બિઝનેસ / આ કંપનીને માર્ચમાં મળ્યા મોટા ઓર્ડર હવે સોમવારે તેના શેર પર રહેશે નજર

સોમવારે શેરબજાર ખુલશે ત્યારે KNR કન્સ્ટ્રક્શન્સ લિમિટેડના શેર ફોકસમાં રહેશે. કેમ કે શનિવાર 28 માર્ચે આ કંપનીએ સ્ટોક એક્સચેન્જને એક મોટા ઓર્ડર વિશે માહિતી આપી હતી. જેમાં કંપનીએ જણાવ્યું હતું કે તેને તેલંગાણામાં 1734 કરોડ રૂપિયાના હાઇબ્રિડ એન્યુઇટી મોડ પ્રોજેક્ટ માટે નેશનલ હાઇવે ઓથોરિટી ઓફ ઇન્ડિયા તરફથી એવોર્ડ લેટર મળ્યો છે. આ પ્રોજેક્ટમાં હાઇબ્રિડ એન્યુઇટી મોડ (HAM) માં હૈદરાબાદ-પણજી સેક્શનમાં ગુડેબેલુરથી મહબૂબનગર સુધીના NH-167 ને ચાર-લેન કરવાનો સમાવેશ થાય છે. આ સ્ટ્રેચ 80 કિલોમીટર લાંબો છે.

જેમાં કંપનીએ અગાઉ જાહેરાત કરી હતી કે તેને તેલંગાણામાં 83.65 કરોડ રૂપિયાના રોડ પ્રોજેક્ટ માટે હૈદરાબાદ ગ્રોથ કોરિડોર તરફથી સ્વીકૃતિ પત્ર (LoA) મળ્યો છે. આ પ્રોજેક્ટમાં MGIT ખાતે શંકરપલ્લી રોડથી મણિકોંડા સુધી પાઇપલાઇન રોડને પહોળો અને મજબૂત કરવાનો સમાવેશ થાય છે. જેમાં NPCI ખાતે જંકશનનો વિકાસ સામેલ છે અને તેને 9 મહિનામાં પૂરું કરવાનો ટાર્ગેટ છે.

અગાઉ 12 માર્ચે કંપનીએ જાહેરાત કરી હતી કે તેને એક મોટો પ્રોજેક્ટ મળ્યો છે. કંપનીને ગ્રેટર હૈદરાબાદ મ્યુનિસિપલ કોર્પોરેશન (GHMC) તરફથી 4-લેન યુનિડાયરેક્શનલ ફ્લાયઓવરના નિર્માણ માટે એક્સેપ્ટન્સ લેટર મળ્યો છે. આ પ્રોજેક્ટ તેલંગાણાના રસૂલપુરા વિસ્તારમાં એન્જિનિયરિંગ, પ્રોક્યોરમેન્ટ એન્ડ કન્સ્ટ્રક્શન (EPC) ટર્નકી ધોરણે બનાવવામાં આવશે. પ્રોજેક્ટનો કુલ ખર્ચ અંદાજે 50.47 કરોડ રૂપિયા હોવાનો અંદાજ છે. કંપનીના જણાવ્યા અનુસાર આ ફ્લાયઓવરનું બાંધકામ 24 મહિનામાં પૂરું થશે, જેનાથી શહેરની ટ્રાફિક વ્યવસ્થામાં સુધારો થવાની અપેક્ષા છે. મતલબ કે માર્ચ મહિનામાં જ કંપનીને તેલંગાણા તરફથી ત્રણ મોટા ઓર્ડર મળ્યા હતા.

• ક્વોર્ટલી પરિણામો કેવા રહ્યા?
  

KNR કન્સ્ટ્રક્શન્સે તેના ત્રીજા ક્વોર્ટરના પરિણામો જાહેર કર્યા છે. ત્રિમાસિક ગાળા માટે કંપનીનો નેટ પ્રોફિટ 58.7% ઘટીને 102.8 કરોડ રૂપિયા થયો છે જે પાછલા વર્ષના 248.6 કરોડ રૂપિયા હતો. તેની આવક 12.4% ઘટીને 743.2 કરોડ રૂપિયા થઈ છે જે પાછલા વર્ષના 848 કરોડ રૂપિયા હતી. કંપનીનો EBITDA પાછલા વર્ષના 256 કરોડથી 34.8% ઘટીને 166.7 કરોડ રૂપિયા થયો છે. તેનું EBITDA માર્જિન ગયા વર્ષના સમાન સમયગાળાના 30.1% થી ઘટીને 22.4% થયું છે.

વધુ વાંચો : ટ્રેડ યુનિયનનું વિરોધનું બિગુલ, 1 એપ્રિલે લેબર કોડ વિરુદ્ધ દેશભરમાં મનાવશે બ્લેક ડે

• શેર પરફોર્મન્સ
  

KNR કન્સ્ટ્રક્શન્સનો શેર પાછલા સત્રમાં 5.9% ઘટીને 108.95 રૂપિયા  પ્રતિ શેર થયો છે. આ શેરનો 52-સપ્તાહનો નીચો ભાવ છે. આ વર્ષે અત્યાર સુધીમાં શેર 32.6% ઘટ્યો છે.

(DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ