સુરત / PSI રિવોલ્વર સાફ કરતા હતા, અચાનક છૂટી ગોળી, કેરબા સાથે ટકરાઈને લારીવાળાના શરીરની આરપાર નીકળી

સુરતના કાપોદ્રાના PSI પી.એસ. મકવાણા પોતાની સર્વિસ રિવોલ્વર સાફ કરી રહ્યા હતા, તે દરમિયાન ભૂલથી ગોળી છૂટી જતાં તે પાણીના કેરબા સાથે અથડાઈને નજીક ઊભેલા લારીચાલકને વાગી હતી ગોળી તેના શરીરમાંથી આરપાર નીકળી ગઈ હતી. આ ઘટના બાદ ભારે અફરાતફરી સર્જાઈ હતી.

PSI ઈજાગ્રસ્તને હોસ્પિટલ લઈને દોડ્યાં

ઘટના બનતાં જ PSI મકવાણાએ ક્ષણની પણ રાહ જોયા વગર લોહીલુહાણ હાલતમાં પડેલા ઈજાગ્રસ્ત લારીચાલકને પોતાના વાહનમાં તાત્કાલિક નજીકની હોસ્પિટલ ખાતે સારવાર અર્થે ખસેડ્યો હતો. હોસ્પિટલના તબીબો દ્વારા દર્દીની પ્રાથમિક સારવાર શરૂ કરવામાં આવી છે.

વધુ વાંચો : સુરતમાં મહિને 15 હજાર કમાનારને મળી 975 કરોડની ટેક્સ નોટીસ, કંપનીમાં અજમેરના દરજીને ડિરેક્ટર બનાવાયો

નાના વરાછા પોલીસ ચોકીમાં બની ઘટના

PSI મકવાણા નાના વરાછા પોલીસ ચોકીમાં પોતાની સર્વિસ રિવોલ્વર સાફ કરી રહ્યાં હતા તે દરમિયાન ભૂલથી ગોળી છૂટી ગઈ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ