પોલીસી / LICની સારી સ્કીમ બંધ થવાનું કારણ શું! લાખો આપવાની ગેરંટી વચ્ચે પોલિસી સરેન્ડર, જાણી લેજો નિયમ

દેશની સૌથી મોટી વીમા કંપની એલઆઈસીએ તેની એક મોટી પોલિસી પાછી ખેંચી લીધી છે. આ પોલિસી વીમાદાતાને લાખો રૂપિયાનો નફો આપતી હતી. તે એક એવી બિન-સંલગ્ન, બિન-સહભાગી, વ્યક્તિગત બચત જીવન વીમા યોજના હતી, જે સુરક્ષા અને બચત બન્નેનો લાભ આપતી હતી. ઉપરાંત, તે પરિપક્વતા પર વીમાદાતાને એક સામટી ગેરંટી રકમ પૂરી પાડતી હતી.

ગત 1 એપ્રિલે બંધ કરવામાં આવી

અમે ભારતીય જીવન વીમા નિગમ (એલઆઈસી) ની ધન વૃદ્ધિ યોજના વિશે વાત કરી રહ્યા છીએ જે સૌપ્રથમ 23 જૂન 2023 માં શરૂ કરવામાં આવી હતી અને પછી સપ્ટેમ્બરમાં બંધ કરવામાં આવી હતી. આ યોજના આ વર્ષે ફેબ્રુઆરીમાં ફરી શરૂ કરવામાં આવી હતી અને 1 એપ્રિલથી બંધ કરવામાં આવી છે. એલઆઈસી ધન વૃદ્ધિ યોજના પોલિસીની મુદતની અંદર પોલિસીધારકના અકાળે મૃત્યુના કિસ્સામાં પોલિસીધારકના પરિવારને નાણાકીય સુરક્ષા પૂરી પાડતી યોજના હતી .

10,15 અને 18 વર્ષના સમયગાળા માટે શરૂ કરવામાં આવી હતી

આ એક એવી યોજના હતી જે સુનિશ્ચિત કરતી હતી કે પરિવારને પડકારજનક સમયમાં જરૂરી નાણાકીય સહાય મળે, જેનાથી ભવિષ્ય માટે સુરક્ષા અને સ્થિરતા જળવાઈ રહે. એલઆઈસીની આ યોજના 10,15 કે 18 વર્ષના સમયગાળા માટે શરૂ કરવામાં આવી હતી. આ યોજનામાં રોકાણની ઉંમર પસંદ કરેલા સમયગાળાના આધારે 90 દિવસથી 8 વર્ષ રાખવામાં આવી હતી. આ યોજના હેઠળ બેઝિક સમ એશ્યોર્ડ 1.25 લાખ રૂપિયા હતી, જેમાં 5000 રૂપિયાના ગુણાકારનો વિકલ્પ આપવામાં આવ્યો હતો.

આ પણ વાંચોઃ શું વોટર આઇડીકાર્ડ વિના પણ તમે વોટ આપી શકો? હા, એ કેવી રીતે? જાણો વિગત

LIC ધન વૃદ્ધિ પ્લાનની વિશેષતાઓ

આ પૉલિસી જીવન વીમા સિંગલ-પ્રીમિયમ પૉલિસી હતી., જે પૉલિસીની મુદત દરમિયાન બચત અને સુરક્ષાનું સંયોજન પ્રદાન કરતી હતી. લાઇફ ઇન્શ્યોરન્સ ઑફ ઇન્ડિયાની વેબસાઇટ અનુસાર, આ પૉલિસી રૂ. 1,000 વીમા રકમ દીઠ રૂ. 75 સુધીની વધારાની ગેરંટી આપતી યોજના હતી. . પોલિસીધારક કલમ 80-C હેઠળ કર મુક્તિ માટે પાત્ર હતો.. મતલબ કે આ પોલિસી ખરીદનારા વીમા ધારકોને 1.5 લાખ રૂપિયા સુધીની છૂટ મળી શકતી હતી.. પોલિસીધારક પોલિસીની મુદત દરમિયાન કોઈપણ સમયે સરન્ડર કરી શકે તેવી જોગવાઇ હતી.