બ્રેકિંગ ન્યુઝ
VTV / ગુજરાત / અમદાવાદના સમાચાર / રાજકોટની ઘટનાના પડઘા અમદાવાદમાં પડ્યા, ફનબ્લાસ્ટ ગેમિંગ ઝોનમાં ફાયર વિભાગનું ચેકિંગ
Last Updated: 09:52 AM, 26 May 2024
રાજકોટમાં ગેમિંગ ઝોનમાં આગ લાગવાનાં બનાવને લઈ અમદાવાદ ફાયર વિભાગ દ્વારા સાવચેતીનાં ભાગરૂપે અમદાવાદમાં આવેલ ફન બ્લાસ્ટ ગેમિંગ ઝોનમાં ચેકીંગ હાથ ધરવામાં આવ્યું હતું. જેમાં કોર્પોરેશનનાં ફાયર ડેપ્યુટી મ્યુનિસિપલ કમિશ્નરે મુલાકાત લીધી હતી. તેમજ ફાયર સેફ્ટીનાં સાધનોને ચેક કરાયા હતા. તેમજ રાજ્ય સરકારનાં હુકમ પ્રમાણે ફાયર સેફ્ટીનાં સાધનો ન હોય તેવા ફનઝોન બંધ રહેશે. તેમજ અમદાવાદમાં 15 થી વધુ જગ્યા ઉપર ફનઝોન આવેલા છે.
ADVERTISEMENT
ADVERTISEMENT
આ સમગ્ર બાબતે અમદાવાદ મ્યુનિસિપલ કોર્પોરેશનનાં ડેપ્યુટી કમિશ્નર વી.એમ. ઠક્કરે જણાવ્યું હતું કે, અહીંયે જે બિલ્ડીંગ ફીક્સ ફાયર ફાઈટર ઈન્સ્ટોલેશન સિસ્ટમ નાંખવામાં આવી છે. તે હાલ કાર્યરત છે કે નહી તે જાણવું જરૂરી છે. તેમજ ફાયર એનઓસી પણ છે. સ્મોક ડિટેક્શન સિસ્ટમ ચાલુ હાલતમાં છે કે નહી તે. તેમજ ફાયરની સિસ્ટમ છે તે ચાલુ હાલતમાં છે તેમજ તેમાં પાણી આવે છે કે નહી તે તમામ ચેકીંગ હાથ ધરાયું.
વધુ વાંચોઃ ગેમઝોન દુર્ઘટનામાં અત્યાર સુધીમાં 33 મૃતદેહ મળી આવ્યા, હજુ પણ મૃત્યુઆંક વધવાની શક્યતા
તેમજ આગ લાગે ત્યારે ઈમરજન્સી એક્ઝીટ કેટલા છે તેમજ લોકોને ઝડપી બહાર કેવી રીતે કાઢી શકાય તે તમામ મુદ્દાઓની તપાસ કરવામાં આવશે. તેમજ રાજકોટમાં ઘટનાં ગત રોજ બની. પરંતું તે પહેલા અમદાવાદમાં ગોતામાં ફન બ્લાસ્ટમાં પહેલા એક વખત આગ લાગી ચૂકી હતી. તેમજ તાજેતરમાં જ ટીઆરપી મોલમાં આગ લાગી હતી. જેને લઈ અમદાવાદ મ્યુનિસિપલ કોર્પોરેશન દ્વારા સતર્કતા રાખી ચેકીંગ હાથ ધરવામાં આવ્યું છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.