂ કરાવવાને કારણે તેમને ચેપ લાગ્યો છે. આ તમામ મહિલાઓએ રોડસાઇડ ટેટૂઇસ્ટ દ્વારા ટેટૂ કરાવ્યા હતા, ત્યારબાદ તેમની તબિયત બગડવા લાગી હતી.

મળતી માહિતી મુજબ દર વર્ષે 15 થી 20 મહિલાઓ આ રીતે સંક્રમિત જોવા મળે છે, જો કે ચેપગ્રસ્ત મળી આવેલી તમામ મહિલાઓને સુરક્ષિત ડિલિવરી આપવામાં આવી છે. નિષ્ણાતોના મતે, ટેટૂ કરાવવાથી ચેપ લાગતો નથી, પરંતુ જો એક જ સોયથી એકથી વધુ લોકો ટેટૂ કરાવે છે, તો ચેપનું જોખમ વધારે છે. જો ટેટૂ કરાવનાર વ્યક્તિ એ જ સોયનો ફરીથી ઉપયોગ કરે તો તેનાથી HIVનું જોખમ વધી શકે છે. પરંતુ ગાઝિયાબાદમાં એક સાથે આટલી બધી મહિલાઓને સંક્રમિત થયા બાદ દરેક જગ્યાએ તેની ચર્ચા થઈ રહી છે.

નિષ્ણાંતોના જણાવ્યા અનુસાર, ટેટૂ કરાવવાથી HIV કે AIDS જેવા ચેપ ફેલાવાની શક્યતા ઘણી ઓછી છે. તેમણે સમજાવ્યું કે જો ટેટૂ કરાવતી વખતે સ્વચ્છતા અને સલામત સાધનોનો ઉપયોગ કરવામાં આવે તો ચેપનું જોખમ લગભગ નહિવત્ બની જાય છે. મોટા ભાગના કિસ્સાઓમાં જ્યારે અસુરક્ષિત સોય અથવા દૂષિત સાધનોનો ઉપયોગ કરવામાં આવે ત્યારે સમસ્યા ઊભી થાય છે.

વધુ વાંચો : ઇમ્યુનિટી વધારવા શરદીની સિઝનમાં ખાવાનું શરૂ કરો આ 5 સુપરફૂડ્સ, આવી જશે ઘોડા જેવી તાકાત

નિષ્ણાંતોએ લોકોને સાવચેત રહેવાની સલાહ આપી અને કહ્યું કે ટેટૂ હંમેશા પ્રમાણિત અને સ્વચ્છ ટેટૂ પાર્લરમાંથી જ કરાવવા જોઈએ. આ સાથે ચેપથી બચવા માટે ટેટૂ પછી યોગ્ય કાળજી અને સ્વચ્છતા પણ મહત્વપૂર્ણ છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ