અમદાવાદ / ‘બ્રાન્ડ ઇન્ડિયા’ના પડકારો અને વૈશ્વિક છબી પર સોહેલ સેઠનું વિશેષ સંબોધન વાર્તાલાપનું આયોજન

અમદાવાદ: અમદાવાદ મેનેજમેન્ટ એસોસિએશન (એએમએ) દ્વારા “બ્રાન્ડ ઇન્ડિયા: ધ ચેલેન્જિસ એન્ડ વોટ ઇન્ડિયન્સ મસ્ટ ડૂ” વિષય પર વિશેષ વાર્તાલાપનું આયોજન કરવામાં આવ્યું છે. આ કાર્યક્રમ 20 ઓગસ્ટ, 2026ના રોજ સાંજે 6:30થી 7:45 વાગ્યા સુધી એએમએ કેમ્પસ ખાતે યોજાશે.

આ વિશેષ સત્રને સોહેલ સેઠ (સ્થાપક અને મેનેજિંગ પાર્ટનર, કાઉન્સેલેજ ઇન્ડિયા તેમજ બ્રાન્ડ કન્સલ્ટન્ટ અને સ્ટ્રેટેજિક એડવાઇઝર) સંબોધિત કરશે.

વાર્તાલાપ દરમિયાન સોહેલ સેઠ ‘બ્રાન્ડ ઇન્ડિયા’ અંગે વૈશ્વિક દૃષ્ટિકોણમાં થઈ રહેલા ફેરફારો, ભારત સામેના ભવિષ્યના મુખ્ય પડકારો તેમજ વિશ્વભરમાં દેશની છબીને વધુ મજબૂત બનાવવા માટે નાગરિકો અને આગેવાનોની ભૂમિકા અંગે પોતાના વિચારો રજૂ કરશે.

કાર્યક્રમમાં ભારતની વૈશ્વિક ઓળખ, દેશની પ્રતિષ્ઠા અને બદલાતા આંતરરાષ્ટ્રીય પરિપ્રેક્ષ્યમાં ભારતને વધુ મજબૂત બ્રાન્ડ તરીકે સ્થાપિત કરવા માટે શું કરી શકાય તે અંગે ચર્ચા થવાની અપેક્ષા છે.

આ કાર્યક્રમમાં પ્રવેશ તમામ માટે ખુલ્લો રાખવામાં આવ્યો છે. રસ ધરાવતા લોકો એએમએ કેમ્પસ ખાતે યોજાનારા આ વાર્તાલાપમાં જોડાઈ શકે છે.

વધુ માહિતી માટે અમદાવાદ મેનેજમેન્ટ એસોસિએશનનો 079-26308601 નંબર પર સંપર્ક કરી શકાય છે અથવા એએમએની સત્તાવાર વેબસાઇટ www.amaindia.orgની મુલાકાત લઈ શકાય છે.