IPL 2024 / 'અમે સૌથી બેસ્ટ ટીમમાંથી એક...' વર્લ્ડ કપ પહેલા પેટ કમિન્સે ઓસ્ટ્રેલિયન ટીમને લઈને કહી આ વાત

IPL 2024 તેના અંતિમ ચરણ પર પહોંચી ગયું છે અને હવે ફક્ત ફાઇનલ મેચ બકાઈ રહી છે. કોલકાતા નાઈટ રાઈડર્સ બાદ સનરાઈઝર્સ હૈદરાબાદ આઈપીએલની ફાઇનલમાં પ્રવેશી છે. કેપ્ટન પેટ કમિન્સના નેતૃત્વ હેઠળ SRH એ રાજસ્થાન રોયલ્સને બીજા ક્વોલિફાયરમાં 36 રનથી હરાવ્યું. એવામાં હવે ટીમને ફાઇનલમાં લઈ ગયા બાદ પેટ કમિન્સે ઓસ્ટ્રેલીયાની ટીમને લઈને મોટું નિવેદન આપ્યું હતું.

અમારી ટીમ બેસ્ટ ટીમોમાંની એક છે

કમિન્સને પૂછવામાં આવ્યું હતું કે શું તેની ટીમ ફેવરિટ ટીમોમાંની એક છે. આના પર કમિન્સ કહે છે કે તેને નથી લાગતું કે એમની ટીમ ફેવરિટ છે પણ અમારી ટીમ બેસ્ટ ટીમોમાંની એક છે. અમે સારા ફોર્મમાં છીએ અને અમારી પાસે કેટલાક ખૂબ જ અનુભવી ખેલાડીઓ છે.

ગઇ સિઝનમાં SRH પોઈન્ટ ટેબલમાં તળિયે હતું

જાણીતું છે કે આઈપીએલમાં પોતાની પ્રથમ સિઝનમાં કેપ્ટનશીપ કરી રહેલા પેટ કમિન્સે આવતાની સાથે જ પોતાની પ્રતિભા બતાવી દીધી છે. ગઇ સિઝનમાં SRH પોઈન્ટ ટેબલમાં તળિયે લટકતું હતું, પરંતુ વર્લ્ડ કપ વિજેતા કેપ્ટન પેટ કમિન્સના આગમન સાથે, SRH એ જબરદસ્ત ટર્નઅરાઉન્ડ કર્યું હતું. IPL 2024 પ્લેઓફમાં KKR સામે પ્રથમ ક્વોલિફાયર હાર્યા બાદ હૈદરાબાદે જબરદસ્ત પુનરાગમન કર્યું. રાજસ્થાન રોયલ્સ (SRH vs RR) સામે ટોસ હાર્યા બાદ, SRHને પ્રથમ બેટિંગ માટે આમંત્રણ આપવામાં આવ્યું હતું. એક સમયે હૈદરાબાદ 6 વિકેટે 120 રન પર હતું પરંતુ હેનરિક ક્લાસેનની અને શાહબાઝ અહેમદના યોગદાનને કારણે હૈદરાબાદે 175/9નો સ્કોર બનાવી શકી હતી.

વધુ વાંચો: T20 વર્લ્ડકપ સ્ક્વૉડમાં સામેલ કેટલા ભારતીય ખેલાડીઓ બનશે IPL નો હિસ્સો? આ રહ્યું લિસ્ટ

પેટ કમિન્સે મેચ બાદ કહ્યું કે ટીમના ખેલાડીઓ સમગ્ર સિઝનમાં શાનદાર રહ્યા છે. જેમ તમે જોઈ શકો છો, ટીમ ઘણી જોશમાં છે અને સિઝનની શરૂઆતમાં જ ફાઈનલમાં પહોંચવું અમારું લક્ષ્ય હતું અને અમે તેને હાંસલ કર્યું. અમે જાણતા હતા કે અમારી તાકાત અમારી બેટિંગ છે. આ પછી પેટ કમિન્સે પણ પોતાની ટીમના બોલરોના વખાણ કર્યા હતા. રાજસ્થાન રોયલ્સ સામે સનરાઈઝર્સ હૈદરાબાદના બોલરોની ભૂમિકા ઘણી મહત્વની રહી હતી.