દિલ્હી બ્લાસ્ટ / દિલ્હી બ્લાસ્ટ પહેલાં આતંકી ઉમરનો વીડિયો, ફરાટેદાર અંગ્રેજીમાં સુસાઈડ બોમ્બિંગને યોગ્ય ગણાવ્યું

Delhi Red Fort Car Blast Case: દિલ્હી કાર બોમ્બ બ્લાસ્ટ કેસમાં તપાસ એજન્સીઓને વધુ મહત્ત્વપૂર્ણ પુરાવા મળી આવ્યા છે. બ્લાસ્ટના મુખ્ય આરોપી અને જમ્મુ-કાશ્મીરના આતંકવાદી ડૉ. ઉમરનો એક નવો વીડિયો સામે આવ્યો છે. આ વીડિયોએ આ કેસને વધુ ગંભીર બનાવી દીધો છે, કારણ કે તેમાં ઉમર સ્પષ્ટ રીતે આત્મઘાતી બોમ્બ વિસ્ફોટની હિમાયત કરતો દેખાઈ રહ્યો છે.

સૂત્રોના જણાવ્યા અનુસાર, આ વીડિયો ઉમરે બ્લાસ્ટ પહેલા પોતે રોકોર્ડ કર્યો હતો. તપાસ ટીમનું માનવું છે કે આ વીડિયો ઉમરની વિચારસરણી, યોજનાઓ અને કટ્ટરપંથી વિચારધારાને દર્શાવે કરે છે. આનાથી એવા સંકેત પણ મળ્યા છે કે તે લાંભા સમયથી આ પ્રકારના હુમલાની તૈયારી કરી રહ્યો હતો.

વીડિયોમાં, ઉમર કહી રહ્યો છે, "સૌથી મોટી ભૂલ એ છે કે લોકો એ સમજી જ નથી શકતા કે લિબ્રોસિસ બોમ્બમારો (અથવા તો આત્મઘાતી બોમ્બ બ્લાસ્ટ જેવો વિચાર) ખરેખર શું હોય છે. તે કોઈ પણ રીતે લોકશાહી નથી અને ન તો કોઈ સભ્ય સમાજમાં સ્વીકાર કરી શકાય છે. તેની સામે ઘણા વિરોધાભાસ અને અસંખ્ય દલીલો ઉપલબ્ધ છે."

આ પણ વાંચો: અલ ફલાહ ટ્રસ્ટ પર તપાસ એજન્સીઓનું મોટું એક્શન, દિલ્હીથી ફરીદાબાદ સુધી દરોડા

ઉમર વીડિયોમાં આગળ કહે છે, "આત્મઘાતી હુમલાઓ સાથેનો સૌથી મોટો મુદ્દો એ છે કે જ્યારે કોઈ વ્યક્તિ એ માની લે છે કે તે કોઈ ચોક્કસ સમયે અને સ્થળ પર નિશ્ચિત રીતે મરવા જઈ રહ્યો છે તો એ એક ખતરનાક માનસિકતામાં પ્રવેશ કરી લે છે. તેઓ પોતાને એવી સ્થિતિમાં મૂકે છે જ્યાં તેઓ માની લે છે કે મૃત્યુ જ તેની એકમાત્ર મંજિલ છે." તેણે આગળ કહ્યું, "પરંતુ વાસ્તવિકતા એ છે કે કોઈ પણ લોકશાહી અને માનવીય વ્યવસ્થામાં આવા વિચાર કે આવી સ્થિતિને સ્વીકાર કરી શકાતી નથી, કારણ કે આ જીવન, સમાજ અને કાયદાના મૂળભૂત સિદ્ધાંતોની વિરુદ્ધ છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ