દિલ્હી બ્લાસ્ટ / અલ ફલાહ ટ્રસ્ટ પર તપાસ એજન્સીઓનું મોટું એક્શન, દિલ્હીથી ફરીદાબાદ સુધી દરોડા

Vidhata Gothi

Last Updated: 08:49 AM, 18 November 2025

FOLLOW ON

શેર કરો

Delhi Car Blast Case: દિલ્હી બ્લાસ્ટ કેસમાં તપાસ એજન્સીઓએ અલ ફલાહ ટ્રસ્ટ પર મોટી કાર્યવાહી શરૂ કરી છે. EDએ દિલ્હીથી ફરીદાબાદ સુધી અલ-ફલાહ ટ્રસ્ટ સાથે જોડાયેલા સ્થળો પર દરોડા પાડ્યા.

ED Raids at Al Falah Trust: દિલ્હી બ્લાસ્ટ કેસમાં તપાસ એજન્સીઓએ મોટી કાર્યવાહી કરી છે. એન્ફોર્સમેન્ટ ડિરેક્ટોરેટ (ED) એ મંગળવારે સવારે દિલ્હીના ઓખલા વિસ્તારમાં અલ-ફલાહ ટ્રસ્ટ અને ફરીદાબાદમાં અલ-ફલાહ નિવર્સિટી સાથે જોડાયેલા અનેક સ્થળોએ મોટા પાયે દરોડા પાડ્યા. આ દરોડા મની લોન્ડરિંગ (PMLA) કેસના સંદર્ભમાં કરવામાં આવી રહ્યા છે જેમાં યુનિવર્સિટી અને તેના માલિકો અને સંચાલકો પર ગંભીર નાણાકીય ગેરરીતિઓનો આરોપ છે.

#WATCH | Delhi | The Enforcement Directorate is conducting searches in the Al Falah University case involving its trustees, related persons, and entities since 5 am today. The raids are being conducted at 25 locations across Delhi and other places: Sources

(Visuals from Shaheen… pic.twitter.com/TYBg9rI1pe
— ANI (@ANI) November 18, 2025

સૂત્રોના જણાવ્યા અનુસાર, EDએ 25 સ્થળોએ એક સાથે દરોડા પાડ્યા હતા, જેમાં ઓખલામાં અલ-ફલાહ ટ્રસ્ટનું મુખ્યાલય, યુનિવર્સિટી કેમ્પસ અને તેના સંચાલકોના ખાનગી રહેઠાણો સામેલ છે. દિલ્હીના જામિયા નગર, ઓખલા વિહાર અને ફરીદાબાદમાં સેક્ટર 22ના કેમ્પસમાં સવારથી જ EDની ટીમો તૈનાત છે. સાથે જ EDએ નાણાકીય ગેરરીતિઓ માટે અલ-ફલાહ અને તેના માલિકો સામે PMLAનો કેસ દાખલ કર્યો છે.

#WATCH | Delhi | The Enforcement Directorate is conducting searches in the Al Falah University case involving its trustees, related persons, and entities since 5 am today. The raids are being conducted at 25 locations across Delhi and other places: Sources

(Visuals from Okhla) pic.twitter.com/HMndN1duCg
— ANI (@ANI) November 18, 2025

અનેક સ્થળોએ દરોડા

સૂત્રોના જણાવ્યા અનુસાર, ED ટીમે દસ્તાવેજો, બેંક એકાઉન્ટની વિગતો, લેપટોપ, મોબાઇલ ફોન અને અન્ય ડિજિટલ ડિવાઇસ જપ્ત કરી લીધા છે. દરોડા હજુ ચાલુ છે, અને સાંજ સુધીમાં વધુ સ્થળોએ દરોડા પાડવામાં આવે તેવી સંભાવના છે.