મોટી દુર્ઘટના / ગરીબ રથ ટ્રેનમાં આગ લાગતા અફરાતફરીનો માહોલ, કારણ ચોંકાવનારું

Garib Rath Express Train : આજે સવારે પંજાબના સરહિંદ રેલ્વે સ્ટેશન પર એક મોટી દુર્ઘટના ટળી ગઈ જ્યારે અમૃતસર-સહરસા ગરીબ રથ એક્સપ્રેસ (ટ્રેન નંબર 12204)ના એક કોચમાં અચાનક આગ ભભૂકી ઉઠી. ઘટના સવારે લગભગ 7:30 વાગ્યે બની હતી, ત્યારે ટ્રેન સ્ટેશન પર ઉભી હતી.

પ્રાથમિક વિગતો મુજબ મુસાફરો અને રેલ્વે કર્મચારીઓએ કોચમાંથી ઉઠતો ધુમાડો જોતા જ તરત રિપોર્ટ કર્યો અને રેલ્વે અધિકારીઓએ તાત્કાલિક પગલાં લીધાં. આ તરફ કોચમાં રહેલા મુસાફરોને સુરક્ષિત રીતે બહાર કાઢી અન્ય કોચોમાં ખસેડવામાં આવ્યા.

ઝડપી કામગીરીથી ટળી મોટી દુર્ઘટના

આ તરફ આગ લાગવાની જાણ થતાં જ રેલ્વે ફાયર યુનિટ અને સ્થાનિક ફાયર વિભાગ તાત્કાલિક ઘટનાસ્થળે પહોંચ્યા અને આગ પર ઝડપથી કાબૂ મેળવ્યો. આગ ક્યાંથી લાગી તે અંગે હજુ સુધી સત્તાવાર વિગતો જાહેર કરવામાં આવી નથી, પરંતુ આગથી કોઈ જાનહાનિ કે ઈજાની ખબર નથી, જે રાહતદાયક સમાચાર છે.

આ પણ વાંચો : આઝાદીના 78 વર્ષ બાદ પ્રથમવાર ભારતીય વાયુસેના આવું કરશે, જાણીને ગર્વ થશે

શું કહ્યું અધિકારીઓએ ?

ટ્રેન વિભાગના એક અધિકારીએ જણાવ્યું છે કે, ઘટના સમયે રેલ્વે સ્ટાફે સૂચિત રીતે કામગીરી કરી. સમયસર કાર્યવાહીના કારણે કોઇ મોટી દુર્ઘટના થઈ નથી. તમામ મુસાફરો સુરક્ષિત છે. આગ સંપૂર્ણ કાબૂમાં છે અને ટ્રેન ટૂંક સમયમાં તેના ગંતવ્ય માટે રવાના થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ