ન્યૂઝ અપડેટ્સ
ન્યૂઝ અપડેટ્સ
VTV / વિશ્વ / એવરેસ્ટના ક્લાઇમ્બિંગ પરમિટથી 2026માં નેપાળને ₹100 કરોડથી વધુની આવક, પર્વતીય પ્રવાસન બન્યું કમાણીનું મોટું સાધન
5 ફોટો ગેલેરી
Last Updated: 03:02 PM, 27 August 2026
FOLLOW ON
શેર કરો
1/5
વિશ્વનું સર્વોચ્ચ શિખર માઉન્ટ એવરેસ્ટ હંમેશાં સાહસ-પ્રેમીઓને આકર્ષતું રહ્યું છે. નેપાળ માટે તે માત્ર એક પર્વત નથી, પરંતુ રાષ્ટ્રીય અર્થતંત્રને ગતિ આપનાર મુખ્ય પરિબળ છે. આ દેશ તેના પર્વતોની સુંદરતા દ્વારા વાર્ષિક અબજો રૂપિયાની કમાણી કરે છે અને પ્રવાસન ઉદ્યોગ તેની કરોડરજ્જુ બની ગયો છે. 2025 અને 2026ના આંકડા સ્પષ્ટપણે દર્શાવે છે કે, નેપાળનું પ્રવાસન ક્ષેત્ર સતત નવી ઊંચાઈઓ સર કરી રહ્યું છે.
આ તસવીર શેર કરો
2/5
સમગ્ર વિશ્વના લોકો નેપાળના પર્વતો સર કરવાનું સ્વપ્ન જુએ છે. માત્ર માઉન્ટ એવરેસ્ટથી થતી આવકના આંકડા ચોંકાવનારા છે. વર્ષ 2026ની વસંતઋતુની પર્વતારોહણની મોસમ દરમિયાન, નેપાળે માત્ર એવરેસ્ટ પરમિટ દ્વારા સાત મિલિયન ડોલરથી વધુની વિક્રમી આવક મેળવી હતી. આ સમયગાળા દરમિયાન સરકાર દ્વારા લગભગ 494 પરમિટો જારી કરવામાં આવી હતી. પર્વતીય પ્રવાસન ક્ષેત્રનો પણ ઝડપથી વિસ્તાર થઈ રહ્યો છે. વર્ષ 2025માં, પર્વતારોહણમાંથી સરકારને મળેલી રોયલ્ટીની આવક લગભગ 1.26 અબજ નેપાળી રૂપિયા હતી. જે અગાઉના વર્ષની સરખામણીમાં 36.4 ટકાનો નોંધપાત્ર વધારો દર્શાવે છે.
આ તસવીર શેર કરો
ADVERTISEMENT
3/5
નેપાળની મુલાકાત લેનારાઓમાં વિદેશીઓનો હિસ્સો સૌથી મોટો છે. વર્ષ 2025માં આશરે 11.62 લાખ વિદેશી પ્રવાસીઓએ દેશની મુલાકાત લીધી હતી, જે 2024 ની સરખામણીમાં 1.3 ટકાનો વધારો દર્શાવે છે. નોંધનીય છે કે નેપાળના પ્રવાસન બજારમાં ભારતનો હિસ્સો સૌથી મોટો છે. 2025માં કુલ વિદેશી પ્રવાસીઓમાંથી લગભગ 25 ટકા ભારતીયો હતા અને આશરે 2.92 લાખ ભારતીયોએ દેશની મુલાકાત લીધી હતી. ભારત ઉપરાંત, યુનાઇટેડ સ્ટેટ્સ, ચીન, યુકે અને બાંગ્લાદેશ પણ નેપાળ માટે પ્રવાસીઓના મુખ્ય સ્ત્રોત-બજારો સાબિત થઈ રહ્યા છે.
આ તસવીર શેર કરો
4/5
પ્રવાસન આવકની દ્રષ્ટિએ, નેપાળે 2025માં અંદાજે 87.37 અબજ નેપાળી રૂપિયાની કમાણી કરી હતી. જે આંકડો અગાઉના વર્ષની સરખામણીમાં 4.77 ટકાનો વધારો દર્શાવે છે. જોકે, એક રસપ્રદ વલણ જોવા મળ્યું છે. નેપાળમાં પ્રવાસીઓના રોકાણનો સરેરાશ સમયગાળો 13.3 દિવસથી વધીને 16.34 દિવસ થયો છે. તેની સામે, તેમનો સરેરાશ દૈનિક ખર્ચ ઘટ્યો છે, જે 40.84 ડોલરથી ઘટીને 33.09 ડોલર પર આવી ગયો છે. બીજા શબ્દોમાં કહીએ તો, લોકો વધુ સમય રોકાઈ રહ્યા છે પરંતુ ખર્ચ ઓછો કરી રહ્યા છે.
આ તસવીર શેર કરો
ADVERTISEMENT
5/5
વિદેશી પર્યટનની સાથે સાથે નેપાળના સ્થાનિક પર્યટન ક્ષેત્રનો પણ ઝડપથી વિકાસ થઈ રહ્યો છે. નેપાળના 2025ના સ્થાનિક પર્યટન સર્વેક્ષણનો અહેવાલ દર્શાવે છે કે સ્થાનિક પર્યટને દેશના જીડીપી (GDP)માં 2.65 ટકાનું નોંધપાત્ર યોગદાન આપ્યું છે. પર્યટકોની આટલી મોટી સંખ્યાને આવકારવા માટે નેપાળે તેના ઇન્ફ્રાસ્ટ્રક્ચરને પણ મજબૂત બનાવે છે. વર્ષ 2025ના આંકડા મુજબ, નેપાળમાં 222 સ્ટાર-રેટેડ હોટલો આવેલી છે. આ ઉપરાંત, પ્રવાસીઓની સુવિધા માટે 5,099 ટ્રાવેલ એજન્સીઓ અને 3,332 ટ્રેકિંગ એજન્સીઓ સક્રિયપણે કાર્યરત છે. નેપાળનું પ્રવાસન માળખું હવે પહેલાં કરતાં વધુ સુવ્યવસ્થિત બન્યું છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
