મનોરંજન / સતત ચોથા દિવસે 82 કરોડને પાર 'Awarapan 2' નું કલેક્શન, તો 'બંટવારા' કેટલે પહોંચ્યું?

સની દેઓલની 'બંટવારા 1947' અને ઈમરાન હાશ્મીની 'આવારાપન 2' આ વર્ષે 14મી ઓગસ્ટે મોટા પડદા પર આમને-સામને આવી હતી. જોકે ચાહકો બંને ફિલ્મોની આતુરતાથી રાહ જોઈ રહ્યા હતા, પરંતુ 'આવારાપન 2' બોક્સ-ઓફિસ પર વિજેતા સાબિત થઈ; શાનદાર શરૂઆત બાદ, તેણે રિલીઝના ઓપનિંગ વીકેન્ડ પર જબરદસ્ત પ્રદર્શન કર્યું.

દરમિયાન, સનીની ફિલ્મ 'બંટવારા: 1947'ની શરૂઆત ધીમી રહી હતી. જોકે બીજા દિવસે તેની કમાણીમાં વધારો થયો હતો, પરંતુ ત્રીજા દિવસે તે ફરીથી સિંગલ ડિજિટ પર આવી ગઈ હતી. હવે, બંને ફિલ્મો 'મન્ડે ટેસ્ટ'નો સામનો કરી રહી છે, જે તેમની રિલીઝનો ચોથો દિવસ છે. આવો જાણીએ કે ચોથા દિવસે તેઓ કેટલી કમાણી કરી રહી છે ?

'બંટવારા: 1947'ની ત્રણ દિવસની કમાણી કેટલી હતી?

• સની દેઓલ અને પ્રીતિ ઝિન્ટા અભિનીત આ ફિલ્મની શરૂઆત 5.75 કરોડ રુપિયાની કમાણી સાથે થઈ હતી.
• બીજા દિવસે ફિલ્મે 13.50 કરોડ રુપિયાની કમાણી કરી.
• ત્રીજા દિવસે ફિલ્મનું કલેક્શન 7.25 કરોડ રુપિયા રહ્યું.
• ત્રણ દિવસના ઓપનિંગ વીકેન્ડ દરમિયાન ફિલ્મની કુલ કમાણી 26.50 કરોડ રુપિયા થઈ.
• ચોથા દિવસનું 0.29 કરોડ રુપિયા કમાણી રહી. (બપોરે 1 વાગ્યા સુધી)

'બંટવારા1947' વિશે

'બંટવારા 1947'નું ડાયરેક્શન રાજકુમાર સંતોષીએ કર્યું છે અને તેના પ્રોડ્યુસર આમિર ખાન છે. આ ફિલ્મમાં સની દેઓલ સિકંદર મિર્ઝાની મુખ્ય ભૂમિકા ભજવે છે. કલાકારોની યાદીમાં પ્રીતિ ઝિન્ટા, શબાના આઝમી, કરણ દેઓલ અને અલી ફઝલ વગેરેનો પણ સમાવેશ થાય છે.

'આવારાપન 2'નું ત્રણ દિવસનું કલેક્શન કેટલું હતું?

• 'આવારાપન 2'ની શરૂઆત પહેલા દિવસે 22 કરોડ રુપિયાના નેટ કલેક્શન સાથે થઈ હતી.
• બીજા દિવસે ફિલ્મની કમાણી 33.75 કરોડ રુપિયા રહી હતી.
• દરમિયાન, ત્રીજા દિવસે 'આવારાપન 2'એ 26.25 કરોડ રુપિયાની કમાણી કરી હતી.
• આ સાથે, ભારતમાં ત્રણ દિવસમાં ફિલ્મની કુલ નેટ કમાણી 81.75 કરોડ રુપિયા થઈ છે.
• ચોથા દિવસનું 1.13 કરોડ રુપિયા રહ્યું છે. (બપોરે 1 વાગ્યા સુધી)

આ પણ વાંચોઃ તારક મહેતા ફેમ 'સોનુ' નો મેકઅપ વગરનો લુક વાયરલ: સિમ્પલ સૂટમાં સ્પોટ થઈ નિધિ ભાનુશાલી

'આવેરાપન 2' વિશે

નિતિન કક્કર દ્વારા ડાયરેક્ટ અને વિશેષ ભટ્ટ ફિલ્મ્સ દ્વારા પ્રોડ્યૂસ આ ફિલ્મમાં ઈમરાન હાશ્મી મુખ્ય ભૂમિકામાં છે. ઈમરાન હાશ્મી ઉપરાંત, દિશા પટણી, શબાના આઝમી અને પુરણ ગબ્બી પણ આ ફિલ્મમાં મહત્વની ભૂમિકાઓ ભજવે છે. આ ફિલ્મ 2007ની કલ્ટ ક્લાસિક ફિલ્મ 'આવારાપન'ની સિક્વલ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ