ટેક્નોલોજી / શું તમારા ફોનની પણ બેટરી ઝડપથી ઉતરી જાય છે? તો ફોનમાં બદલો આ સેટિંગ્સ

લોકોને ઘણીવાર મોબાઇલ ફોનની બેટરી અંગે ફરિયાદો રહે છે, અને ફોન જૂનો થતાં આ સમસ્યાઓ વધતી જાય છે; જૂના ફોનને દિવસમાં બે વાર ચાર્જ કરવાની પણ જરૂર પડી શકે છે. સારી વાત એ છે કે, અમુક સેટિંગ્સની મદદ કરીને, તમે રિપ્લેસમેન્ટની જરૂર વગર તમારી બેટરી લાઇફ વધારી શકો છો. આ માટે લાંબા સમય સુધી ચાલતી બેટરી કામગીરી પ્રાપ્ત કરવા માટે તમે કઈ સેટિંગ્સમાં ફેરફાર કરી શકો છો તેના વિશે જાણીએ.

આ સ્ક્રીન સાથે જોડાયેલા સેટિંગ્સને બદલો—ફોનની સ્ક્રીન બેટરી પર ઘણો લોડ પડે છે. આ સેટિંગ્સ બદલવાથી તે લોડ ઘટાડવામાં મદદ મળી શકે છે. ડિસ્પ્લેની બ્રાઇટનેસ ઘટાડીને શરૂઆત કરો. સૌથી પહેલા સ્ક્રીન ટાઇમઆઉટ સમય ઘટાડો એટલે કે ફોનનો ઉપયોગ બંધ કર્યા પછી સ્ક્રીન બંધ થવામાં કેટલો સમય લાગે છે તેને 5-10 સેકન્ડ પર સેટ કરો. તેવી જ રીતે, તમે 'ઓલવેઝ ઓન ડિસ્પ્લે' સુવિધાને ડિસેબલ કરીને બેટરી બચાવી શકો છો.

નાઇટ મોડ ઉપયોગી

તમારા ફોન પર નાઇટ મોડ અથવા ડાર્ક મોડ ઇનેબલ કરવાથી બેટરી પરનો લોડ ઓછો થઈ શકે છે. આ તમારી આંખો પર પણ ઓછી અસર કરે છે અને બેટરી પાવર બચાવવામાં મદદ કરે છે.

રિફ્રેશ રેટ ઓછો કરો

જ્યારે ઊંચો રિફ્રેશ રેટ થી સ્મૂદ વિઝ્યુઅલ્સ છે અને સોશિયલ મીડિયા દ્વારા સ્ક્રોલ કરવાનું સરળ બનાવે છે, તે વધુ પાવર વાપરે છે. તેથી, સેટિંગ્સમાં જાઓ અને રિફ્રેશ રેટને નીચા સ્તર પર સેટ કરો; આ બેટરી લાઇફ બચાવવામાં મદદ કરશે.

તમારી એપ્સ પર નજર રાખો

તમારા ફોનમાં સ્ટોર કરેલી ઘણી એપ્સ ઉપયોગમાં ન હોય ત્યારે પણ પાવર કંઝ્યૂમ કરતી રહે છે, કારણ કે તેમને બેકગ્રાઉન્ડ એક્ટિવિટી માટે ઊર્જાની જરૂર પડે છે. પરિણામે સક્રિય રીતે ઉપયોગમાં ન લેવા છતાં તેઓ બેટરી પર લોડ પડે છે. તમે તમારા ફોનની સેટિંગ્સમાં જઈને ચકાસી શકો છો કે કઈ એપ્સ સૌથી વધુ બેટરી વાપરે છે. આ ઉપરાંક ફોનથી અનયૂઝ્ડ એપ્સને અનઇન્સ્ટોલ કરવાથી બેટરી લાઇફ બચાવવામાં મદદ મળી શકે છે.

આ પણ વાંચોઃ ટ્રેનની સફર પહેલા જાણી લો લગેજ સાથે જોડાયેલા આ નિયમ, નહીંતર લાગશે દંડ

ફ્લાઇટ મોડ

જો તમે મુસાફરી કરી રહ્યા છો અથવા એવી જગ્યાએ છો જ્યાં તમને કનેક્ટિવિટીની જરૂર નથી, તો તમારા ફોનને ફ્લાઇટ મોડ પર સેટ કરો. બેટરી બચાવવાનો આ સૌથી સરળ રસ્તો છે. ફ્લાઇટ મોડ ચાલુ રાખવાથી, ફોન સતત કનેક્શન સ્ટેબલિશ કરવાનો પ્રયાસ કરશે નહીં, જેનાથી બેટરી પરનો લોડ ઓછો થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ