ખાસ કામનું / ઇન્કમટેક્સ રિફન્ડ નથી આવ્યું? તો અહીંયા કરો ફરિયાદ, ને પછી સ્ટેટસ ચેક કરો

આવકવેરા રિટર્ન ભર્યા પછી મોટા ભાગના ટેક્સપેયર્સને અસલી રાહત ત્યારે મળે છે જ્યારે રિફંડના પૈસા બેન્ક એકાઉન્ટમાં આવી જાય છે. પણ ઘણા લોકો આ રાહત માટે મોટી રાહ જોવી પડી રહી છે.ઘણા ટેક્સપેયર્સનું રિટર્ન પ્રોસેસ થયેલું જોવા મળે છે પણ બેન્ક એકાઉન્ટ હાલ પણ ખાલી છે. તેમને રિફંડ નથી મળ્યું જેનું એક મોટું કારણ સિસ્ટમમાં મળી આવેલી ડિડક્શનમાં ગરબડ. ઈનકમ મિસમેચ અથવા ટેક્સ નોટિસ છે. જો તમે પણ ITR રિફંડમાં મોડું થવાથી પરેશાન છો તો ગભરાવાની જરૂર નથી. અહીંયા અમે જણાવીશું કે તમે ક્યાં ફરિયાદ કરી શકો છો.

સૌથી પહેલા રિફંડનું સ્ટેટસ ચેક કરો

કોઈ પણ પગલું લેતા પહેલા એ જાણવું જરૂરી છે કે તમારું રિફંડ ક્યાં અટક્યું છે. જેના માટે ઈનકમ ટેક્સની વેબસાઈટ incometax.gov.in પર લોગઈન કરો.

કોને ફોન કરવો?

સીપીસી બેંગલુરુનો સંપર્ક કરો

જો તમારા રિટર્નની પ્રક્રિયામાં સમય લાગી રહ્યો હોય અથવા તમને જાણ થઈ હોય પણ રિફંડ ન મળ્યું હોય તો CPC સાથે વાત કરો.

ટોલ ફ્રી નંબર: 18001030025 અને 18004190025

ડાયરેક્ટ નંબર: 080-46122000 અથવા 080-61464700

સમય: સવારે 8 થી રાત્રે 8 (સોમવાર થી શુક્રવાર)

SBI નો સંપર્ક કરો (જો રિફંડ પેઇડ લખેલું હોય તો)

આવકવેરા રિફંડના પૈસા SBI દ્વારા આવે છે.

જો પોર્ટલ પર રિફંડ ચૂકવેલ દેખાય છે પણ પૈસા ખાતામાં જમા થયા નથી તો SBIનો સંપર્ક કરો.

ટોલ ફ્રી નંબર 18004259760

ઇમેઇલ: [email protected]

શું પુછી શકે?

• તમારા PAN અને Assessment Year (ટેક્સ વર્ષ) ની માહિતી માંગવામાં આવી શકે છે.
• Assessing Officer (AO)નો કોન્ટેક્ટ કરો
• જો તમારો રિફંડ જોવામાં આવ્યો છે, અથવા જૂનો ટેક્સ બાકી છે અથવા Section 245 હેઠળ એડજસ્ટ થયું છે તો CPC (Central Processing Centre) અથવા SBI મદદ નથી કરી શકતા.
• એવો કિસ્સો હોય તો તમારે તમારા jurisdiction (જિલ્લો/ વિસ્તારમાં) ના AO (Assessing Officer)ને સીધો સંપર્ક કરવો પડશે.

AOની માહિતી મેળવવા માટે:

ઇન્કમ ટેક્સ પોર્ટલ પર લોગિન કરો

“Know Your AO” વિકલ્પ પસંદ કરો

ઓનલાઇન ફરિયાદ (Grievance) દાખલ કરવી

ફોન પર વાત કરવી મુશ્કેલ થઈ શકે છે. સૌથી સરળ અને વિશ્વસનીય રીત છે ઓનલાઇન ફરિયાદ દાખલ કરવી.

ઇન્કમ ટેક્સ પોર્ટલ પર લોગિન કરો

“Grievances” વિભાગમાં જઈને Submit Grievance પસંદ કરો

ડિપાર્ટમેન્ટ પસંદ કરો: CPC-ITR

કેટેગરીમાં પસંદ કરો: Refund Not Received

વિગતવાર લખો: તમારો Acknowledgement Number અને તારીખ લખો

આનો ફાયદો એ છે કે વિભાગને નક્કી કરેલા સમયમાં જવાબ આપવાનો હોય છે અને જો તમે ફરિયાદને આગળ પણ લઈ જઈ શકો છો. ઘણી વખત રિફંડ નાની ભૂલના કારણે અટકી જાય છે. આ બે ભૂલ પહેલા જાતે ઠીક કરી લો.

આ પણ વાંચોઃ માત્ર વ્યાજમાં જ રૂ. 2,00,000ની કમાણી! જાણો પોસ્ટ ઓફિસની દમદાર સ્કીમ વિશે

બેંક એકાઉન્ટ ચેક કરો

• રિફંડ માત્ર તે બેંક એકાઉન્ટમાં જ આવે છે જે PAN સાથે જોડાયેલું અને વેલિડેટેડ હોય.
• ઇન્કમ ટેક્સ પોર્ટલમાં My Profile જઈને My Bank Accounts માં જઈને જુઓ કે તમારું એકાઉન્ટ validated છે અને રિફંડ માટે પાત્ર છે કે નહિ.
• જૂનો ટેક્સ બાકી છે કે નહિ ચેક કરો
• જો કોઈ જુના વર્ષનો ટેક્સ અથવા પેનલ્ટી બાકી છે તો નવા રિફંડને એ જ બાકી રકમમાં એડજસ્ટ કરી શકાય છે.
• Pending Actionsમાં જઈને Response to Outstanding Demand માં જઈને જુઓ.
• અહીં તમારે બાકી રકમ મંજૂર કે અસ્વીકાર કરવી જરૂરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ