તમારા કામનું / આ અઠવાડિયે 5 મોટી ભરતી માટે અરજીની છેલ્લી તક, GSSSBથી SBI PO સુધી ફોર્મ ભરવાની ડેડલાઇન નજીક

ગુજરાત ગૌણ સેવા પસંદગી મંડળ (GSSSB), સ્ટેટ બેંક ઓફ ઇન્ડિયા (SBI), રિઝર્વ બેંક ઓફ ઇન્ડિયા (RBI), બેંક ઓફ બરોડા અને NIACL જેવી સંસ્થાઓમાં વિવિધ પદો માટે અરજીઓ મંગાવવામાં આવી રહી છે. કેટલીક ભરતી માટે અરજી કરવાની સમયમર્યાદા આગામી થોડા દિવસોમાં પૂર્ણ થવાની છે. જે ઉમેદવારોએ હજુ સુધી ફોર્મ ભર્યું નથી તેમણે તરત જ પ્રક્રિયા પૂર્ણ કરવી જોઈએ. સમયમર્યાદા પસાર થયા બાદ અરજી કરવાની તક મળવાની સંભાવના ખૂબ ઓછી રહે છે. નોકરીની તૈયારી કરતા ઉમેદવારો માટે માત્ર પરીક્ષાની તૈયારી જ નહીં પરંતુ સમયસર ભરતી ફોર્મ ભરવું પણ એટલું જ જરૂરી છે. હાલ વિવિધ સરકારી અને બેંકિંગ સંસ્થાઓ દ્વારા ભરતી પ્રક્રિયાઓ ચાલી રહી છે જેમાંથી કેટલીક માટે અરજી કરવાની છેલ્લી તારીખ હવે નજીક આવી ગઈ છે.

GSSSB ભરતી 2026

ગુજરાત ગૌણ સેવા પસંદગી મંડળ દ્વારા વિવિધ લેબોરેટરી સંબંધિત પદો માટે ભરતી હાથ ધરવામાં આવી છે. લેબોરેટરી આસિસ્ટન્ટ, લેબોરેટરી આસિસ્ટન્ટ (EC), લેબોરેટરી આસિસ્ટન્ટ (સિવિલ), લેબોરેટરી આસિસ્ટન્ટ (કમ્પ્યુટર) અને સિનિયર લેબોરેટરી આસિસ્ટન્ટ પદો માટે અરજી કરવાની છેલ્લી તારીખ 6 જુલાઈ 2026 નક્કી કરવામાં આવી છે. જ્યારે લેબોરેટરી ટેક્નિશિયન પદ માટે ઉમેદવારો 8 જુલાઈ 2026 સુધી અરજી કરી શકે છે.

SBI PO ભરતી 2026

સ્ટેટ બેંક ઓફ ઇન્ડિયાએ 1,500 પ્રોબેશનરી ઓફિસર (PO) જગ્યાઓ માટે ભરતી જાહેર કરી છે. કોઈપણ માન્ય યુનિવર્સિટીમાંથી સ્નાતક થયેલા અને 21થી 30 વર્ષની વય ધરાવતા ઉમેદવારો અરજી માટે પાત્ર છે. અનામત વર્ગના ઉમેદવારોને નિયમ મુજબ ઉંમરમાં છૂટછાટ મળશે. પસંદગી પ્રક્રિયામાં પ્રાથમિક પરીક્ષા, મુખ્ય પરીક્ષા અને ઇન્ટરવ્યૂનો સમાવેશ થાય છે. આ ભરતી માટે ઓનલાઈન અરજી કરવાની અંતિમ તારીખ 8 જુલાઈ 2026 છે.

આ પણ વાંચોઃ આખો દિવસ ઓફિસ ખુરશીમાં બેસી રહેવાથી જોખમ, આ ડેસ્ક વર્કઆઉટ કરવાથી સરળતાથી જોખમ થઈ જાય છે ઓછું

RBI યંગ પ્રોફેશનલ ભરતી

રિઝર્વ બેંક ઓફ ઇન્ડિયા દ્વારા યંગ પ્રોફેશનલ પદ માટે ભરતી જાહેર કરવામાં આવી છે. વિવિધ ક્ષેત્રોમાં કુલ 12 જગ્યાઓ ભરવામાં આવશે. BE, BTech, ME, MTech, માસ્ટર્સ અથવા PhD જેવી લાયકાત ધરાવતા ઉમેદવારો અરજી કરી શકે છે.આ ભરતીમાં પસંદ થનાર ઉમેદવારોને દર મહિને ₹1.50 લાખ સુધીનું સ્ટાઇપેન્ડ આપવામાં આવશે. અરજી કરવાની છેલ્લી તારીખ 6 જુલાઈ 2026 રાખવામાં આવી છે.

બેંક ઓફ બરોડા ભરતી

બેંક ઓફ બરોડા દ્વારા મેનેજર ક્રેડિટ એનાલિસ્ટ, સિનિયર મેનેજર ક્રેડિટ એનાલિસ્ટ અને ચીફ મેનેજર ક્રેડિટ એનાલિસ્ટ સહિત વિવિધ પદો માટે કુલ 86 જગ્યાઓ જાહેર કરવામાં આવી છે.સામાન્ય, OBC અને EWS વર્ગના ઉમેદવારો માટે અરજી ફી ₹500 છે, જ્યારે SC, ST, PH, ESM અને મહિલા ઉમેદવારો માટે ₹175 ફી નક્કી કરવામાં આવી છે. અરજી કરવાની છેલ્લી તારીખ 6 જુલાઈ 2026 છે.

NIACL એપ્રેન્ટિસ ભરતી 2026

ન્યૂ ઇન્ડિયા એશ્યોરન્સ કંપની લિમિટેડ (NIACL) દ્વારા 550 એપ્રેન્ટિસ જગ્યાઓ માટે ભરતી કરવામાં આવી રહી છે. સ્નાતક લાયકાત ધરાવતા ઉમેદવારો અરજી કરી શકે છે. ઉમેદવારની ઉંમર 21થી 30 વર્ષની વચ્ચે હોવી જોઈએ. પસંદ થયેલા ઉમેદવારોને તાલીમ દરમિયાન દર મહિને ₹12,300 સ્ટાઇપેન્ડ આપવામાં આવશે. આ ભરતી માટે અરજી કરવાની સમયમર્યાદા 6 જુલાઈ 2026 સુધી નક્કી કરવામાં આવી છે. ઉમેદવારો માટે સલાહ છે કે અંતિમ તારીખની રાહ જોવાને બદલે શક્ય તેટલી વહેલી તકે અરજી પ્રક્રિયા પૂર્ણ કરી દેવી જોઈએ જેથી ટેકનિકલ સમસ્યાઓ અથવા અન્ય કારણોસર તક હાથમાંથી ન નીકળી જાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ