7 ફોટો ગેલેરી

તમારા કામનું / કારમાં આફ્ટરમાર્કેટ CNG કિટ લગાવતાં વોરંટી અને ઈન્શ્યોરન્સ પર શું અસર થાય? કિટ લગાવતાં પહેલાં નિયમો જાણી લો!

Last Updated: 10:36 AM, 10 September 2026

FOLLOW ON

શેર કરો

આજકાલ જૂના વાહનોમાં આફ્ટરમાર્કેટ CNG કિટ લગાવવાનો ટ્રેન્ડ વધી રહ્યો છે. લોકો વધુ સારી માઈલેજ મેળવવા માટે આવું કરી રહ્યા છે. જોકે, બહારના સ્ત્રોતમાંથી CNG કિટ લગાવવાના ફાયદા અને ગેરફાયદા બંને છે.

1/7

1. CNG કિટ લગાવતા પહેલા જાણી લો

પેટ્રોલ અને ડીઝલના વધતા ભાવ તેમજ E20 ઈંધણ અંગેની ચિંતાઓને કારણે, કારને CNGમાં રૂપાંતરિત કરવાનો ટ્રેન્ડ વેગ પકડી રહ્યો છે. બજારમાં એવી ઘણી કાર ઉપલબ્ધ છે જેમાં ફેક્ટરી-ફિટેડ CNGનો વિકલ્પ મળતો નથી. પરિણામે, લોકો ખર્ચ ઘટાડવા માટે આફ્ટરમાર્કેટ CNG કિટ લગાવી રહ્યા છે. જોકે, CNG કિટ લગાવતા પહેલા તેનાથી વીમા અને વોરંટી પર થતી અસરોને સમજવી મહત્વપૂર્ણ છે.

આ તસવીર શેર કરો

2/7

2. આફ્ટરમાર્કેટ CNG કિટ લગાવવાનો ખર્ચ

આફ્ટરમાર્કેટ CNG કિટનો સૌથી મોટો ફાયદો એ છે કે, જો વાહન ઉત્પાદક દ્વારા ફેક્ટરી-ફિટેડ CNGનો વિકલ્પ આપવામાં આવ્યો ન હોય તો પણ તેના દ્વારા કારને CNGમાં રૂપાંતરિત કરી શકાય છે. સામાન્ય રીતે, પેટ્રોલ મોડલની સરખામણીએ ફેક્ટરી-ફિટેડ CNG મોડલ માટે વસૂલવામાં આવતી એક્સટ્રા પ્રીમિયમ કરતાં આફ્ટરમાર્કેટ CNG કિટ લગાવવાનો ખર્ચ 25-30 ટકા જેટલો ઓછો હોઈ શકે છે. આ ઉપરાંત, જૂની પેટ્રોલ કારમાં વધુ સારી માઈલેજ મેળવવા માટે પણ આ કરી શકો છો.

આ તસવીર શેર કરો

3/7

3. બજારમાંથી મળતી અલગ કિટ

ઉદાહરણ તરીકે, જો કોઈ કંપની કોઈ ચોક્કસ SUVનું CNG વર્ઝન વેચતી ન હોય, તો તેના માલિક 'આફ્ટરમાર્કેટ કિટ' લગાવી શકે છે. આ ઉપરાંત, જૂની અથવા સેકન્ડ-હેન્ડ પેટ્રોલ કારને CNGમાં રૂપાંતરિત કરીને દૈનિક ઇંધણનો ખર્ચ ઘટાડી શકાય છે. જોકે, દરેક કાર CNGમાં કન્વર્ઝન માટે યોગ્ય હોતી નથી. સામાન્ય રીતે, માત્ર પેટ્રોલ કારને જ CNGમાં રૂપાંતરિત કરી શકાય છે.

આ તસવીર શેર કરો

4/7

4. આફ્ટર માર્કેટ CNGનુ સૌથી મોટુ નુકસાન

CNG કિટ ઇન્સ્ટોલ કરતા પહેલા ધ્યાનમાં લેવા જેવી સૌથી મહત્વની બાબત કાર ઉત્પાદકની વોરંટી છે. ભલે કિટ સરકાર દ્વારા માન્ય હોય અને અધિકૃત નિષ્ણાત દ્વારા ઇન્સ્ટોલ કરવામાં આવી હોય, તેમ છતાં આફ્ટરમાર્કેટ CNG કિટ ઇન્સ્ટોલ કરવાથી ઉત્પાદકની 'પાવરટ્રેન વોરંટી' રદ થઈ શકે છે. કેટલીક કંપનીઓ એન્જિન સિવાયના અન્ય ભાગો પર વોરંટી ચાલુ રાખી શકે છે, પરંતુ આ સંપૂર્ણપણે કંપની અને તેની ચોક્કસ નીતિઓ પર આધારિત છે. કેટલાક ઇન્સ્ટોલર્સ થર્ડ-પાર્ટી વોરંટી પણ આપે છે, જોકે તેના માટે વધારાનો ખર્ચ થઈ શકે છે. સામાન્ય રીતે, CNG કિટ માટે 1-2 વર્ષની વોરંટી આપવામાં આવે છે.

આ તસવીર શેર કરો

5/7

5. મોટી સિંગલ ટેંકનો ઉપયોગ

એક બીજી સમસ્યા કારની ડિક્કીની જગ્યા છે. ફેક્ટરી-ફિટેડ CNG કારમાં, ઉત્પાદકો અંડરબોડી અથવા ડ્યુઅલ-ટેન્ક સેટઅપ જેવા વિકલ્પો પ્રદાન કરે છે, જે બૂટ સ્પેસ સાચવે છે. તેનાથી વિપરીત, આફ્ટરમાર્કેટ ઇન્સ્ટોલેશન સામાન્ય રીતે મોટી સિંગલ ટેંકનો ઉપયોગ કરે છે, જે બૂટ એરિયાનો નોંધપાત્ર હિસ્સો વાપરે છે.

આ તસવીર શેર કરો

6/7

6. કેમ ઇન્શ્યોરેન્સ પર અસર થાય છે?

હા, બહારથી CNG કિટ ઇન્સ્ટોલ કરાવવાથી તમારી કારના વીમા પર અસર પડે છે. તેનાથી વીમા પ્રીમિયમમાં થોડો વધારો થઈ શકે છે, અને વીમા કંપનીને જાણ કરવી તથા તે મુજબ પોલિસી અપડેટ કરાવવી ફરજિયાત છે. આવું એટલા માટે થાય છે કારણ કે CNG કિટ લગાવવાથી કારની 'ઇન્સ્યોર્ડ ડિક્લેર્ડ વેલ્યુ' (IDV) વધે છે અને આગ લાગવાનું જોખમ પણ થોડું વધી જાય છે. બહારથી લગાવેલી CNG કિટનો ખર્ચ કારની કુલ કિંમતમાં ઉમેરવામાં આવે છે. ત્યારબાદ, વીમા કંપની CNG કિટની વિગતો અને તેના ખર્ચનો સમાવેશ કરવા માટે તમારી પોલિસી અપડેટ કરે છે.

આ તસવીર શેર કરો

7/7

7. ક્લેમ રિજેક્ટ થવાનું જોખમ

જો તમે તમારી વીમા કંપનીને CNG કિટના ઇન્સ્ટોલેશન વિશે જાણ કરવામાં નિષ્ફળ જાઓ અને RTO ખાતે કારના રજિસ્ટ્રેશન સર્ટિફિકેટ (RC)માં CNGની વિગતો અપડેટ ન કરાવો, તો ભવિષ્યમાં તમારો ઇન્શ્યોરેન્સ ક્લેમ નામંજૂર થઈ શકે છે. ખાસ કરીને અકસ્માત અથવા આગને કારણે થયેલા નુકસાનના કિસ્સામાં ક્લેમ રિજેક્ટ થવાનું જોખમ રહેલું છે.

આ તસવીર શેર કરો

સંકળાયેલા મુદ્દાઓ

Installing CNG kit affect warranty and insurance Know the rules