VIDEO / પાટણમાં પૂરપાટ ઝડપે આવતા કારચાલકે બાઈકસવારને એવો ઉડાવ્યો, કે ઘટનાસ્થળે જ નિપજ્યું મોત

પાટણ જિલ્લાના સમી નજીક હાઈવે પર પૂરપાટ ઝડપે આવી રહેલી i20 કારે બાઈકસવારને અડફેટે લેતા ગમખ્વાર અકસ્માત સર્જાયો હતો. અકસ્માતમાં બાઈકસવારને ગંભીર ઈજાઓ પહોંચતા તેનું ઘટનાસ્થળે જ મોત નીપજ્યું હતું.

બાઈક સવારનું ઘટના સ્થળે જ મોત નિપજ્યું

મળતી માહિતી મુજબ, સમી નજીક હાઈવે પરથી બાઈકસવાર પસાર થઈ રહ્યો હતો ત્યારે પૂરઝડપે આવેલી i20 કારે તેને અડફેટે લીધો હતો. અકસ્માત એટલો ગંભીર હતો કે બાઈકસવારનું ઘટનાસ્થળે જ મોત થયું હતું.

અકસ્માતની ઘટના સીસીટીવીમાં કેદ થઈ

સમગ્ર અકસ્માતની ઘટના નજીકના CCTV કેમેરામાં કેદ થઈ હોવાનું સામે આવ્યું છે. CCTV ફૂટેજના આધારે અકસ્માતની સમગ્ર ઘટનાક્રમ અંગે વધુ માહિતી મેળવવા પોલીસ દ્વારા તપાસ હાથ ધરવામાં આવી છે.

i20 કારનો ચાલક ઘટનાસ્થળેથી ફરાર થઈ ગયો

અકસમાત બાદ i20 કારનો ચાલક ઘટનાસ્થળેથી ફરાર થઈ ગયો હતો. જોકે, કાર ઘટનાસ્થળે જ મૂકીને આરોપી ફરાર થયો હોવાનું જાણવા મળ્યું છે. પોલીસે કાર કબજે કરી અકસ્માત સર્જનાર ચાલકની શોધખોળ શરૂ કરી છે.

આ પણ વાંચોઃ અમદાવાદમાં 2038ની એશિયન ગેમ્સ માટે ભારત-ગુજરાત સરકારનો OCA સમક્ષ સત્તાવાર દાવો, સ્પોર્ટ્સ એન્ક્લેવ બનશે આયોજનનું મુખ્ય કેન્દ્ર

આ બનાવને પગલે હાઈવે પર થોડા સમય માટે અફરાતફરીનો માહોલ સર્જાયો હતો. પોલીસે મૃતદેહને પોસ્ટમોર્ટમ માટે ખસેડી સમગ્ર મામલે વધુ કાર્યવાહી હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ