સ્પોર્ટ્સ / ગિલ ODI સિરીઝમાંથી આઉટ, તો કોણ બનશે કેપ્ટન? હવે માત્ર એક જ દિવસ બાકી

ભારત અને વેસ્ટ ઈન્ડિઝ વચ્ચેની ત્રણ મેચની વન-ડે સિરીઝ રવિવાર, 27 સપ્ટેમ્બરથી શરૂ થવાની છે. સિરીઝપહેલાં ટીમ ઈન્ડિયાને મોટો ફટકો પડ્યો છે, કારણ કે કેપ્ટન શુભમન ગિલ ઈજાગ્રસ્ત થયા છે. ભારત અને વેસ્ટ ઈન્ડિઝ વચ્ચેની વન-ડે સિરીઝની પ્રથમ મેચ તિરુવનંતપુરમમાં રમાનાર છે.

25 સપ્ટેમ્બરે નેટ પ્રેક્ટિસ દરમિયાન, મોહમ્મદ સિરાજનો એક બોલ શુભમન ગિલની કોણી પર વાગ્યો. આ ફટકો એટલો જોરદાર હતો કે કેપ્ટન મેદાન પર જ પીડાથી કણસી ઉઠ્યા. તેમને તકલીફમાં જોઈને તેમના બેટિંગ પાર્ટનર વિરાટ કોહલી અને મોહમ્મદ સિરાજે તેમની ખબર-અંતર પૂછ્યા. ત્યારબાદ તેમને જરૂરી તબીબી સારવાર આપવામાં આવી. આ ઘટના બાદ ગિલ બેટિંગ કરવા પાછા ન ફરતા ચિંતા વધી ગઈ હતી.

દુખાવાથી તડપતા જોવા મળ્યો શુભમન ગિલ

નેટ્સમાં ભારતીય કેપ્ટન મોહમ્મદ સિરાજનો સામનો કરતી વખતે, 'ગુડ લેન્થ' પર આવેલા એક ઝડપી બોલને કારણે તેમની જમણી કોણી પર ઈજા થઈ. પીડાથી તડપતો તેઓ તરત જ પાછળ હટી ગયા અને ફિઝિયોથેરાપિસ્ટે તેમની સારવાર કરી. કોણી પકડીને બેસી રહેલા તેમની પીડામાં વધારો થયો. ભારતીય સપોર્ટ સ્ટાફે તેમના હાથ પર પાટો બાંધ્યો અને બાકીની ટ્રેનિંગ સેશન રિકવરી કરવામાં વિતાવ્યું; તે ફરીથી બેટિંગ કરવા માટે પાછા ફર્યો નહીં.

છેલ્લી સિરીઝ પહેલા પણ થઇ હતી ઇજા

ગિલ પાસે ઈજામાંથી સાજા થવા માટે 24 કલાકથી વધુનો સમય છે. ભારત માટેની તેની અગાઉની શ્રેણીની શરૂઆત પણ ઈજા સાથે જ થઈ હતી. ગયા મહિને શ્રીલંકામાં નેટ્સમાં બેટિંગ કરતી વખતે તેની હાથની રિંગ ફિંગરમાં ઈજા થવાથી તે થોડા સમય માટે બહાર થઈ ગયો હતો, પરંતુ તે સમયસર સાજો થઈ ગયો અને બે ટેસ્ટની સંપૂર્ણ સિરીઝ રમ્યો હતો.

જોકે, હવે સવાલ એ છે કે જો ગિલની ઈજા જરા પણ ગંભીર હોય, તો શું ટીમ મેનેજમેન્ટ તેને મેદાનમાં ઉતારવાનું જોખમ લેશે? 2027ના વર્લ્ડ કપને ધ્યાનમાં લેતા, આવો નિર્ણય ઘણો જોખમી સાબિત થઈ શકે છે. આવી સ્થિતિમાં, જો ટીમ વેસ્ટ ઈન્ડિઝ સામેની પ્રથમ વન-ડે મેચ માટે ગિલને આરામ આપવાનું વિચારે, તો કેપ્ટનપદ કોણ સંભાળશે?

શુભમન ગિલ થયો બહાર તો કોણ કરશે કેપ્ટનશી?

જો ઈજાને કારણે શુભમન ગિલ પ્રથમ વન-ડે મેચમાંથી બહાર થઈ જાય, તો તેમની ગેરહાજરીમાં ટીમના વાઈસ-કેપ્ટન કે.એલ. રાહુલ ટીમનું નેતૃત્વ સંભાળી શકે છે. તાજેતરના સમયમાં રાહુલનું વન-ડે ક્રિકેટમાં કદ નોંધપાત્ર રીતે વધ્યું છે; તેઓ મધ્યમ ક્રમની જવાબદારી સંભાળવાની સાથે વિકેટકીપરની ભૂમિકા પણ ભજવે છે. તેમની પાસે કેપ્ટનશીપનો પણ સારો એવો અનુભવ છે.

આ પણ વાંચોઃ ના હોય! એશિયન ગેમ્સમાં ક્રિકેટ ટીમમાં એક જ નામના 7 ખેલાડી, સૌ કોઈ હેરાન

કે.એલ. રાહુલે 15 વન-ડે મેચોમાં ભારતનું નેતૃત્વ કર્યું છે, ટીમ ઈન્ડિયાએ તેમાંથી 10 મેચ જીતી છે અને 5 માં હારનો સામનો કર્યો છે. ગિલ બહાર થઈ જતાં, એ સ્પષ્ટ છે કે રોહિત શર્માના ઓપનિંગ પાર્ટનરમાં પણ ફેરફાર થશે. આવી સ્થિતિમાં, 'હિટમેન'ની સાથે યશસ્વી જયસ્વાલ ઇનિંગ્સની શરૂઆત કરતા જોવા મળી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ