એલર્ટ / 'રેમલ' વાવાઝોડું આજે રાત્રે પશ્ચિમ બંગાળમાં ટકરાય તેવી શક્યતા, IMDનું રેડ એલર્ટ જાહેર

Remal cyclone : Remal cycloneને લઈ મોટી અપડેટ સામે આવી છે. વાત જાણે એમ છે કે, બંગાળની ખાડી પરનું ડીપ ડિપ્રેશન હવે ચક્રવાતી તોફાન 'Remal'માં પરિવર્તિત થયું છે. તે આજે મધ્યરાત્રિએ પશ્ચિમ બંગાળના સાગર દ્વીપ અને બાંગ્લાદેશના ખેપુપારા વચ્ચેના દરિયાકાંઠે ત્રાટકવાની શક્યતા છે. ભારતીય હવામાન વિભાગ (IMD) એ આ માહિતી આપી છે કે, આ પ્રી-મોનસૂન સીઝનમાં બંગાળની ખાડીમાં આ પહેલું ચક્રવાતી તોફાન છે.

શનિવારે સાંજે 7:50 કલાકે ભારતીય હવામાન વિભાગ દ્વારા બહાર પાડવામાં આવેલી નવીનતમ માહિતી અનુસાર પૂર્વ-મધ્ય બંગાળની ખાડી પરનું ડીપ ડિપ્રેશન ચક્રવાતી તોફાન 'Remal'માં પરિવર્તિત થયું છે અને ખેપુપારાથી લગભગ 360 કિલોમીટર દક્ષિણ-દક્ષિણપૂર્વમાં અને સાગર ટાપુના 350 કિલોમીટર દક્ષિણ-દક્ષિણપૂર્વમાં કેન્દ્રિત છે. ચક્રવાતની ચેતવણીને કારણે દક્ષિણ 24 પરગણાના સિયાલદાહ અને નમખાના, ઉત્તર 24 પરગણાના કાકદ્વિપ, સિયાલદાહ-હસ્નાબાદ વચ્ચેની કેટલીક સ્થાનિક ઉપનગરીય ટ્રેન સેવાઓ રવિવાર મધ્યરાત્રિથી સોમવારે સવારની વચ્ચે રદ કરવામાં આવી છે.

અહીં પડી શકે છે ભારે વરસાદ

હવામાન કચેરીએ પશ્ચિમ બંગાળ અને ઉત્તર ઓડિશાના દરિયાકાંઠાના જિલ્લાઓમાં 26-27 મેના રોજ ભારે વરસાદની ચેતવણી આપી છે. પૂર્વોત્તર ભારતના કેટલાક ભાગોમાં 27-28 મેના રોજ પણ ભારે વરસાદ પડી શકે છે. જ્યારે વાવાઝોડું દરિયાકાંઠે ટકરાશે ત્યારે 1.5 મીટર સુધીની તોફાની લહેર ઉભી થઈ શકે છે જેના કારણે દરિયાકાંઠાના પશ્ચિમ બંગાળ અને બાંગ્લાદેશના નીચાણવાળા વિસ્તારોમાં પૂરની સંભાવના છે.

રવિવાર બપોરથી 21 કલાક માટે ફ્લાઇટ ઓપરેશન સ્થગિત

કોલકાતા એરપોર્ટ સત્તાવાળાઓએ ચક્રવાત રામલની સંભવિત અસરને ધ્યાનમાં રાખીને રવિવાર બપોરથી 21 કલાક માટે ફ્લાઇટ ઓપરેશન સ્થગિત કરવાનો નિર્ણય લીધો છે. એરપોર્ટ ઓથોરિટી ઓફ ઈન્ડિયા (AAI) ના પ્રવક્તાએ પીટીઆઈને જણાવ્યું હતું કે ફ્લાઇટ સસ્પેન્શન સમયગાળા દરમિયાન આંતરરાષ્ટ્રીય અને સ્થાનિક એમ બંને રીતે આગમન અને પ્રસ્થાન સાથે કુલ 394 ફ્લાઈટ્સ એરપોર્ટ પર અને ત્યાંથી ઓપરેટ થશે નહીં.

26-27 મે માટે રેડ એલર્ટ

હવામાન કચેરીએ માછીમારોને 27 મેની સવાર સુધી ઉત્તર બંગાળની ખાડીમાં દરિયામાં ન જવાની સલાહ આપી છે. પશ્ચિમ બંગાળના દક્ષિણ અને ઉત્તર 24 પરગણા જેવા દરિયાકાંઠાના જિલ્લાઓમાં 26-27 મે માટે રેડ એલર્ટ જારી કરવામાં આવ્યું છે, જ્યાં કેટલાક વિસ્તારોમાં ભારે વરસાદની અપેક્ષા છે. આ સિવાય કોલકાતા, હાવડા, નાદિયા અને પૂર્વ મેદિનીપુર જિલ્લામાં 26-27 મે માટે ઓરેન્જ એલર્ટ જારી કરવામાં આવ્યું છે, જ્યાં પ્રતિ કલાક 80 થી 90 કિલોમીટરની ઝડપે પવન ફૂંકાવાની અને ભારેથી અતિ ભારે વરસાદની શક્યતા છે. કેટલાક સ્થળોએ ચેતવણી આપવામાં આવી છે.

વધુ વાંચો : દિલ્હીની ચિલ્ડ્રન હોસ્પિટલમાં ‘અગ્નિકાંડ’, 6 નવજાત બાળકોના મોત, 5ની હાલત ગંભીર

ઉત્તર ઓડિશામાં, બાલાસોર, ભદ્રક અને કેન્દ્રપારાના દરિયાકાંઠાના જિલ્લાઓમાં 26-27 મેના રોજ ભારે વરસાદ પડશે, જ્યારે મયુરભંજમાં 27 મેના રોજ ભારે વરસાદ થવાની સંભાવના છે. હવામાન વિભાગે પશ્ચિમ બંગાળના દક્ષિણ અને ઉત્તર 24 પરગણા જિલ્લાઓમાં સંવેદનશીલ ઇમારતો, પાવર અને કમ્યુનિકેશન લાઇન, પાકા રસ્તાઓ, પાક અને બગીચાઓને નોંધપાત્ર નુકસાનની ચેતવણી આપી છે. અસરગ્રસ્ત વિસ્તારોના લોકોને ઘરની અંદર રહેવાની સલાહ આપવામાં આવી છે.