તમારા કામનું / ધોરણ 12 પાસ માટે 69,000ના પગારવાળી સરકારી નોકરીની મોટી તક, ફટાફટ એપ્લાય કરી દો

જો તમે પણ સરકારી નોકરી કરવાનું સપનું જોઈ રહ્યા છો તો દિલ્હીમાં સરકારી નોકરી મેળવવાનો સારો મોકો મળી રહ્યો છે. DSSSB ફોરેસ્ટ ગાર્ડ ભરતી 2025 અંતર્ગત 12 પાસ યુવાનો માટે કુલ 52 જગ્યાઓ ખાલી છે.

પસંદ થયેલા ઉમેદવારોને 21,700 થી લઈને 69,100 રૂપિયા સુધીનો પગાર મળશે. રસ ધરાવતા ઉમેદવારો 16 સપ્ટેમ્બર 2025 સુધી dsssb.delhi.gov.in પર ઓનલાઇન અરજી કરી શકે છે. આ ભરતી ખાસ કરીને એવા ઉમેદવારો માટે છે જે 12 પાસ છે અને પ્રકૃતિ તેમજ જંગલોની સુરક્ષામાં યોગદાન આપવા માંગે છે.

અરજીની તારીખો

ઓફિશિયલ નોટિસ અનુસાર આ ભરતીની ઓનલાઇન અરજી પ્રક્રિયા 18 ઓગસ્ટ 2025થી શરૂ થઈ ગઈ છે અને 16 સપ્ટેમ્બર 2025 સુધી ચાલુ રહેશે. રસ ધરાવતા ઉમેદવારો DSSSBની અધિકૃત વેબસાઇટ dsssb.delhi.gov.in પર જઈને અરજી કરી શકે છે.

જગ્યાઓની વિગતો

આ ભરતી હેઠળ કુલ 52 જગ્યાઓ ભરાશે:

• સામાન્ય વર્ગ (General): 19 જગ્યા
• અન્ય પછાત વર્ગ (OBC): 18 જગ્યા
• અનુસૂચિત જાતિ (SC): 6 જગ્યા
• અનુસૂચિત જનજાતિ (ST): 5 જગ્યા
• આર્થિક રીતે નબળો વર્ગ (EWS): 4 જગ્યા

શૈક્ષણિક લાયકાત અને વય મર્યાદા

ઉમેદવારનું 12 પાસ હોવું ફરજિયાત છે.

• ઓછામાં ઓછી વય: 18 વર્ષ
• વધુમાં વધુ વય: 27 વર્ષ (ગણતરીની તારીખ 16 સપ્ટેમ્બર 2025 મુજબ)

આરક્ષિત વર્ગને સરકારના નિયમો મુજબ વયમાં છૂટ મળશે.

શારીરિક ક્ષમતા

• પુરુષ ઉમેદવારની ઊંચાઈ ઓછામાં ઓછી 163 સેમી હોવી જોઈએ અને છાતી 84 સેમી (5 સેમી ફુલાવા સાથે) હોવી જરૂરી.
• મહિલા ઉમેદવારની ઊંચાઈ ઓછામાં ઓછી 150 સેમી હોવી જોઈએ.
• પુરુષોએ 25 કિમી દોડ 4 કલાકમાં અને મહિલાઓએ 16 કિમી દોડ 4 કલાકમાં પૂર્ણ કરવી પડશે.

અરજી ફી

• સામાન્ય, OBC અને EWS વર્ગ: 100 રૂપિયા
• SC, ST, PH અને મહિલા ઉમેદવાર: કોઈ ફી નહીં

ફીની ચુકવણી ફક્ત ઓનલાઇન માધ્યમ જેવા કે ડેબિટ કાર્ડ, ક્રેડિટ કાર્ડ અને નેટ બેન્કિંગ દ્વારા કરવી પડશે.

પસંદગી પ્રક્રિયા

ઉમેદવારોની પસંદગી લેખિત પરીક્ષાથી થશે.

• પરીક્ષાનો સમય: 2 કલાક
• કુલ પ્રશ્નો: 200 (MCQ પ્રકાર)

દરેક સાચા પ્રશ્ન માટે 1 ગુણ મળશે, જ્યારે ખોટા જવાબ પર 0.25 ગુણ કપાશે.

પ્રશ્નો નીચેના વિષયમાંથી આવશે:

• સામાન્ય જ્ઞાન : 40 પ્રશ્ન
• તર્કશક્તિ : 40 પ્રશ્ન
• ગણિતીય ક્ષમતા : 40 પ્રશ્ન
• હિન્દી ભાષા : 40 પ્રશ્ન
• અંગ્રેજી ભાષા : 40 પ્રશ્ન

પગાર કેટલો મળશે?

પસંદ થયેલા ઉમેદવારોને Pay Level-3, Group-C હેઠળ પગાર મળશે.

• પ્રારંભિક પગાર: 21,700 રૂપિયા
• મહત્તમ પગાર: 69,100 રૂપિયા

સાથે અન્ય સરકારી ભથ્થા પણ મળશે.

વધુ વાંચો : 12 ધોરણ પાસ માટે સરકારી નોકરીની સુવર્ણ તક, પગાર મહિને 69000 રૂપિયા

DSSSB Forest Guard Recruitment 2025ની ભરતી 12 પાસ યુવાનો માટે પ્રકૃતિની સેવા સાથે સરકારી નોકરી મેળવવાનો ઉત્તમ અવસર છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ