શરમજનક / VIDEO : નિર્દયી યુવાન, મદદે આવેલા સિક્યુરીટી ગાર્ડ અને લિફ્ટમેનને ઢીબી નાખ્યાં, વીડિયો વાયરલ

• નોઈડાની ગાલીબાજ મહિલા બાદ ગુરુગ્રામના થપ્પડબાજ પુરુષનો વીડિયો 
• લિફ્ટમાં ફસાયેલા યુવાને બહાર આવીને પિત્તો ગુમાવ્યો
• સિક્યુરીટી ગાર્ડી અને લિફ્ટમેનને માર માર્યો
• બન્ને યુવાનની મદદે આવ્યાં હતા 

નોઈડામાં સિક્યુરીટી ગાર્ડ સાથે ગાળાગાળી કરનાર મહિલાના વીડિયો બાદ હવે ગુરુગ્રામમાં પણ આવી જ એક ઘટના સામે આવી છે. ગુરુગ્રામની નિર્વાણા કન્ટ્રીની ધી ક્લોઝ ઈન સોસાયટીના 14મા માળે રહેનાર વરુણ નાથ નામનો એક યુવાન લિફ્ટમાં ફસાયો હતો. યુવાને લિફ્ટનું ઈમરજન્સી બટન દબાવ્યું હતું આથી નીચે હાજર સિક્યુરીટી ગાર્ડ અને લિફ્ટમેન તેની મદદે ઉપર દોડી આવ્યાં હતા અને યુવાનને લિફ્ટમાંથી બહાર કાઢ્યો હતો. 

#WATCH | Haryana: A resident of The Close North Apartments in Gurugram thrashed security guards after being briefly stuck in lift; FIR filed

I helped him get out of the lift within 3-4 minutes. As soon as he got out, he started beating me up: Guard Ashok Kumar

(CCTV visuals) pic.twitter.com/RDDwMQYdn8

— ANI (@ANI) August 29, 2022

 સિક્યુરીટી મેન અને લિફ્ટમેનને થપ્પડ મારી 
પોતાને બચાવનાર બન્નેનો આભાર કે ઉપકાર માનવાને બદલે યુવાને પિત્તો ગુમાવ્યો હતો અને બન્નેને ગાળો ભાંડી હતી. તેણે સિક્યુરીટી મેનને ચાર થપ્પડ મારી દીધી હતી અને ટોકવામાં આવતા લિફ્ટમેનને પણ એક થપ્પડ મારી હતી. 

સિક્યુરીટી ગાર્ડે કામ કરવાનું બંધ કર્યું 
ઘટના બાદ સોસાયટીના સિક્યુરીટી ગાર્ડે ઉગ્ર વિરોધ નોંધાવ્યો હતો અને તેમણે તેમનું કામકાજ બંધ કરી દીધું હતું. તેમણે આરોપી વરુણ નાથ સામે પોલીસ ફરિયાદ કરી છે. 

Man arrested for repeatedly slapping and hurling expletives at a security guard and a lift operator of his high-rise residential society in Haryana's Gurugram after he was trapped inside an elevator: Police

— Press Trust of India (@PTI_News) August 29, 2022

આરોપી યુવાનની ધરપકડ

ગુરુગ્રામ પોલીસે આરોપી યુવાનની ધરપકડ કરી લીધી છે. ધરપકડ બાદ પોલીસે તેને કોર્ટમાં રજૂ કરશે. 

નોઈડામાં પણ મહિલાએ સિકયુરીટી ગાર્ડને દીધી હતી ગાળો
ઉલ્લેખનીય છે કે ગુરુગ્રામની ઘટના પહેલા નોઈડાની એક સોસાયટીમાં પણ ત્યાંની રહેવાશી મહિલા સાવ નકામા કારણસર સિક્યુરીટી ગાર્ડ સાથે વિવાદમાં ઉતરી ગઈ હતી અને તેણે સિક્યુરીટી ગાર્ડ સાથે ગાળાગાળી કરી હતી. આ ઘટનાના પણ ઘેરા પ્રત્યાઘાત પડ્યાં હતા અને મહિલાની જેલની હવા ખાવાનો પણ વારો આવ્યો હતો.