ગાંધીનગર / ગુજરાતમાં બધા વર્ગની ખેતીની જમીન માટે 10 ગુંઠાનો સ્ટાન્ડર્ડ એરિયા નક્કી કરાયો, મોટો નિર્ણય

ગુજરાત સરકારના મહેસૂલ વિભાગ દ્વારા રાજ્યમાં ખેતીની જમીનના ટુકડા અટકાવવા માટે એક મહત્વપૂર્ણ નિર્ણય લેવાયો છે. સરકાર દ્વારા બહાર પાડવામાં આવેલા નવા નોટિફિકેશન મુજબ, રાજ્યમાં તમામ વર્ગની ખેતીની જમીન માટે Standard Area 10 ગુંઠા (1012 ચોરસ મીટર) નક્કી કરાયો છે.

10 ગુંઠા કે તેથી ઓછી જમીન ટુકડા ધારા હેઠળ ગણાશે

હવેથી 10 ગુંઠા કે તેથી ઓછી જમીન ધરાવતો ભાગ ટુકડા ધારા હેઠળ ગણાશે, જેથી જમીનની ખરીદ-વેચાણ કે વિભાજનની પ્રક્રિયા વખતે આ મર્યાદા ધ્યાને લેવાની રહેશે.

જમીનના ખરીદ વેચાણ અને વિભાજનમાં નવી મર્યાદા લાગુ પડશે

આ નિર્ણય બાદ જમીનની ખરીદી કે વાચણ અને ટુકડા પાડવામાં નવી મર્યાદા લાગુ પડશે. આને કારણે ખેડૂતોને જમીન માપણી નોંધણી અને સરકારી યોજનાઓમાં મદદ મળશે.

વધુ વાંચો : સાબરકાંઠામાં કપલે સગા ભાઈની 1 મહિનાની પુત્રીનો કર્યો સોદો, કિસ્સો જાણીને આઘાત પામી જશો

શહેરી વિસ્તારોને મુક્તિ અપાઈ

મહાનગરપાલિકા, નગરપાલિકા અને શહેરી વિકાસ સત્તામંડળ (UDAR) ના વિસ્તારોને આ ટુકડા ધારાની અસરમાંથી સંપૂર્ણ મુક્ત કરવામાં આવ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ